ຫວ່າງມໍ່ໆນີ້,ໃນກອງປະຊຸມທີ່ຈັດຂຶ້ນຢູ່ນະຄອນຫຼວງລອນດອນຂອງປະເທດອັງກິດ, ທ່ານຟາດິດ ບີໂຣນ ປະທານອົງການພະລັງງານສາກົນ ຫຼື IEA ກ່າວວ່າ, ຄຽງຄູ່ກັບຈີນພັດທະນາໃນຂົງເຂດຜະລິດໄຟຟ້ານິວເຄຼຍ, ຈີນຈະເຂົ້າແທນອາເມລິກາແລ້ວ ກາຍເປັນປະເທດພະລັງງານນິວເຄຼຍໃຫຍ່ທີ່ສຸດໃນໂລກໃນອະນາຄົດ.
ປັດຈຸບັນ, ໂຮງໄຟຟ້ານິວເຄຼຍຂອງທົ່ວໂລກມີ 1/3 ຢູ່ປະເທດຈີນ. ທ່ານບີໂຣນຄາດວ່າ, ຮອດປີ 2030, ຈີນກໍ່ຈະລື່ນກາຍອາເມລິກາແລ້ວກາຍເປັນປະເທດພະລັງງານນິວເຄຼຍໃຫຍ່ທີ່ສຸດໃນໂລກ.
ຕົວເລກໃນເວັບໄຊ IEA ສະແດງໃຫ້ເຫັນວ່າ, ໃນປີ 2016, ການຜະລິດໄຟຟ້າດ້ວຍພະລັງງານນິວເຄຼຍກວມ 2% ໃນການຜະລິດໄຟຟ້າທັງໝົດຂອງຈີນ. ຄາດວ່າ, ຮອດປີ 2040, ມາດຕາສ່ວນດັ່ງກ່າວຈະມີເຖິງ 4%.
ທ່ານບີໂຣນກ່າວວ່າ, ສະພາບດັ່ງກ່າວຄືກັນຢູ່ຂົງເຂດການຜະລິດໄຟຟ້າດ້ວຍພະລັງງານແສງຕາເວັນ, ຈີນກຳເອົາເຕັກນິກຜະລິດໄຟຟ້າດ້ວຍພະລັງງານແສງຕາເວັນໂດຍຜ່ານພຶດຕິກຳ, ເຮັດໃຫ້ຕົ້ນທຶນຫຼຸດລົງ, ປັດຈຸບັນໄດ້ມີແຜນການສົ່ງອອກເຕັກນິກຂອງປະເທດຕົນ ແລະ ສາມາດມີປະສິດທິພາບສູງກວ່າປະເທດອື່ນ.
