ວັນທີ 17 ກຸມພານີ້, ທະຫານປ້ອງກັນປະເທດອິສຣາແອນໄດ້ໃຊ້ລົດຕັງ ແລະ ຍົນສູ້ຣົບໂຈມຕີເປົ້າໝາຍທະຫານຫຼາຍແຫ່ງທີ່ຢູ່ເຂດກາຊາຂອງອົງການຮາມາສ ເຊິ່ງເປັນຂະບວນການຕໍ່ຕ້ານອິສຣາມຂອງປາເລສຕິນ.
ຕອນຄ່ຳມື້ດຽວກັນ, ທະຫານອິສແອນອອກຖະແຫຼງການວ່າ, ການໂຈມຕີເທື່ອນີ້ແມ່ນການຕອບໂຕ້ຕໍ່ເຫດການລະເບີດທີ່ເກີດຂຶ້ນຢູ່ຊາຍແດນພາກໃຕ້ເຂດກາຊາຖືກຈູດໃນມື້ດຽວກັນ ເຊິ່ງການລະເບີດດັ່ງກ່າວເຮັດໃຫ້ທະຫານອິສຣາແອນ 4 ຄົນບາດເຈັບ, ໃນນັ້ນ ສອງຄົນບາດເຈັບໜັກ.
ທະຫານອິສຣາແອນກ່າວວ່າ, ອົງການຮາມາສ໌ຕ້ອງຮັບຜິດຊອບຕໍ່ເຫດການເທື່ອນີ້ ແລະ ຕ້ອງຮັບຜິດຊອບຕໍ່ເຫດການທັງໝົດທີ່ເກີດຂຶ້ນຢູ່ແຖບກາຊາ.
ມື້ດຽວກັນ, ທ່ານເປັນເຈມິນ ເນຕານຢາຮູ ນາຍົກລັດຖະມົນຕີອິສຣາແອນອອກຖະແຫຼງການວ່າ, ເຫດການທີ່ເກີດຢູ່ຊາຍແດນເຂດກາຊາໃນມື້ດຽວກັນແມ່ນເຫດການທີ່ຮ້າຍແຮງທີ່ສຸດ, ອິສຣາແອນຈະຕອບໂຕ້ຄືນ.