ຕາມຂ່າວ CRI : ວັນທີ 16 ກຸມພານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານໄປຍັງທ່ານຊີຣິວ ຣາມາໂຟຊາ ເພື່ອສະແດງຄວາມຊົມເຊີຍຕໍ່ທ່ານທີ່ໄດ້ຮັບເລືອກຕັ້ງເປັນປະທານາທິບໍດີອາຟຣິກາໃຕ້.
ໃນສານອວຍພອນ, ທ່ານສີຈິ້ນຜິງຊີ້ອອກວ່າ: ທ່ານປະທານາທິບໍດີແມ່ນເພື່ອນມິດເກົ່າຂອງປະຊາຊົນຈີນ, ໄດ້ປະກອບສ່ວນອັນສຳຄັນເຂົ້າໃນການຂະຫຍາຍການພົວພັນລະຫວ່າງຈີນກັບອາຟຣິກາໃຕ້. ຂ້າພະເຈົ້າໃຫ້ຄວາມສຳຄັນສູງແກ່ການຂະຫຍາຍການພົວພັນລະຫວ່າງສອງປະເທດ, ເນື່ອງໃນໂອກາດສະເຫຼີມສະຫຼອງຈີນ-ອາຟຣິກາໃຕ້ສ້າງສາຍພົວພັນທາງການທູດຄົບຮອບ 20 ປີ, ຂ້າພະເຈົ້າຍິນດີທຳຄວາມພະຍາຍາມຮ່ວມກັບທ່ານ, ສະໜັບສະໜູນເຊິ່ງກັນແລະກັນ ເພື່ອຈັດກອງປະຊຸມສຸດຍອດເວທີປຶກສາຫາລືການຮ່ວມມືຈີນ-ອາຟຣິກາ 2018 ທີ່ປັກກິ່ງ ແລະການພົບປະລະຫວ່າງຜູ້ນຳປະເທດບຣິກສ໌ທີ່ໂຈຮັນເນັສເບີກໃຫ້ດີ, ຊຸກຍູ້ການພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນ-ອາຟຣິກາໃຕ້ໃຫ້ກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
 |
