ກອງທຶນສຳລັບເດັກອົງການສະຫະປະຊາຊາດ ຫຼື ຢູນີເຊັຟ ອອກຖະແຫຼງການໃນວັນທີ 11 ກຸມພານີ້ວ່າ, ສົງຄາມທີ່ກໍ່ຂຶ້ນໂດຍກຸ່ມຫົວຮຸນແຮງ IS ນັບແຕ່ປີ 2014 ເປັນຕົ້ນມາ ໄດ້ເຮັດໃຫ້ເດັກນ້ອຍອີຣັກ 1/4 ດຳລົງຊີວິດຢ່າງທຸກຍາກລຳບາກ.
ຖະແຫຼງການລະບຸວ່າ, ປັດຈຸບັນ, ເດັກນ້ອຍອີຣັກ 3 ລ້ານ 7 ແສນຄົນຕົກຢູ່ໃນຄວາມທຸກຍາກລຳບາກຍ້ອນສົງຄາມ, ອີກຫຼາຍກວ່າ 3 ລ້ານຄົນບໍ່ສາມາດໄດ້ຮັບການສຶກສາເປັນປົກກະຕິ ໂດຍຫຼາຍຄົນຖືກບັງຄັບໃຫ້ປະລະການຮຽນຍ້ອນທຸກຍາກ.
ອົງການຢູນີເຊັຟ ໄດ້ເປີດເຜີຍຂໍ້ມູນສະແດງໃຫ້ເຫັນວ່າ, ນັບແຕ່ປີ 2014 ເປັນຕົ້ນມາ, ຢູ່ອີຣັກ ໄດ້ເກີດການຫຼອນໂຈມຕີທີ່ແນໃສ່ສິ່ງກໍ່ສ້າງການສຶກສາ150 ເທື່ອແລະສາທາລະນະສຸກ 50 ເທື່ອ. ປັດຈຸບັນ, ໂຮງຮຽນເຄິ່ງໜຶ່ງຂອງອີຣັກຕ້ອງການສ້ອມແປງຄືນໃໝ່. ຢູນີເຊັຟ ຍັງຮຽກຮ້ອງໃຫ້ປະຊາຄົມໂລກຈົ່ງຊ່ວຍເຫຼືອອີຣັກກໍ່ສ້າງພື້ນຖານໂຄງລ່າງທີ່ເດັກນ້ອຍຕ້ອງການ ແລະໃຫ້ການບໍລິການສາທາລະນະແກ່ເດັກນ້ອຍປະເທດດັ່ງກ່າວ.