ຕາມຂ່າວ CRI: ທ່ານໝຽວເຫວີຍ ລັດຖະມົນຕີກະຊວງອຸດສາຫະກຳແລະເຕັກໂນໂລຊີຂໍ້ມູນຂ່າວສານຈີນໄດ້ໃຫ້ສຳພາດຕໍ່ນັກຂ່າວຈີນແລະຕ່າງປະເທດໃນວັນທີ 5 ມີນານີ້ຢູ່ "ຊ່ອງທາງລັດຖະມົນຕີ" ຂະນະເຂົ້າຮ່ວມກອງປະຊຸມສະພາປະຊາຊົນແຫ່ງຊາດປີ 2018 ວ່າ: ປັດຈຸບັນ, ປະລິມານລົດໃຊ້ພະລັງງານໃໝ່ຂອງຈີນມີເຖິງ 1.800.000 ຄັນແລ້ວ.
ທ່ານໝຽວເຫວີຍ ກ່າວວ່າ: ປັດຈຸບັນ, ມີບັນດາປະເທດໄດ້ປະກາດເລີ່ມຢຸດຕິການຈຳໜ່າຍລົດໃຊ້ນ້ຳມັນນັບມື້ນັບຫຼາຍຂຶ້ນ ແລະຄຽງຄູ່ກັບເຕັກນິກພະລັງງານໃໝ່ມີຄວາມກ້າວໜ້າ, ລົດໃຊ້ພະລັງງານໃໝ່ກໍມີປະສິດທິຜົນດ້ານການປະຢັດພະລັງງານແລະຫຼຸດຜ່ອນການລະບາຍມົນລະພິດນັບມື້ນັບພົ້ນເດັ່ນຂຶ້ນ. ເຊື່ອວ່າ ຄຽງຄູ່ກັບຄວາມກ້າວໜ້າຂອງເຕັກນິກ ແລະ ການສ້າງເຄື່ອງສາກໄຟຂອງລົດນັບມື້ຫຼາຍຂຶ້ນ ການພັດທະນາລົດໃຊ້ພະລັງງານໃໝ່ໃນຕໍ່ໜ້າກໍຈະມີທ່າອ່ຽງເພີ່ມຂຶ້ນຢ່າງວ່ອງໄວເຊັ່ນກັນ.
ກ່ອນໜ້ານີ້, ຈີນໄດ້ສ້າງຕັ້ງສູນປະດິດສ້າງເຕັກນິກລົດໃຊ້ພະລັງງານໃໝ່ແຫ່ງຊາດຢູ່ນະຄອນຫຼວງປັກກິ່ງ ໂດຍຈະໂຮມສູນກຳລັງພາຍໃນແລະຕ່າງປະເທດ ເພື່ອຍົກສູງຄວາມສາມາດການແຂ່ງຂັນທີ່ເປັນໃຈກາງໃນອຸດສາຫະກຳລົດໃຊ້ພະລັງງານໃໝ່ຂອງຈີນ ແລະ ພະຍາຍາມສ້າງໃຫ້ເປັນສູນປະດິດສ້າງເຕັກໂນໂລຊີລົດໃຊ້ພະລັງງານໃໝ່ລະດັບໂລກ.
