ຄະນະກຳມະການສູນກາງພັກກອມມູນິດຈີນໄດ້ເປີດເຜີຍຂໍ້ສະເໜີວ່າດ້ວຍການດັດແກ້ເນື້ອໃນບາງຕອນຂອງລັດຖະທຳມະນູນໃນວັນທີ 25 ກຸມພານີ້ ໂດຍສະເໜີໃຫ້ຈັດເອົາ ແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ບັນທຶກເຂົ້າໃນລັດຖະທຳມະນູນ ຖືວ່າເປັນເຫດການທີ່ມີຄວາມໝາຍສຳຄັນໃນປັດຈຸບັນແລະມີຄວາມໝາຍເລິກເຊິ່ງໃນປະຫວັດສາດ.
ການຈັດເອົາແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ບັນທຶກເຂົ້າໃນລັດຖະທຳມະນູນ ແລະຫັນແນວຄິດຊີ້ນຳຂອງພັກໃຫ້ເປັນແນວຄິດຊີ້ນຳຂອງປະເທດນັ້ນ ເປັນຄວາມຮຽກຮ້ອງຕ້ອງການຢ່າງຮີບດ່ວນເພື່ອພັດທະນາພາລະກິດຂອງພັກແລະລັດ ທັງເປັນຄວາມຮຽກຮ້ອງພາຍໃນເພື່ອປັບປຸງແລະເສີມຂະຫຍາຍລັດຖະທຳມະນູນຈີນ.
ການຈັດເອົາ ແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ບັນທຶກເຂົ້າໃນລັດຖະທຳມະນູນໄດ້ກຳນົດໜ້າທີ່ພື້ນຖານ,ເປົ້າໝາຍສູ້ຊົນແລະບາດກ້າວຍຸດທະສາດຂອງການພັດທະນາປະເທດໃນຍຸກໃໝ່ໃຫ້ຈະແຈ້ງຂຶ້ນຕື່ມ ເຊິ່ງມີຜົນດີຕໍ່ການປຸກລະດົມສ້າງກຳລັງແຮງໃຈແລະສາມັກຄີທົ່ວພັກແລະປະຊາຊົນບັນດາເຜົ່າທົ່ວປະເທດສູ້ຊົນເພື່ອບັນລຸຄວາມຝັນແຫ່ງການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງຊົນຊາດຈີນ.
ການຈັດເອົາ ແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ບັນທຶກເຂົ້າໃນລັດຖະທຳມະນູນໄດ້ກຳນົດຢ່າງຈະແຈ້ງຕື່ມອີກກ່ຽວກັບການຍຶດໝັ້ນຫຼັກການເມືອງສູງສຸດຄືພັກນຳພາວຽກງານທຸກດ້ານ, ເຊິ່ງມີຜົນດີຕໍ່ການປັບປຸງຖານະແລະພື້ນຖານກຳອຳນາດຂອງພັກໃຫ້ໝັ້ນຄົງ ແລະເປັນການຮັບປະກັນດ້ານການເມືອງຢ່າງເຂັ້ມແຂງເພື່ອພັດທະນາປະເທດ ແລະສ້າງສາປະເທດຊາດໃຫ້ຈະເລີນຮຸ່ງເຮືອງ.
ລັດຖະທຳມະນູນມີຖານະດ້ານກົດໝາຍ,ອິດທິພົນດ້ານກົດໝາຍແລະຜົນສັກສິດດ້ານກົດໝາຍສູງສຸດ, ເປັນລະບຽບແບບແຜນປະຕິບັດການສູງສຸດຂອງການເມືອງປະເທດແລະຊີວິດສັງຄົມ. ປະຊາຊົນບັນດາເຜົ່າທົ່ວປະເທດ,ທຸກອົງການຈັດຕັ້ງຂອງລັດແລະກຳລັງປະກອບອາວຸດ, ບັນດາພັກການເມືອງແລະຄະນະຈັດຕັ້ງສັງຄົມ, ບັນດາວິສາຫະກິດ,ອົງການວິຊາການ,ອົງການບໍລິຫານ, ອົງການຂັ້ນຮາກຖານໃນຕົວເມືອງແລະຊົນນະບົດ ລ້ວນແຕ່ຕ້ອງຖືລັດຖະທຳມະນູນເປັນກົດລະບຽບພື້ນຖານແຫ່ງການເຄື່ອນໄຫວວຽກງານຂອງຕົນ ແລະລ້ວນແຕ່ມີໜ້າທີ່ຮັບຜິດຊອບຮັກສາກຽດສັກສີຂອງລັດຖະທຳມະນູນແລະຮັບປະກັນການປະຕິບັດຕາມລັດຖະທຳມະນູນ.
ການ ຈັດເອົາ ແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ບັນທຶກເຂົ້າໃນລັດຖະທຳມະນູນ,ເຮັດໃຫ້ມີອິດທິພົນແລະຜົນສັກສິດດ້ານກົດໝາຍສູງສຸດ ແລະກາຍເປັນເຈຕະນາລົມຮ່ວມຂອງປະຊາຊົນທົ່ວຖ້ວນໜ້າ, ກາຍເປັນສິ່ງທີ່ຕ້ອງເຄົາລົບໂດຍພື້ນຖານໃນພາລະກິດຕ່າງໆແລະວຽກງານທຸກດ້ານຂອງປະເທດ ເຊິ່ງມີຜົນດີໃນການປູກຈິດສຳນຶກການນຳພາຂອງພັກຕໍ່ປະຊາຊົນທຸກຖ້ວນໜ້າ ແລະຜັນຂະຫຍາຍການນຳພາຂອງພັກເຂົ້າເຖິງຕະຫຼອດຂະບວນການແລະທຸກດ້ານຂອງວຽກງານຂອງປະເທດ, ຮັບປະກັນພັກນຳພາຮອບດ້ານຕໍ່ທຸກພາລະກິດແລະວຽກງານຂອງປະເທດ.
 |
