ຕາມຂ່າວເວັບໄຊກະຊວງການຄ້າຈີນ: ຫວ່າງມໍ່ໆນີ້, ໜັງສືພິມ ມານີລາບູເລຕິນ ລາຍງານວ່າ, ທະນາຄານລົງທຶນພື້ນຖານໂຄງລ່າງອາຊີ ຫຼື AIIB ທີ່ນຳໂດຍຈີນກຳລັງພິຈາລະນາໂຄງການກໍ່ສ້າງພື້ນຖານໂຄງລ່າງແບບຍືນຍົງທີ່ AIIB ອາດຈະສະໜອງທຶນໃຫ້ລັດຖະບານຟິລິບປິນ.
ທ່ານອົສຕຟິວດ, ຮອງຜູ້ວ່າການ ແລະ CEO ຂອງທະນາຄານ AIIB ກ່າວວ່າ, ໂຄງການທີ່ອາດເປັນໄປໄດ້ໃນປັດຈຸບັນລວມທັງພື້ນຖານໂຄງລ່າງພະລັງງານສີຂຽວ, ເຊັ່ນ: ການຜະລິດໄຟຟ້າດ້ວຍພະລັງງານແສງຕາເວັນ, ພະລັງລົມແລະພະລັງນ້ຳແລະອື່ນໆ, ນອກນັ້ນ, ຍັງຈະພິຈາລະນາໂຄງການຄົມມະນາຄົມສີຂຽວ, ເຊັ່ນ: ລົດໄຟ, ຄົມມະນາຄົມສາທາລະນະດ່ວນ, ລະບົບຄົມມະນາຄົມສະມັດແລະອື່ນໆ.
ທ່ານອົສຕຟິວດກ່າວຕື່ມວ່າ, ປັດຈຸບັນ, ຟິລິບປິນແມ່ນໜຶ່ງໃນອົງກອນເສດຖະກິດທີ່ມີພະລັງຊີວິດຊີວາຫຼາຍກວ່າໝູ່ຂອງພາກພື້ນອາຊີອາຄະເນ. ແຕ່ວ່າ, ພື້ນຖານໂຄງລ່າງທີ່ອ່າວຫຼ້າຫຼັງໄດ້ກາຍເປັນສິ່ງກີດຂວາງການພັດທະນາເສດຖະກິດຢ່າງວ່ອງໄວແລະຂະບວນການຫັນເປັນຕົວເມືອງ. ດັ່ງນັ້ນ AIIB ຍິນດີສະໜັບສະໜູນທຶນຮອນເຂົ້າໃນການສ້າງພື້ນຖານໂຄງລ່າງຂອງຟິລິບປິນ, ແລະເຊື່ອວ່າ, ຟິລິບປິນຈະອຳນວຍໂອກາດການລົງທຶນໃຫຍ່ຫຼວງໃຫ້ແກ່ທະນາຄານ AIIB.