(ສະຖານທີ່ກໍ່ສ້າງທາງລົດໄຟລາວ-ຈີນ)
ຄຽງຄູ່ກັບການກໍ່ສ້າງທາງລົດໄຟລາວ-ຈີນໄດ້ກ້າວໄປໜ້າເລື້ອຍໆ, ປະຊາຊົນທີ່ຢູ່ຕາມເສັ້ນທາງການກໍ່ສ້າງທາງລົດໄຟສາຍນີ້
ນັບມື້ນັບຮູ້ສຶກເຖິງການປ່ຽນແປງຢ່າງໃຫຍ່ຫຼວງຂອງຊີວິດການເປັນຢູ່ຂອງເຂົາເຈົ້າຍ້ອນທາງລົດໄຟເສັ້ນນີ້ ເຊິ່ງໂອກາດປະກອບ
ອາຊີບເພີ່ມຫຼາຍຂຶ້ນ, ເຄື່ອງປ່າຂອງດົງນັບມື້ນັບຂາຍດີ, ພື້ນຖານໂຄງລ່າງຕ່າງໆເຊັ່ນ ການສຶກສາ ແລະຄົມມະນາຄົມເປັນຕົ້ນກໍ່
ປັບປຸງດີຂຶ້ນເລື້ອຍໆ…
ເພື່ອຮູ້ກັບຊີວິດການເປັນຢູ່ຂອງປະຊາຊົນຢູ່ທ້ອງຖີ່ນທີ່ມີການປ່ຽນແປງຍ້ອນການກໍ່ສ້າງທາງລົດໄຟລາວ-ຈີນ, ນັກຂ່າວໄດ້ໄປສຳ
ພາດປະຊາຊົນທີ່ອາໃສຢູ່ບ້ານນາເຕີຍທີ່ໃກ້ກັບແຄ້ມໃຫຍ່ນາເຕີຍຂອງບໍລິສັດທາງລົດໄຟເລກ 5 ຂອງຈີນທີ່ເປັນຜູ້ຮັບເໝົາກໍ່
ສ້າງທາງລົດໄຟລາວ-ຈີນຕອນບໍ່ເຕນ-ວຽງຈັນຊ່ວງສັນຍາ I.
"ຖ້າເສັ້ນທາງລົດໄຟຈີນ-ລາວໄດ້ກໍ່ສ້າງສໍາເລັດ,ທຸກສິ່ງທຸກຢ່າງກໍຈະສະດວກສະບາຍຫຼາຍກ່ວາເກົ່າ,ພວກຂ້າພະເຈົ້າ
ຕ່າງກໍຄິດວ່າຈະສົ່ງລູກຫຼານຕົນເອງໄປສຶກສາ ແລະ ຮຽນຮູ້ຢູ່ທີ່ ສປ ຈີນ."
"ໂດຍແມ່ນແລ້ວ, ນັບຕັ້ງແຕ່ມີການກໍ່ສ້າງເສັ້ນ ທາງລົດໄຟລາວ-ຈີນ, ປະຊາຊົນ ຢູ່ບ້ານຂອງພວກເຮົາກໍໄດ້ເຂົ້າໄປເຮັດ
ວຽກຢູ່ນໍາບໍລິສັດຮັບເໝົາກໍ່ສ້າງເປັນຈໍານວນຫຼາຍ. ຖ້າທຽບໃສ່ແຕ່ກ່ອນ ແມ່ນບໍ່ມີວຽກເຮັດງານທໍາ,ເຂົ້າມາປີນີ້ພໍມີເງິນເກັບ
ເງິນຝາກຢູ່ທະນາ ຄານໜ້ອຍໜຶ່ງ."
ເມື່ອໄດ້ຮັບຮູ້ຈຸດປະສົງຂອງນັກຂ່າວທີ່ເຂົ້າມາ, ຊາວບ້ານກໍມີຄວາມສົນໃຈ,ພາກັນລົມເຖິງກ່ຽວກັບຄວາມຮູ້ສຶກຂອງຕົນເອງໃນ
ການເຂົ້າຮ່ວມການກໍ່ສ້າງເສັ້ນທາງລົດໄຟສາຍນີ້ ແລະເວົ້າເຖິງຊີວິດການເປັນຢູ່ຂອງຕົນເອງໃນອະນາຄົດ.
