ວັນທີ 28 ກຸມພາຜ່ານມາ, ທ່ານອີກໍ ໂກນາເຊັນຄົຟ ໂຄສົກກະຊວງປ້ອງກັນປະເທດຣັດເຊຍກ່າວວ່າ, ເຂດທີ່ອາເມລິກາຄວບຄຸມຢູ່ຊີຣີນັ້ນຕ້ອງປະຕິບັດມາດຕະການທາງດ້ານມະນຸດສະທຳໂດຍດ່ວນ.
ຂ່າວສານຕາສຂອງຣັດເຊຍລາຍງານວ່າ, ທ່ານໂກນາເຊັນຄົຟກ່າວວ່າ, ປັດຈຸບັນສະພາບແວດລ້ອມການດຳລົງຊີວິດຢູ່ເຂດຣາຄາແລະເຂດອາທັນຟເຊິ່ງເປັນເຂດທີ່ຄວບຄຸມໂດຍພັນທະມິດສາກົນຕໍ່ຕ້ານລັດທິກໍ່ການຮ້າຍທີ່ນຳໂດຍອາເມລິການັ້ນແມ່ນເຄັ່ງຄັດຫຼາຍ, ສະນັ້ນປະຊາຄົມໂລກຄວນປະຕິບັດມາດຕະການທາງດ້ານມະນຸດສະທຳໂດຍດ່ວນ. ໃນນັ້ນ, ໃນຄ້າຍຊາວອົບພະຍົບຢູ່ເຂດອາທັນຟມີຊາວອົບພະຍົບ 6 ໝື່ນຄົນຖືກຄວບຄຸມໂດຍກຸ່ມປະກອບອາວຸດຜິດກົດໝາຍ, ຢູ່ເຂດຣາຄາກໍໄດ້ເກີດມີການລະເມີດທາງດ້ານມະນຸດສະທຳເຊັ່ນດຽວກັນ.