ທ່ານສີຈິ້ນຜິງເນັ້ນວ່າຕ້ອງຍຶດໝັ້ນຫຼາຍພັກຮ່ວມມືກັນເພື່ອເສີມຂະຫຍາຍການເມືອງປະຊາທິປະໄຕສັງຄົມນິຍົມ
2018-03-05 10:30:44 cri
ຕອນບ່າຍວັນທີ 4 ມີນານີ້, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ,ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ຢ້ຽມຢາມສະມາຊິກສະພາປຶກສາການເມືອງປະຊາຊົນແຫ່ງຊາດທີ່ຂຶ້ນກັບພັກອົງການສຳພັນປະຊາທິປະໄຕຈີນ,ພັກຈື້ກົ່ງຈີນ, ບຸກຄົນທີ່ບໍ່ຂຶ້ນກັບພັກຝ່າຍໃດ, ສະຫະພັນຊາວຈີນຕ່າງດ້າວທີ່ກັບຄືນປະເທດ ທີ່ໄດ້ເຂົ້າຮ່ວມກອງປະຊຸມຄັ້ງທຳອິດຂອງສະພາປຶກສາການເມືອງປະຊາຊົນແຫ່ງຊາດຊຸດທີ 13 ທັງໄດ້ເຂົ້າຮ່ວມກອງປະຊຸມຄົບຄະນະເພື່ອຮັບຟັງຄວາມເຫັນແລະຂໍ້ສະເໜີຂອງສະຫາຍເຫຼົ່ານີ້. ທ່ານສີຈິ້ນຜິງກ່າວເນັ້ນວ່າ: ສັງຄົມນິຍົມທີ່ມີສີສັນພິເສດຂອງຈີນໄດ້ເຂົ້າສູ່ໄລຍະໃໝ່ ເຊິ່ງຮຽກຮ້ອງໃຫ້ພວກເຮົາຕ້ອງປັບປຸງແລະເສີມຂະຫຍາຍລະບອບຫຼາຍພັກຮ່ວມມືກັນແລະປຶກສາການເມືອງທີ່ນຳໂດຍພັກກອມມູນິດຈີນໃຫ້ໝັ້ນຄົງຢ່າງເດັດດ່ຽວໜຽວແໜ້ນ, ເສີມຂະຫຍາຍທ່າແຮງພິເສດຂອງການຮ່ວມມືຫຼາຍພັກ, ພັດທະນາການເມືອງປະຊາທິປະໄຕສັງຄົມນິຍົມ, ສາມັກຄີສູ້ຊົນເພື່ອຍາດເອົາໄຊຊະນະແຫ່ງການສ້າງສັງຄົມອິ່ມໜຳສຳລານໃນໄລຍະສຸດທ້າຍໃຫ້ສຳເລັດຢ່າງຮອບດ້ານ. ບັນດາພັກປະຊາທິປະໄຕ,ບຸກຄົນທີ່ບໍ່ຂຶ້ນກັບພັກຝ່າຍໃດທົ່ວປະເທດຄວນເພີ່ມທະວີ " 4 ຄວາມໝັ້ນໃຈຕົນເອງ" ：ມີຄວາມໝັ້ນໃຈຕົນເອງດ້ານເສັ້ນທາງ, ດ້ານທິດສະດີ, ດ້ານລະບອບ ແລະມີຄວາມໝັ້ນໃຈຕົນເອງດ້ານວັດທະນະທຳ. ເພີ່ມທະວີຫຼັກໝັ້ນການເມືອງ, ຕັ້ງໜ້າປະກອບຄຳຄິດຄຳເຫັນ, ສະມັກຄີເປັນຈິດໜຶ່ງໃຈດຽວຢ່າງກວ້າງຂວາງ, ເພື່ອປະກອບສ່ວນຫຼາຍກວ່າເກົ່າເຂົ້າໃນການ ສູ້ຊົນສ້າງສັງຄົມອີ່ມໜຳສຳລານໃນໄລຍະສຸດທ້າຍໃຫ້ສຳເລັດຢ່າງຮອບດ້ານ, ຍາດເອົາໄຊຊະນະອັນຍິ່ງໃຫຍ່ແຫ່ງສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່.
