ຕາມຂ່າວສານຊີນຮວາ: ຕອນຄ່ຳວັນທີ 14 ກຸມພານີ້, ຢູ່ນະຄອນຫຼວງເປຼໂຕເລຍຂອງອາຟຣິກາໃຕ້, ທ່ານຈາຄົບ ຈູມາ ປະທານາທິບໍດີອາຟຣິກາໃຕ້ໄດ້ກ່າວຄຳປາໄສທາງໂທລະພາບຕໍ່ທົ່ວປະເທດ, ປະກາດລາອອກຈາກຕຳແໜ່ງປະທານາທິບໍດີໃນທັນທີ.
ໃນຄຳປາໄສເປັນເວລາປະມານ 30 ນາທີ, ທ່ານຈູມາກ່າວວ່າ: ບໍ່ເຫັນດີນຳຂໍ້ຕົກລົງຂອງຄະນະບໍລິຫານງານສະພາປະຊາຊົນຄົນອາຟຣິກາ ພັກກຳອຳນາດຂອງອາຟຣິກາໃຕ້ ທີ່ຮຽກຮ້ອງໃຫ້ທ່ານລາອອກຈາກຕຳແໜ່ງໃນທັນທີ, ແຕ່ທ່ານກ່າວວ່າ: "ສະພາປະຊາຊົນຄົນອາຟຣິກາບໍ່ຄວນແຕກແຍກກັນຍ້ອນຂ້າພະເຈົ້າເອງຢ່າງເດັດຂາດ. ສະນັ້ນ, ຂ້າພະເຈົ້າຕັດສິນໃຈຈະລາອອກຈາກຕຳແໜ່ງ, ແລະປະຕິບັດໃນທັນທີ". ຕາມສື່ມວນຊົນອາຟຮິກາໃຕ້ແຈ້ງຂ່າວວ່າ: ພາຍຫຼັງທ່ານຈູມາໄດ້ລາອອກຈາກຕຳແໜ່ງແລ້ວ, ທ່ານຊີຣິວ ຣາມາໂຟຊາ ປະທານສະພາປະຊາຊົນຄົນອາຟຣິກາຜູ້ໃໝ່ ທັງເປັນຮອງປະທານາທິບໍດີອາຟຣິກາໃຕ້ຈະເປັນວ່າການແທນປະທານາທິບໍດີ.
 |
