ຕາມຂ່າວCRI:ໃນເວລາຕອນເຊົ້າຂອງວັນທີ 4 ມີນານີ້, ໄດ້ຈັດກອງປະຊຸມກະກຽມແກ່ການຈັດກອງປະຊຸມເທື່ອທຳອິດຂອງສະພາປະຊາຊົນແຫ່ງຊາດຈີນສະໄໝທີ 13. ກອງປະຊຸມໄດ້ເລືອກຕັ້ງຄະນະປະທານແລະເລຂາທິການຂອງກອງປະຊຸມໃຫຍ່, ໄດ້ຕົກລົງກ່ຽວກັບວາລະຕ່າງໆທີ່ຈະນຳມາປຶກສາຫາລືໃນກອງປະຊຸມເທື່ອທຳອິດສະພາປະຊາຊົນແຫ່ງຊາດຈີນສະໄໝທີ 13. ທ່ານຈ່າງເຕີຈ່ຽງ, ປະທານຄະນະປະຈຳສະພາປະຊາຊົນແຫ່ງຊາດຈີນສະໄໝທີ 12 ເປັນປະທານຂອງກອງປະຊຸມ.
ທ່ານຈ່າງເຕີຈ່ຽງແຈ້ງໃຫ້ຊາບໃນເວລາເປັນປະທານກອງປະຊຸມວ່າ: ກອງປະຊຸມເທື່ອທຳອິດຂອງສະພາປະຊາຊົນແຫ່ງຊາດຈີນສະໄໝທີ 13 ຈະຈັດຂຶ້ນໃນວັນທີ 5 ມີນານີ້, ຕອນນີ້ການກະກຽມດ້ານຕ່າງໆສຳລັບການຈັດກອງປະຊຸມໃຫຍ່ມີຄວາມພ້ອມຢ່າງເຕັມທີ່.