ທ່ານຟາເຊວ ປະທານສະຫະພັນຮອກກີນ້ຳກ້າມສາກົນກ່າວຢູ່ເມືອງພຽງຊາງໃນວັນທີ 19 ກຸມພານີ້ວ່າ, ເຫັນພ້ອມຕໍ່ ສປປ ເກົາຫຼີແລະ ສ ເກົາຫຼີສືບຕໍ່ຕັ້ງທີມຮອກກີນ້ຳກ້າມເພດຍິງປະສົມເພື່ອເຂົ້າຮ່ວມການແຂ່ງຂັນກິລາໂອລິມປິກລະດູໜາວປັກກິ່ງທີ່ຈະຈັດຂຶ້ນໃນປີ 2022.
ທັງນີ້ໃນໂອກາດໃຫ້ສຳພາດຕໍ່ນັກຂ່າວໃນວັນທີ 19 ກຸມພານີ້, ທ່ານຟາເຊວກ່າວວ່າ: "ພວກເຮົາພວມພິຈາລະນາວ່າຈະໃຫ້ ສປປ ເກົາຫຼີແລະ ສ ເກົາຫຼີສ້າງທີມຮອກກີນ້ຳກ້າມເພດຍິງປະສົມເພື່ອເຂົ້າຮ່ວມງານກິລາໂອລິມປິກລະດູໜາວຊຸດໜ້າຫຼືບໍ່, ມີຄົນເຄີຍສະເໜີຄວາມເຫັນດັ່ງກ່າວຕໍ່ຂ້າພະເຈົ້າ, ຂ້າພະເຈົ້າກໍເວົ້າວ່ານີ້ແມ່ນເລື່ອງທີ່ເປັນໄປໄດ້. ຖ້າວ່າສາມາດສືບຕໍ່ສ້າງທີມປະສົມໃນງານກິລາໂອລິມປິກລະດູໜາວປັກກິ່ງປີ 2022, ຈະແມ່ນເລື່ອງທີ່ດີແນ່ນອນ, ມັນເປັນສັນຍະລັກແຫ່ງສັນຕິພາບ, ພວກເຮົາຈະສືບຕໍ່ຊຸກຍູ້ເຮັດໃຫ້ເລື່ອງນີ້ບັນລຸຜົນເປັນຈິງ."
ເຖິງວ່າທີມຮອກກີນ້ຳກ້າມເພດຍິງປະສົມທີ່ປະກອບດ້ວຍ ສປປ ເກົາຫຼີແລະ ສ ເກົາຫຼີບໍ່ສາມາດຍາດໄດ້ຜົນການແຂ່ງຂັນທີ່ດີກໍຕາມ, ແຕ່ໄດ້ຮັບຄວາມຊົມເຊີຍຈາກປະຊາຊົນ ສ ເກົາຫຼີທີ່ໄປຊົມການແຂ່ງຂັນ, ແລະໄດ້ເສີມຂະຫຍາຍບົດບາດທີ່ດີໃຫ້ແກ່ການປັບປຸງສາຍພົວພັນລະຫວ່າງສອງປະເທດໃຫ້ດີຂຶ້ນ.
 |
