ຫວ່າງມໍ່ໆມານີ້, ທ່ານ ເກິງສວງ ໂຄສົກກະຊວງການຕ່າງປະເທດຈີນ ກ່າວໃນກອງປະຊຸມຂ່າວວ່າ, ກອງປະຊຸມກົນໄກປຶກສາຫາລືບັນຫາທະເລຈີນໃຕ້ລະຫວ່າງສອງຝ່າຍຈີນ-ຟິລິບປິນ ຫຼື BCM ຄັ້ງທີ 2 ຈະໄຂຂຶ້ນໃນໄວໆນີ້, ຈີນຫວັງວ່າ, ກອງປະຊຸມຈະໄດ້ໄຂຂຶ້ນຢ່າງສະດວກ ເພື່ອລົງເລິກການທຳຄວາມເຂົ້າໃຈແລະການຮ່ວມມືລະຫວ່າງສອງຝ່າຍກ່ຽວກັບບັນຫາທີ່ກ່ຽວຂ້ອງຕື່ມອີກ ແລະສ້າງບັນຍາກາດທີ່ດີງາມເຂົ້າໃນການຂະຫຍາຍສາຍພົວພັນຈີນ-ຟິລິບປິນຢ່າງປອດໃສ ແລະການຮ່ວມມືທີ່ແທດເໝາະກັບຕົວຈິງໃນທຸກຂົງເຂດ.
ທ່ານ ເກິງສວງ ກ່າວຕື່ມວ່າ, ກອງປະຊຸມ BCM ຄັ້ງທຳອິດໄດ້ໄຂຂຶ້ນຢູ່ນະຄອນກຸ້ຍຢາງປະເທດຈີນຢ່າງສຳເລັດຜົນໃນເດືອນພຶດສະພາປີ 2017 ຜ່ານມາ ແລະສອງຝ່າຍກໍໄດ້ຮັກສາການຕິດຕໍ່ພົວພັນຢ່າງບັງເກີດຜົນກ່ຽວກັບບັນຫາທະເລຈີນໃຕ້ ແລະການຊຸກຍູ້ການຮ່ວມມືທີ່ແທດເໝາະກັບຕົວຈິງເທິງທະເລມາໂດຍຕະຫຼອດ.
ທ່ານກ່າວອີກວ່າ, ປັດຈຸບັນ, ສອງຝ່າຍພວມຮັກສາການຕິດຕໍ່ພົວພັນຢ່າງໃກ້ຊິດກ່ຽວກັບລາຍລະອຽດກອງປະຊຸມຄັ້ງທີ 2 ຂອງກົນໄກດັ່ງກ່າວ.