ວັນທີ 27 ກຸມພານີ້, ທ່ານປຣະຢຸດ ຈັນໂອຊາ ນາຍົກລັດຖະມົນຕີໄທກ່າວວ່າ: ຈະຈັດການເລືອກຕັ້ງທົ່ວໄປກ່ອນເດືອນກຸມພາປີ 2019. ຂະນະດຽວກັນທ່ານກ່າວຢ້ຳຕື່ມວ່າ: ການເລືອກຕັ້ງທົ່ວໄປຈະສາມາດຈັດຂຶ້ນໄດ້ຫຼືບໍ່ນັ້ນຕ້ອງອີງຕາມສະພາບການພາຍໃນປະເທດ.
ທ່ານປຣະຢຸດໄດ້ໃຫ້ສຳພາດຕໍ່ສື່ມວນຊົນໃນວັນດັ່ງກ່າວວ່າ: ເວລາຈັດການເລືອກຕັ້ງຄວນຢູ່ໃນໄລຍະ 150 ມື້ພາຍຫຼັງກົດໝາຍທີ່ອີງຕາມລັດຖະທຳມະນູນທີ່ມີຜົນບັງຄັບໃຊ້ແລ້ວ. ໃນເດືອນມິຖຸນາປີນີ້, ພາຍຫຼັງ "ກົດໝາຍການເລືອກຕັ້ງສະມາຊິກວຸດທິສະພາ" ແລະ "ກົດໝາຍການເລືອກຕັ້ງສະມາຊິກສະພາຜູ້ແທນ" ໄດ້ລາດຊະດອນໂດຍຜ່ານການຮັບຮອງຈາກເຈົ້າຊີວິດໄທ, ແລະຈະຈັດກອງປະຊຸມປຶກສາຫາລືຂອງເຈົ້າໜ້າທີ່ພັກການເມືອງ ເພື່ອກຳນົດເວລາຈັດການເລືອກຕັ້ງທົ່ວໄປ.