ມໍ່ໆນີ້, ວິສາຫະກິດການບິນອະວະກາດທາງທຸລະກິດຈີນໄດ້ເລີ່ມປະຕິບັດແຜນການIOT(Internet Of Things)ດາວທຽມ, ຄາດວ່າຈະສົ່ງດາວທຽມ 7 ດວງໃນລະບົບແມງເຕົ່າຄຳດ້ວຍຈະຫຼວດລຳດຽວໃນ 6 ເດືອນທ້າຍປີ 2018 ເພື່ອກວດກາເຕັກນິກຕົ້ນຕໍການສື່ສານIOT ແລະຄວາມສາມາດການປະກອບເຄືອຂ່າຍດ້ວຍດາວທຽມຫຼາຍດວງ ເຊິ່ງເປັນໂຄງການທາງທຸລະກິດທີ່ສັບສົນທີ່ສຸດ ແລະຂະໜາດໃຫຍ່ທີ່ສຸດທົດລອງໃນຂົງເຂດການບິນອະວະກາດພາກເອກະຊົນຈີນໃນປັດຈຸບັນ.
ໃນຊຸມປີຜ່ານມາ, ການບິນອະວະກາດທາງທຸລະກິດພາຍໃນ ແລະຕ່າງປະເທດໄດ້ພັດທະນາຢ່າງວ່ອງໄວ, ຄວາມຮຽກຮ້ອງຕ້ອງການດ້ານການສົ່ງຂໍ້ມູນຂ່າວສານອັນມະຫາສານໃນຂະບວນການໂລກາພິວັດໄດ້ກາຍເປັນຈຸດຮ້ອນທີ່ແຂ່ງຂັນກັນລະຫວ່າງບໍລິສັດວິທະຍາສາດເຕັກນິກອາເມລິກາ ເຊັ່ນ Google, SpaceX ແລະອື່ນໆ, ຂະນະທີ່ວິສາຫະກິດເອີຣົບ ແລະຈີນກໍໄດ້ວາງແຜນການສ້າງເຄືອຂ່າຍທາງອະວະກາດຂອງຕົນເຊັ່ນດຽວກັນ.
"ລະບົບແມງເຕົ່າຄຳ" ມີບົດບາດທີ່ປະດິດສ້າງໃໝ່ຫຼາຍປະການ, ເປັນຕົ້ນສາມາດຖ່າຍຮູບເຊວຟີ, VR ແລະອື່ນໆ.
 |
