ຫວ່າງມໍ່ໆມານີ້, ທ່ານສົນທິຣັດ ສົນທິຈິຣະພົງ ລັດຖະມົນຕີກະຊວງການຄ້າໄທ ໄດ້ແນະນຳໃຫ້ພະແນກການຄ້າຕ່າງປະເທດຊຸກຍູ້ວຽກງານໄລຍະທີ 4 ຂອງແຜນການສົ່ງເສີມນັກທຸລະກິດຊາວໜຸ່ມພັດທະນາເສດຖະກິດການຄ້າກັບປະເທດອ້ອມຂ້າງ, ໂດຍສະເພາະຕ້ອງເພີ່ມທະວີການພົວພັນດ້ານເສດຖະກິດແລະການຄ້າຕາມຊາຍແດນກັບລາວ, ກຳປູເຈຍ, ມຽນມາ ແລະ ຫວຽດນາມ.
ທ່ານສົນທິຣັດ ກ່າວວ່າ: ຄວນອົບຮົມສ້າງນັກທຸລະກິດຊາວໜຸ່ມທີ່ມີຫົວຄິດປະດິດສ້າງໃຫ້ຫຼາຍກວ່າເກົ່າ ເຊິ່ງຈະເປັນກຳລັງແກ່ນສານຂອງການພັດທະນາເສດຖະກິດໄທໃນອະນາຄົດ ແຕ່ປັດຈຸບັນ ນັກທຸລະກິດເຫຼົ່ານີ້ສ່ວນຫຼາຍຍັງດຳເນີນວິສາຫະກິດຂະໜາດກາງແລະຂະໜາດນ້ອຍ ໃນຕໍ່ໜ້າກໍມີຄວາມຫວັງຈະຂະຫຍາຍຕົວແລະເຕີບໃຫຍ່ຂຶ້ນ ແລະເສີມຂະຫຍາຍບົດບາດສຳຄັນໃນການພົວພັນດ້ານເສດຖະກິດ, ການຄ້າ-ການລົງທຶນ ລະຫວ່າງໄທແລະລາວ, ກຳປູເຈຍ, ມຽນມາ ແລະຫວຽດນາມ ນີ້ກໍແມ່ນວຽກງານໜຶ່ງຂອງກະຊວງການຄ້າໄທໃນການປະຕິບັດນະໂຍບາຍການສົ່ງເສີມນັກທຸລະກິດຂະໜາດກາງແລະນ້ອຍພັດທະນາສູ່ຕ່າງປະເທດ.