ໜັງສືພິມຈາກາຕາໂພສຂອງອິນໂດເນເຊຍລາຍງານວ່າ, ເມື່ອບໍ່ດົນມານີ້, ອິນໂດເນເຊຍແລະສະຫະພາບເອີຣົບໄດ້ຈັດການເຈລະຈາສັນຍາຄູ່ຮ່ວມມືເສດຖະກິດຮອບດ້ານຮອບທີ 4.
ທ່ານອິມານ ປາມບັກໂຢ ຜູ້ແທນເຈລະຈາອິນໂດເນເຊຍຢືນຢັນວ່າ ການເຈລະຈາດັ່ງກ່າວເປັນການເຈລະຈາທີ່ເລິກເຊິ່ງແລະກວ້າງຂວາງທີ່ສຸດນັບແຕ່ອິນໂດເນເຊຍປະຕິບັດສັນຍາການຄ້າເສລີມານີ້, ສອງຝ່າຍລ້ວນແຕ່ຫວັງຖືໂອກາດນີ້ສ້າງຕັ້ງສາຍພົວພັນການຮ່ວມມືເສດຖະກິດການຄ້າຮອບດ້ານແບບໃໝ່ ເຊິ່ງບໍ່ພຽງແຕ່ຈະເຮັດໃຫ້ການພົວພັນຮ່ວມມືລະຫວ່າງອິນໂດເນເຊຍ-ສະຫະພາບເອີຣົບຂະຫຍາຍຕົວຂຶ້ນສູ່ລະດັບສູງກວ່າເກົ່າເທົ່ານັ້ນ ຍັງຈະເຮັດໃຫ້ເສດຖະກິດສອງຝ່າຍເຊື່ອມຕໍ່ເຂົ້າກັນໃຫ້ກາຍເປັນຕ່ອງໂສ້ມູນຄ່າແບບຕ່າງຝ່າຍຕ່າງມີຜົນປະໂຫຍດແລະເຂົ້າສູ່ຕະຫຼາດຝ່າຍທີສາມອີກດ້ວຍ.
ທ່ານອິມານກ່າວຕື່ມວ່າ: ເປົ້າໝາຍຕົ້ນຕໍຂອງອິນໂດເນເຊຍຄືການເປີດກວ້າງການສົ່ງອອກສິນຄ້າແລະດຶງດູດການລົງທຶນຈາກຕ່າງປະເທດ. ລັດຖະບານອິນໂດເນເຊຍຫວັງຢາກເລັ່ງລັດຂະບວນການເຈລະຈາເພື່ອປ້ອງກັນບໍ່ໃຫ້ໂຄຕ້າຂອງປະເທດຕົນຢູ່ຕະຫຼາດເອີຣົບຖືກແບ່ງປັນໄປໃຫ້ປະເທດທີ່ເຊັນສັນຍາການຄ້າກັບສະຫະພາບເອີຣົບແລ້ວເຊັ່ນຫວຽດນາມແລະອື່ນໆ.
 |
