ໃນໄລຍະບຸນກຸດຈີນ, ທ່ານໂຈໂກ ວິໂດໂດ ປະທານາທິບໍດີອິນໂດເນເຊຍແລະທ່ານບຳບັງ ໂຊຊັດໂຢ ປະທານລັດຖະສະພາອິນໂດເນເຊຍຕ່າງກໍໄດ້ອວຍພອນປີໃໝ່ຈີນ.
ທ່ານໂຈໂກ ວິໂດໂດໄດ້ຂຽນຂໍ້ຄວາມອວຍພອນປີໃໝ່ລົງສື່ສັງຄົມ twitter ຂອງຕົນໃນຕອນເຊົ້າວັນທີ 16 ກຸມພານີ້ວ່າ, "ສະເຫຼີມສະຫຼອງປີໃໝ່ຈີນ, ອວຍພອນໃຫ້ທຸກໆທ່ານຈົ່ງສຸຂະພາບເຂັ້ມແຂງ, ສຸກກາຍສະບາຍໃຈແລະມ່ວນຊືນຕະຫຼອດໄປ, ຫວັງວ່າຄວາມຈະເລີນຮຸ່ງເຮືອງຈະຢູ່ຄຽງຂ້າງພວກເຮົາໂດຍຕະຫຼອດ."
ທ່ານບຳບັງ ໂຊຊັດໂຢກ່າວວ່າ "ກິດຈະກຳສະເຫຼີມສະຫຼອງບຸນກຸດຈີນມີຄວາມໝາຍສຳຄັນຕໍ່ອິນໂດເນເຊຍ, ເພາະວ່າມັນໄດ້ສະແດງໃຫ້ເຫັນເຖິງຄວາມພາກພູມໃຈຂອງປະເທດຕົນທີ່ມີວັດທະນະທຳຫຼາຍເຄົ້າ".
ອິນໂດເນເຊຍໄດ້ກຳນົດເອົາບຸນກຸດຈີນເປັນວັນພັກລັດຖະການເມື່ອປີ 2003, ໂດຍກຳນົດພັກມມື້ໜຶ່ງໃນທົ່ວປະເທດ. ຂະນະທີ່ໃນຍາມບຸນກຸດຈີນຂອງແຕ່ລະປີ, ປະຊາຊົນອິນໂດເນເຊຍກໍຈະສະເຫຼີມສະຫຼອງບຸນກຸດຈີນຮ່ວມກັບຊາວອິນໂດເນເຊຍເຊື້ອສາຍຈີນແລະຊາວຈີນຕ່າງດ້າວ.