ຕາມຂ່າວ CRI: ສະຖິຕິທີ່ອົງການທ່ອງທ່ຽວແຫ່ງຊາດຈີນເປີດເຜີຍໃນວັນທີ 21 ກຸມພານີ້ສະແດງໃຫ້ເຫັນວ່າ, ໃນໄລຍະບຸນກຸດຈີນປີນີ້, ທົ່ວປະເທດຈີນໄດ້ຕ້ອນຮັບນັກທ່ອງທ່ຽວ 386 ລ້ານເທື່ອຄົນ, ທຽບໃສ່ໄລຍະດຽວກັນປີຜ່ານມາເພີ່ມຂຶ້ນ 12,1%, ສາມາດບັນລຸລາຍຮັບໄດ້ເຖິງ 475 ຕື້ຢວນ, ທຽບໃສ່ໄລຍະດຽວກັນປີຜ່ານມາເພີ່ມຂຶ້ນ 12,6%.
ໃນໄລຍະບຸນກຸດຈີນ, ນັກທ່ອງທ່ຽວຈີນໄດ້ເດີນທາງຈາກ 200 ກວ່າເມືອງຂອງຈີນໄປ 68 ປະເທດແລະເຂດແຄວ້ນໃນໂລກ, ໄດ້ທ່ຽວ 730 ເມືອງຂອງຈີນແລະຕ່າງປະເທດ. ປະເທດອາຊີຕາເວັນອອກສຽງໃຕ້ຍັງແມ່ນຈຸດໝາຍການທ່ອງທ່ຽວຕົ້ນຕໍຂອງນັກທ່ອງທ່ຽວຈີນທີ່ໄປທ່ຽວຕ່າງປະເທດ, ອັກຊັງຕິນ, ແມັກຊິກແລະປະເທດອື່ນໆທີ່ຫ່າງຈາກຈີນນັ້ນກໍໄດ້ຮັບຄວາມນິຍົມຫຼາຍໃນໄລຍະບຸນກຸດຈີນເຊັ່ນດຽວກັນ.
 |
