ສູນກາງພັກກອມມູນິດຈີນພົບປະແລະປຶກສາຫາລືປະຊາທິປະໄຕກັບບຸກຄົນພາຍນອກ
2018-03-02 10:02:26 cri
ວັນທີ 6 ກຸມພາຜ່ານມາ, ສູນກາງພັກກອມມູນິດຈີນໄດ້ຈັດການສຳມະນາກັບບຸກຄົນນອກພັກ ແລະຈັດກອງປະຊຸມປຶກສາຫາລືປະຊາທິປະໄຕໃນວັນທີ 28 ເດືອນດຽວກັນໂດຍແຈ້ງໃຫ້ຜູ້ຕາງໜ້າບັນດາສູນກາງພັກປະຊາທິປະໄຕ, ສະຫະພັນອຸດສາຫະກຳການຄ້າແຫ່ງຊາດແລະ ບຸກຄົນທີ່ບໍ່ຂຶ້ນກັບພັກຝ່າຍໃດຊາບ ພ້ອມທັງຮັບຟັງຄວາມຄິດຄວາມເຫັນຂອງບັນດາຜູ້ຕາງໜ້າທີ່ເຂົ້າຮ່ວມກອງປະຊຸມກ່ຽວກັບຂໍ້ຕົກລົງຂອງສູນກາງພັກອມມູນິດຈີນວ່າດ້ວຍການລົງເລິກການປະຕິຮູບອົງການພັກແລະລັດ, ແຜນງານລົງເລິກປະຕິຮູບອົງການພັກແລະລັດ, ບັນຊີລາຍຊື່ຜູ້ທີ່ຈະເປັນການນຳອົງການຂອງລັດທີ່ສູນກາງພັກກອມມູນິດຈີນກຽມຈະສະເໜີຕໍ່ກອງປະຊຸມເທື່ອທີໜຶ່ງສະໄໝ ທີ 13 ຂອງສະພາປະຊາຊົນແຫ່ງຊາດຈີນ ແລະບັນຊີລາຍຊື່ຜູ້ທີ່ຈະເປັນການນຳສະພາປຶກສາການເມືອງປະຊາຊົນແຫ່ງຊາດຈີນທີ່ກຽມຈະສະເໜີຕໍ່ກອງປະຊຸມເທື່ອທີໜຶ່ງສະໄໝທີ 13 ຂອງສະພາປຶກສາການເມືອງປະຊາຊົນແຫ່ງຊາດຈີນ. ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ,ປະທານປະເທດຈີນ,ປະທານຄະນະກຳມະການການທະຫານສູນກາງຈີນເປັນປະທານກອງປະຊຸມແລະກ່າວປາໄສສຳຄັນ.
