ຕາມຂ່າວ CRI: ໃນພິທີຖະແຫຼງຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 28 ກຸມພາຜ່ານມານີ້, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວວ່າ, ຈີນແລະປະເທດອາຊຽນຈະຈັດກອງປະຊຸມໜ່ວມງານປະສົມຄັ້ງທີ 23 ກ່ຽວກັບການຈັດຕັ້ງປະຕິບັດ"ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ຢູ່ເມືອງຍະຈ່າງແຕ່ວັນທີ 1 ຫາວັນທີ 2 ມີນານີ້ໃນໄລຍະຢ້ຽມຢາມ. ຝ່າຍຕ່າງໆຈະແລກປ່ຽນຄວາມເຫັນຢ່າງເລິກເຊິ່ງກ່ຽວກັບການຈັດຕັ້ງປະຕິບັດ"ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້", ຊຸກຍູ້ການຮ່ວມມືທາງທະເລຢ່າງແທ້ຈິງແລະການປຶກສາຫາລືກ່ຽວກັບ "ກົດແຫ່ງການປະພຶດຢູ່ທະເລຈີນໃຕ້".
ທ່ານລູ້ຄ່າງ ເນັ້ນວ່າ, ພາຍໃຕ້ຄວາມພະຍາຍາມຮ່ວມຂອງຈີນແລະບັນດາປະເທດຢູ່ພາກພື້ນ, ປັດຈຸບັນສະຖານະການຢູ່ທະເລຈີນໃຕ້ດີຂຶ້ນບົນພື້ນຖານຄວາມໝັ້ນທ່ຽງ. ຈີນແລະປະເທດອາຊຽນມີຄວາມປາຖະໜາແລະມີຄວາມໝັ້ນໃຈຈະຮັກສາການສົນທະນາແລະຮ່ວມມື, ພະຍາຍາມໃຫ້ໄດ້ຮັບຄວາມຄືບໜ້າແລະຜົນງານຢ່າງຕັ້ງໜ້າຫຼາຍກວ່າເກົ່າ, ພ້ອມກັນນັ້ນຈະຮ່ວມກັນປັບປຸງສະຖານະການທີ່ດີຂອງພາກພື້ນໃນປັດຈຸບັນອີກດ້ວຍ.