ໂດຍແນໃສ່ກະຊວງການເງິນອາເມລິກາປະກາດມາດຕະການຂວ້ຳບາດສປປເກົາຫຼີ ເຊິ່ງລວມທັງວິສາຫະກິດ ເຮືອບິນແລະສ່ວນບຸກຄົນທີ່ມີສ່ວນກ່ຽວຂ້ອງກັບສປປເກົາຫຼີຂອງປະເທດຈຳນວນໜຶ່ງ ເຊັ່ນຈີນເປັນຕົ້ນ, ວັນທີ 24 ກຸມພານີ້ ທ່ານເກີງສວງ ໂຄສົກກະຊວງການຕ່າງປະເທດຈີນກ່າວວ່າ, ຈີນເດັດດ່ຽວຄັດຄ້ານອາເມລິກາຂວ້ຳບາດວິສາຫະກິດຫຼືສ່ວນບຸກຄົນຂອງຈີນແຕ່ຝ່າຍດຽວຕາມກົດໝາຍອາເມລິກາ.
ທ່ານເກີງສວງກ່າວຕື່ມວ່າ, ລັດຖະບານຈີນໄດ້ປະຕິບັດມະຕິກ່ຽວກັບສປປເກົາຫຼີຂອງສະພາຄວາມໝັ້ນຄົງອົງການສະຫະປະຊາຊາດຢ່າງສະເໝີຕົ້ນສະເໝີປາຍ ຮອບດ້ານແລະເຂັ້ມງວດ, ປະຕິບັດຕາມພັນທະສາກົນຂອງຕົນ, ເດັດດ່ຽວບໍ່ອະນຸຍາດໃຫ້ປະຊາຊົນແລະວິສາຫະກິດຈີນມີການເຄື່ອນໄຫວທີ່ລະເມີດມະຕິຂອງສະພາຄວາມໝັ້ນຄົງ. ໂດຍຜ່ານການສຳຫຼວດແລ້ວ ຖ້າວ່າມີການກະທຳທີ່ໄດ້ລະເມີດມະຕິຂອງສະພາຄວາມໝັ້ນຄົງແລະລະເມີດກົດໝາຍກົດບັນຍັດຂອງຈີນ, ຈີນກໍຈະຊຳລະແກ້ໄຂຕາມກົດໝາຍກົດບັນຍັດຢ່າງເຄັ່ງຄັດ.
 |
