ກອງປະຊຸມປະທານຄັ້ງທີ 111 ຂອງຄະນະປະຈຳສະພາປະຊາຊົນແຫ່ງຊາດຈີນຊຸດທີ 12 ໄດ້ຈັດຂຶ້ນຢູ່ຫໍສະພາປະຊາຊົນແຫ່ງຊາດ ນະຄອນຫຼວງປັກກິ່ງໃນຕອນເຊົ້າວັນທີ 11 ກຸມພານີ້ ໂດຍການເປັນປະທານຂອງທ່ານຈ່າງເຕີຈ່ຽງ ປະທານຄະນະປະຈຳສະພາປະຊາຊົນແຫ່ງຊາດ ແລະໄດ້ຕົກລົງຈະຈັດກອງປະຊຸມຄັ້ງທີ 33 ຂອງຄະນະປະຈຳສະພາປະຊາຊົນແຫ່ງຊາດຊຸດທີ 12 ແຕ່ວັນທີ 23-24 ກຸມພານີ້.
ໜ້າທີ່ສຳຄັນຂອງກອງປະຊຸມຄັ້ງທີ 33 ຂອງຄະນະປະຈຳສະພາປະຊາຊົນແຫ່ງຊາດຊຸດທີ 12 ກໍຄື ທຳການກະກຽມໃຫ້ແກ່ກອງປະຊຸມຄັ້ງທີໜຶ່ງຂອງສະພາປະຊາຊົນແຫ່ງຊາດຊຸດທີ 13 ທີ່ຈະຈັດຂຶ້ນໃນອີກບໍ່ດົນຂ້າງໜ້ານີ້.
ໃນກອງປະຊຸມປະທານຄະນະປະຈຳສະພາປະຊາຊົນແຫ່ງຊາດ, ທ່ານຫວາງເສີນ ຮອງປະທານ ທັງເປັນເລຂາທິການໃຫຍ່ຄະນະປະຈຳສະພາປະຊາຊົນແຫ່ງຊາດ ໄດ້ລາຍງານຮ່າງວາລະກອງປະຊຸມ ແລະ ຄວາມເຫັນຂອງການຈັດວາງວາລະກອງປະຊຸມຄັ້ງທີ 33 ຂອງຄະນະປະຈຳສະພາປະຊາຊົນແຫ່ງຊາດຊຸດທີ 12. ຂະນະທີ່ທ່ານຮອງເລຂາທິການໃຫຍ່ຂອງຄະນະປະຈຳສະພາປະຊາຊົນແຫ່ງຊາດ ແລະ ຜູ້ຮັບຜິດຊອບຄະນະກຳມະການສະເພາະກິດຂອງສະພາປະຊາຊົນແຫ່ງຊາດ, ຄະນະກຳມະການວຽກງານຂອງຄະນະປະຈຳສະພາປະຊາຊົນແຫ່ງຊາດ ແລະ ຄະນະກຳມະການກວດກາຄຸນວຸດທິຜູ້ແທນ ກໍໄດ້ລາຍງານໃນຫົວຂໍ້ທີ່ກ່ຽວຂ້ອງຂອງກອງປະຊຸມຄັ້ງທີ 33 ຂອງຄະນະປະຈຳສະພາປະຊາຊົນແຫ່ງຊາດເຊັ່ນດຽວກັນ.
