ຫວ່າງມໍ່ໆມານີ້, ເມືອງທົງຈືແຂວງກຸ້ຍໂຈ່ວ ສປ ຈີນ ໄດ້ຈັດກິດຈະກຳວັດທະນະທຳຕ້ອນຮັບບຸນກຸດຈີນ 2018 ຂອງບ້ານໃໝ່ຊາວຍ້າຍຖິ່ນຖານ ໂດຍປະຊາຊົນຜູ້ທຸກຍາກ 5000 ກວ່າຄົນທີ່ໄດ້ຍ້າຍຖິ່ນຖານໄປຢູ່ 4 ບ່ອນ ເຊັ່ນ ບ້ານໃໝ່ຮວ່າຢວນສຳລັບຊາວຍ້າຍຖິ່ນຖານ ເປັນຕົ້ນເພື່ອຫຼຸດຜ່ອນຄວາມທຸກຍາກນັ້ນ ໄດ້ຮ່ວມກັບປະຊາຊົນແລະພະນັກງານທ້ອງຖິ່ນກິນເຂົ້າໜົມບົວລອຍ, ຕິດຄະຕິຄູ່ ແລະເບິ່ງການສະແດງສິລະປະວັດທະນະທຳ ເພື່ອຕ້ອນຮັບບຸນກຸດຈີນພ້ອມກັນ.
ເພື່ອປະຕິບັດວຽກງານຍ້າຍຖິ່ນຖານແລະຄ້ຳປະກັນສຳລັບປະຊາຊົນຜູ້ທຸກຍາກຢ່າງຮອບດ້ານ ແລະເຮັດໃຫ້ເຂົາເຈົ້າຫຼຸດພົ້ນອອກຈາກຄວາມທຸກຍາກໄວຂຶ້ນກວ່າເກົ່າ, ອົງການປົກຄອງເມືອງທົງຈືໄດ້ໃຊ້ງົບປະມານ 1 ຕື້ 200 ລ້ານຢວນ ເຂົ້າໃນການສ້າງຈຸດຍ້າຍຖິ່ນຖານ 11 ແຫ່ງຢູ່ກຸ່ມບ້ານຕ່າງໆ ໃຫ້ແກ່ປະຊາຊົນຜູ້ທຸກຍາກ 19992 ຄົນຈາກ 5038 ຄອບຄົວໃນ 188 ບ້ານຂອງ 25 ກຸ່ມບ້ານໃນທົ່ວເມືອງ, ຄາດວ່າ ໃນປີ 2018 ນີ້ ຈະສຳເລັດໃນການຍ້າຍຖິ່ນຖານໃຫ້ 2 ໝື່ນຄົນຢ່າງຮອບດ້ານ.