ວັນທີ 27 ກຸມພານີ້,ພີທີນຳສະເໜີ ແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ໄດ້ຈັດຂຶ້ນຢູ່ນະຄອນຫຼວງມານິລາ ປະເທດຟີລິບປິນໂດຍນັກການເມືອງຄົນສຳຄັນຕ່າງໆຂອງຟີລິບປິນໄດ້ພາກັນຕີລາຄາສູງຕໍ່ ແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່.
ທ່ານປານຕາເລໂອນ ອານວາເຣັສ ເລຂາທິການໃຫຍ່ພັກພະລັງປະຊາຊົນປະຊາທິປະໄຕເຊິ່ງເປັນພັກກຳອຳນາດຂອງຟີລິບປິນ, ປະທານສະພາຕ່ຳຟີລິບປິນໄດ້ໃຫ້ສຳພາດວ່າ: ເມື່ອໄດ້ປຶ້ມ "ຄຳເຫັນຂອງສີຈິ້ນຜິງກ່ຽວກັບການປົກຄອງປະເທດແລະການຄຸ້ມຄອງລັດ"ພາກທີ 2 ສະບັບພາສາອັງກິດແລ້ວຕົນຈະຕັ້ງໃຈຜ່ານເພື່ອສຶກສາຄົ້ນຄວ້າແລະທຳຄວາມເຂົ້າໃຈບົດຮຽນອັນປະເສີດທີ່ມີເນື້ອຫາອຸດົມສົມບູນຂອງແນວຄິດສີຈິ້ນຜິງ. ປະຊາຊົນຈີນໂຊກດີຫຼາຍທີ່ມີຜູ້ນຳເພື່ອປະຊາຊົນຄືທ່ານສີຈິ້ນຜິງ.
ທ່ານໂຈນາທັນ ມາລາຢາ ຜູ້ຊ່ວຍລັດຖະມົນຕີກະຊວງພາຍໃນຟີລິບປິນຢືນຢັນວ່າ ຮູ້ສຶກປະທັບໃຈຫຼາຍຕໍ່ແນວຄິດສີຈິ້ນຜິງກ່ຽວກັບການກໍ່ສ້າງພັກຢ່າງເຂັ້ມງວດ. ທ່ານກ່າວວ່າ: ການປະຕິບັດຕາມລະບຽບວິໄນຂອງພັກຢ່າງເຂັ້ມງວດຈະເຮັດໃຫ້ພັກກອມມູນິດຈີນສາມາດຮັກສາຄວາມໝັ້ນຄົງຂອງຕົນແລະຂະຫຍາຍຕົວເຕີບໃຫຍ່ຢ່າງບໍ່ຢຸດຢັ້ງ ເຊິ່ງຈຸດນີ້ເປັນໜ້າສົນໃຈຫຼາຍແລະຄວນໃຫ້ປະຊາຊົນຟີລິບປິນຮຽນນຳທີ່ສຸດ ເພາະວ່າພາຍໃນປະເທດຟີລິບປິນມີພັກການເມືອງຈຳນວນຫຼາຍ ແລະສ່ວນໃຫຍ່ເອົາໃຈໃສ່ແຕ່ຜົນປະໂຫຍດໄລຍະສັ້ນແລະມັກປ່ຽນຈຸດຢືນເລື້ອຍໆ.ເມື່ອໄດ້ປຶ້ມ"ຄຳເຫັນຂອງສີຈິ້ນຜິງກ່ຽວກັບການປົກຄອງປະເທດແລະການຄຸ້ມຄອງລັດ"ພາກທີ 2ແລ້ວ,ຕົນຈະອ່ານລະອຽດຕື່ມອີກ.