ວັນທີ4 ມີນານີ້, ທຳນຽບປະທານາທິບໍດີສ.ເກົາຫຼີປະກາດວ່າ, ທ່ານມູນແຈອິນ ປະທານາທິບໍດີສ.ເກົາຫຼີຈະສົ່ງຄະນະທູດພິເສດຢ້ຽມຢາມສປປເກົາຫຼີເປັນເວລາ 2 ມື້ແຕ່ວັນທີ 5 ມີນານີ້.
ທ່ານຢູນຢົງຈັນ ຫວົໜ້າເລຂາທິການທຳນຽບປະທານາທິບໍດີຊົງວາເດສ.ເກົາຫຼີກ່າວວ່າ, ຄະນະທູດພິເສດຈະຢ້ຽມຢາມພຽງຢາງ ນະຄອນຫຼວງສປປເກົາຫຼີ. ໃນໄລຍະຢ້ຽມຢາມສປປເກົາຫຼີ, ຄະນະທູດພິເສດຈະສົນທະນາກັບເຈົ້າໜ້າທີ່ລະດັບສູງຂອງສປປເກົາຫຼີກ່ຽວກັບການຊຸກຍູ້ສັນຕິພາບຂອງແຫຼມເກົາຫຼີ, ປັບປຸງການພົວພັນເໜືອໃຕ້ໃຫ້ດີຂຶ້ນ, ໂດຍສະເພາະຈະປຶກສາກ່ຽວກັບບັນຫາຕ່າງໆເຊັ່ນສ້າງເງື່ອນໄຂຊຸກຍູ້ດຳເນີນການສົນທະນາລະຫວ່າງສປປເກົາຫຼີກັບອາເມລິກາທີ່ຖືແຫຼມເກົາຫຼີປອດອາວຸດນິວເຄຼຍເປັນເປົ້າໝາຍ, ຊຸກຍູ້ການແລກປ່ຽນລະຫວ່າງເໜືອໃຕ້ດໍເປັນຕົ້ນ.