ທ້າວ ວິໄຊ ໄຊຍະວົງ ອາຍຸ 23 ປີ ແມ່ນຜູ້ແປພາສາຈີນ-ລາວ
"ໂຄງການກໍ່ສ້າງເສັ້ນທາງລົດໄຟລາວ-ຈີນໄດ້ຊ່ວຍເຫຼື່ອການສ້າງງານໃຫ້ພວກຂ້າພະເຈົ້າ,ບ້ານພວກເຮົາ ແລະບ້ານອື່ນໆ.
ຂ້າພະເຈົ້າເອງຜ່ານມາກໍເຄີຍໄປສຶກສາຢູ່ ສປ ຈີນ,ປະຈຸບັນນີ້ໄດ້ເຂົ້າມາເຮັດວຽກເປັນຜູ້ແປພາສາ ຈີນ-ລາວ ຢູ່ກັບບໍລິສັດ
ທາງລົດໄຟເລກ 5 ສປ ຈີນ ຈໍາກັດ, ລາຍຮັບກໍໄດ້ສູງຂື້ນກ່ວາແຕ່ກ່ອນ, ນອກນັ້ນຍັງມີຄົນຢູ່ໃນບ້ານຂອງພວກຂ້ອຍອີກ 8
ຄົນທີ່ເຂົ້າມາເຮັດວຽກນໍາບໍລິສັດດັ່ງກ່າວ,ແຕ່ລະຄົນເຮັດວຽກໜ້າທີ່ແຕກຕ່າງກັນຄື: ຄົນຂັບລົດ, ຜູ້ຊ່ວຍແມ່ຄົວ, ພະນັກງານ
ອະນາໄມ ແລະ ຕໍາແໜ່ງອື່ນໆ.ທຸກຄົນມີຄວາມເພິ່ງພໍໃຈຕໍ່ກັບວຽກຂອງຕົນ, ແຕ່ວ່າຂ້ອຍຮູ້ສຶກມີຄວາມກົດດັນຫຼາຍຂຶ້ນເພາະ
ວ່າເຂົາແຕ່ລະຄົນທີ່ເຂົ້າເຮັດວຽກໄດ້ໄລຍະໜຶ່ງແຕ່ວ່າທຸກຄົນລ້ວນແຕ່ຮູ້ເວົ້າພາສາຈີນໄດ້ໜ້ອຍໜຶ່ງແລ້ວດ ສະນັ້ນເປັນສິ່ງ
ໜຶ່ງທີ່ກະຕຸ້ນໃຫ້ຂ້ອຍມີຄວາມພະຍາຍາມທີ່ຈະສືບຕໍ່ສຶກສາຮຣຽນຮູ້, ຍົກລະດັບຄວາມຮູ້ຄວາມສາມາດ, ເຮັດວຍກງານໃຫ້ໄດ້
ດີກວ່າເກົ່າ" ທ້າວວິໄຊທັງເວົ້າທັງຍິ້ມໄປນຳ.
ເອື້ອຍ ນາງ ອາຍຸ 32 ປີ ປະຊາຊົນທ້ອງຖີ່ນ
"ບ້ານພວກຂ້ອຍມີຕະຫຼາດບ່ອນໜຶ່ງ ທັງນ້ອຍທັງແຄບ, ເຄື່ອງສິນຄ້າ ແລະປະເພດຜັກທີ່ຂາຍກໍ່ບໍ່ມີຫຼາຍຊະນິດ, ນັບຕັ້ງ
ແຕ່ມີການເລີ່ມໂຄງການກໍ່ສ້າງເສັ້ນທາງລົດໄຟລາວ-ຈີນເປັນຕົ້ນມາ, ເພື່ອເປັນການສະໜອງສະບຽງອາຫານໃຫ້ກັບໂຄງ
ການດັ່ງກ່າວ, ສະນັ້ນ ຕະຫຼາດບ່ອນນີ້ກໍ່ໄດ້ມີການຂະຫຍາຍ ແລະປັບປຸງໃຫຍ່ກວ່າເກົ່າ, ພ້ອມຍັງໄດ້ກໍ່ສ້າງຫ້ອງແຖວ
ຫຼາຍຫ້ອງ ເພື່ອຈະເປັນບ່ອນໃຫ້ຄົນເຂົ້າມາເຊົ່າຂາຍເຄື່ອງຢູ່ໃນຕະຫຼາດອີກດ້ວຍ. ຜັກ ແລະສິນຄ້າຕ່າງໆທີ່ເອົາມາຂາຍ
ກໍມີຫຼາຍຊະນິດໃຫ້ເລືອກຊື້ຕາມໃຈ, ປະຈຸບັນນີ້ ໄປຊື້ຜັກ ແລະສະບຽງອາຫານອື່ນໆ ມີຄວາມສະດວກຫຼາຍ, ມີທັງຜັກທີ່
ນຳເຂົ້າມາແຕ່ຈີນຂາຍຢູ່ໃນຕະຫຼາດ, ສະນັ້ນ ອາຫານທີ່ເຮົາຮັບປະທານກໍ່ເປັນອາຫານຈີນ."
