ກຸ່ມບໍລິສັດກໍ່ສ້າງພະລັງງານຈຳກັດຈີນເປີດເຜີຍໃນວັນທີ 24 ກຸມພານີ້ວ່າ, ຫວ່າງມໍ່ໆມານີ້, ເຄື່ອງຈັກຜະລິດໄຟຟ້າເລກ 1 ແລະເລກ 2 ຂອງເຂື່ອນໄຟຟ້ານ້ຳຕົກນ້ຳຈຽນຂອງລາວທີ່ກຸ່ມບໍລິສັດເກີໂຈ່ວປ້າທີ່ຂຶ້ນກັບບໍລິສັດຕົນຮັບເໝົາກໍ່ສ້າງນັ້ນໄດ້ຜ່ານການທົດລອງເປັນເວລາ 72 ຊົ່ວໂມງ, ເປັນຂີດໝາຍສະແດງໃຫ້ເຫັນວ່າໂຄງການນີ້ໄດ້ບັນລຸເປົ້າໝາຍຕິດຕັ້ງເຄື່ອງຈັກຜະລິດໄຟຟ້າ 2 ໜ່ວຍໃນປີໜຶ່ງຜ່ານມາຢ່າງສຳເລັດຜົນ.
ຂ່າວແຈ້ງວ່າ, ເຂື່ອນໄຟຟ້ານ້ຳຕົກດັ່ງກ່າວຕັ້ງຢູ່ຍ່ານເໜືອນ້ຳຈຽນແຂວງຊຽງຂວາງ, ຫ່າງຈາກເທດສະບານໂພນສະຫວັນເຊິ່ງເປັນເມືອງເອກແຂວງດັ່ງກ່າວ 66 ກິໂລແມັດ, ໄດ້ຕິດຕັ້ງເຄື່ອງຈັກຜະລິດໄຟຟ້ານ້ຳຕົກ 2 ໜ່ວຍ, ຍອດກຳລັງຜະລິດໄຟຟ້າມີ 1 ແສນ 4 ພັນກິໂລວັດ. ແລະເຂື່ອນໄຟຟ້າດັ່ງກ່າວແມ່ນໜຶ່ງໂຄງການສຳຄັນພາຍໃຕ້ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" .