ຕອນຄ່ຳວັນທີ 19 ກຸມພານີ້, ງານສະແດງຂະໜາດໃຫຍ່ເພື່ອເປັນການຢື້ຢາມຖາມຂ່າວຊາວຕ່າງປະເທດເຊື້ອສາຍຈັດຂຶ້ນຢູ່ນະຄອນຊຽງໃໝ່ ຕົວເມືອງໃຫຍ່ອັນດັບທີສອງຂອງໄທ, ເຊິ່ງເປັນງານມະຫາກຳດ້ານວັດທະນະທຳທີ່ມີສີສັນພິເສດປີໃໝ່ຈີນສຳລັບຊາວໄທເຊື້ອສາຍຈີນແລະຈີນຕ່າງດ້າວພ້ອມປະຊາຊົນທ້ອງຖິ່ນ.
ນີ້ແມ່ນງານສະແດງ"ວັດທະນະທຳຈີນ• ບຸນກຸດຈີນ"ຈັດຂຶ້ນຢູ່ອາຊີເປັນເທື່ອທຳອິດໃນປີນີ້ ແລະ ກ່ອນຈະຈັດການສະແດງທ່ານນາງສິວຢ໋ວນຜິງ ຫົວໜ້າຫ້ອງການວຽກງານຊາວຕ່າງປະເທດເຊື້ອສາຍຈີນແລະຈີນຕ່າງດ້າວຂອງຄະນະລັດຖະບານຈີນ ໄດ້ກ່າວປາໄສໂດຍຜ່ານທາງວິດີໂອວ່າ: ການສະແດງເທື່ອນີ້ຈະເຮັດໃຫ້ບັນດາທ່ານຜູ້ຊົມໄດ້ສຳຜັດກັບຄວາມຮັກແພງທີ່ເຂັ້ມຂຸ້ນ ແລະ ເບີກບານໃຈໃນຄ່ຳຄືນທີ່ດີງາມນີ້.
ການສະແດງເທື່ອນີ້ຈັດໂດຍສະມາຄົມການຄ້າຈີນຢູ່ຊຽງໃໝ່ໂດຍໄດັ້ຮັບການມອບໝາຍຈາກຫ້ອງການວຽກງານຊາວຕ່າງປະເທດເຊື້ອສາຍຈີນ ແລະ ຈີນຕ່າງດ້າວ ແລະ ສະຖານກົງສຸນຈີນປະຈຳຊຽງໃໝ່. ທ່ານລີວເວີຍເຈ໋ ຮອງຫົວໜ້າຫ້ອງການວຽກງານຊາວຕ່າງປະເທດເຊື້ອສາຍຈີນ ແລະ ຈີນຕ່າງດ້າວ, ຮອງເຈົ້າແຂວງແຂວງຊຽງໃໝ່ ພ້ອມດ້ວຍຊາວຈີນຕ່າງດ້າວ, ຫົວໜ້າຄະນະຊາວຈີນຕ່າງດ້າວ ແລະ, ຜູ້ຕາງໜ້ານັກສຶກສາຈີນວິສາຫະກິດຈີນ ແລະ ວົງການຕ່າງໆຢູ່ພາກເໜືອຂອງໄທເກືອບ 2 ພັນຄົນໄດ້ເຂົ້າຮ່ວມກິດຈະກຳດັ່ງກ່າວ.