ອ້າຍວຽງ ອາຍຸ 34 ປີ ເປັນຜູ້ຂັບລົດ
"ເມື່ອກ່ອນທີ່ບໍ່ໄດ້ສ້າງໂຄງການທາງລົດໄຟລາວ-ຈີນຢູ່ນີ້, ທາງເສັ້ນນີ້ຈະເປັນຫຼຸບເປັນຂຸມຫຼາຍ, ລົດຂອງຂ້ອຍເພເລື້ອຍໆ.
ດຽວນີ້ ບໍລິສັດທາງລົດໄຟຂອງຈີນເຂົ້າມານີ້ ຊ່ວຍປູທາງໃຫ້ດີ, ລົດຂ້ອຍກໍ່ບໍ່ສູ່ເພປານໃດແລ້ວ,ຂ້ອຍກໍ່ບໍ່ໄດ້ເສຍເງິນຫຼາຍ
ໃນການແປງລົດ ທັງປະຢັດເວລາ, ການແລ່ນລົດຢູ່ບົນເສັ້ນທາງແບບນີ້ແມ່ນສະດວກສະບາຍກວ່າເກົ່າແກນຫຼາຍ."
ອ້າຍຫຼ້າ ອາຍຸ 42 ປີ ເຈົ້າຂອງບ້ານພັກ
"ປີກາຍນີ້ ບ້ານນາເຕີຍມີແຕ່ບ້ານພັກ 3 ຫຼັງທໍ່ນັ້ນ, ແຂກມາແລ້ວການພັກເຊົ່າແມ່ນບໍ່ພໍ. ຫຼັງຈາກມີໂຄງການກໍ່ສ້າງ
ເສັ້ນທາງລົດໄຟແລ້ວ, ຄົນຈີນທີ່ມາເຮັດຄ້າຂາຍ ແລະເຮັດວຽກຢູ່ນີ້ກໍ່ຫຼາຍຂຶ້ນ. ຄົນທີ່ພັກຢູ່ບ້ານພັກຂ້າພະເຈົ້າເລີ່ມຫຼາຍຂຶ້ນ.
ຂ້າພະເຈົ້າໄດ້ວາງແຜນໄວ້ວ່າຈະຕົບແຕ່ງສະພາບບ້ານພັກຄືນ, ສ້າງຫ້ອງເພີ່ມອີກ, ເພາະວ່າມີແຕ່ເຮັດແນວນີ້ຈິ່ງຊິຫາເງິນ
ໄດ້ຫຼາຍ."
"ຂ້ອຍມີລູກ 2 ຄົນ ໄດ້ເຂົ້າໂຮງຮຽນປະຖົມສົມບູນນາເຕີຍ, ປີກາຍນີ້ ບໍລິສັດທາງລົດໄຟເລກ 5 ສປ ຈີນຈຳກັດໄດ້ບໍລິ
ຈາກອຸປະກອນການຮຽນ ແລະຄອມພິວເຕີໃຫ້ທາງໂຮງຮຽນ, ດຽວນີ້ ເດັກນ້ອຍສ່ວນໃຫຍ່ກໍ່ຮູ້ຈັກຫຼິ້ນຄອມພິວເຕີ ເພາະໄດ້
ສ້າງເງື່ອນໄຂການຮຽນຮູ້ທີ່ສຳຄັນໃຫ້ແກ່ເຍົາວະຊົນ, ບໍລິສັດຍັງໄດ້ຊ່ວຍກໍ່ສ້າງເສັ້ນທາງເບຕົງເຂົ້າໄປເຖິງຕໍ່ໜ້າປະຕູໂຮງ
ຮຽນ, ເວລາໄປຮັບສົ່ງລູກໄປໂຮງຮຽນກໍ່ມີຄວາມສະດວກຫຼາຍ."
