ຕາມຂ່າວ CRI: ກຸ່ມບໍລິສັດນ້ຳມັນເຊື້ອໄຟແລະອາຍແກັດທຳມະຊາດແຫ່ງຊາດຈີນຫຼື CNPC ແຈ້ງໃຫ້ຮູ້ວ່າ, ປີ 2017, CNPC ໄດ້ຜະລິດອາຍແກັດ 103 ຕື້ 300 ລ້ານແມັດກ້ອນພາຍໃນປະເທດຈີນ ເຊິ່ງໄດ້ເພີ່ມຂຶ້ນຫຼາຍກວ່າໄລຍະດຽວກັນຂອງປີຜ່ານມາ 5,3%, ແລະຫຼາຍກວ່າ 100 ຕື້ແມັດກ້ອນເປັນຄັ້ງທຳອິດ.
ທ່ານສູກວາງເຊຍ ໂຄສົກ CNPC ກ່າວວ່າ: ປະລິມານການຜະລິດອາຍແກັດທຳມະຊາດຫຼາຍກວ່າ 100 ຕື້ແມັດກ້ອນ ໝາຍຄວາມວ່າ ມາດຕະການທີ່ໃຊ້ເພື່ອຮັກສາຄວາມໝັ້ນທ່ຽງຂອງນ້ຳມັນເຊື້ອໄຟ ແລະເພີ່ມຜົນຜະລິດອາຍແກັດນັ້ນໄດ້ຮັບຜົນສຳເລັດທີ່ມີລັກສະນະຂັ້ນຕອນ, ອາຍແກັດທຳມະຊາດໄດ້ກວມ 46,4% ໃນໂຄງປະກອບນ້ຳມັນແລະອາຍແກັດ ເຊິ່ງໄດ້ກາຍເປັນຈຸດເຕີບໂຕດ້ານເສດຖະກິດແລະຈຸດປະກອບສ່ວນດ້ານຜົນປະໂຫຍດຂອງ CNPC.
ປີ 2017, CNPC ໄດ້ຜ່ານຜ່າສິ່ງທ້າທາຍຫຼາຍຢ່າງ, ເນັ້ນການສຳຫຼວດຢ່າງມີປະສິດທິພາບສູງແລະຂຸດຄົ້ນດ້ວຍຕົ້ນທຶນຕ່ຳ, ເລັ່ງລັດການພັດທະນາແບບສີຂຽວຂອງອາຍແກັດທຳມະຊາດ, ຊຸກຍູ້ວຽກງານອາຍແກັດໃຫ້ມີການພັດທະນາດ້ວຍຄຸນນະພາບສູງ.