ວັນທີ 23 ກຸມພານີ້, ສູນຄວາມປອງດອງ ແລະສັນຕິພາບແຫ່ງຊາດມຽນມາໄດ້ອອກຖະແຫຼງການ, ໂດຍກ່າວປະນາມການກະທຳກໍ່ການຮ້າຍ ທີ່ກໍ່ການລະເບີດຢູ່ລາຊີໂອທາງພາກເໜືອຂອງລັດສານ ໄດ້ສົ່ງຜົນກະທົບເຖິງປະຊາຊົນຜູ້ບໍລິສຸດ.
ຖະແຫຼງການການດັ່ງກ່າວແມ່ນລົງນາມໂດຍທ່ານນາງອອງຊານຊູຈີ ປະທານສູນຄວາມປອງດອງ ແລະສັນຕິພາບແຫ່ງຊາດ. ໃນຖະແຫຼງການລະບຸວ່າ, ຕອນບ່າຍວັນທີ 21 ກຸມພານີ້, ອົງການນີນະນາມໄດ້ວາງມິນທີ່ຜະລິດເອງຢູ່ລະຫວ່າງທະນາຄານໂຢມາກັບທະນາຄານອາຢາ, ເຮັດໃຫ້ພະນັກງານເພດຍິງ 2 ຄົນຂອງທະນາຄານເສຍຊີວິດ, ແລະ21ຄົນໄດ້ຮັບບາດເຈັບ. ເຊິ່ງເຫດການກໍ່ການຮ້າຍຄັ້ງນີ້ໄດ້ສົ່ງຜົນກະທົບຢ່າງຮຸນແຮງຕໍ່ຄວາມພະຍາຍາມຂອງລັດຖະບານເພື່ອສົ່ງເສີມພາລະກິດຄວາມປອດດອງຊາດ. ຖະແຫຼງການດັ່ງກ່າວໄດ້ກ່າວປະນາມການກະທຳນີ້ຢ່າງຮຸນແຮງ, ທັງກ່າວວ່າຈະໃຊ້ກົດໝາຍ ແລະມາດຕະການທີ່ມີປະສິດທິຜົນ, ເພື່ອປົກປ້ອງຊີວິດ ແລະຊັບສິນຂອງປະຊາຊົນ.
ຫຼັງເກີດເຫດການລະເບີດ, ເຈົ້າໜ້າທີ່ຕຳຫຼວດລາຊີໂອໄດ້ຍົກລະດັບການປ້ອງກັນຄວາມປອດໄພ ທັງກວດກາຢ່າງລະອຽດວ່າຍັງມີລະເບີດອື່ນອີກຫຼືບໍ່, ພ້ອມກັນນັ້ນໄດ້ຕັ້ງຄະດີແລະກວດສອບໃນຖານໂທດຄາດຕະກຳ, ແລະຕັ້ງກຸ່ມເພື່ອທຳຮ້າຍຜູ້ອື່ນຢ່າງຮຸນແຮງ.
 |
