ໂດຍ ທ່ານ ຫຼີເຄີ້ສຽງ ນາຍົກລັດຖະມົນຕີຈີນ
ບັນດາຜູ້ແທນ:
ຕໍ່ໄປ ຂ້າພະເຈົ້າຂໍຕາງໜ້າລັດຖະບານຈີນ, ຜ່ານບົດລາຍງານວຽກງານຂອງລັດ ຖະບານໃນ 5 ປີທີ່ຜ່ານມາ ແລະໃຫ້
ຂໍ້ສະເໜີກ່ຽວກັບວຽກງານໃນປີນີ້, ຂໍເຊີນບັນດາຜູ້ ແທນຄົ້ນຄວ້າພິຈາລະນາ ແລະຂໍຄຳເຫັນນຳບັນດາສະມາຊິກສະພາ
ປຶກສາການເມືອງປະຊາຊົນແຫ່ງຊາດ.
ໜຶ່ງ: ຫວນຄືນວຽກງານໃນ 5 ປີທີ່ຜ່ານມາ
ຕະຫຼອດໄລຍະ 5 ນັບແຕ່ໄຂກອງປະຊຸມສະພາຜູ້ແທນປະຊາຊົນແຫ່ງຊາດຈີນຄັ້ງທີ 1 ຊຸດທີ 12 ເປັນຕົ້ນມາ ຖືເປັນ
5 ປີ ທີ່ບໍ່ທຳມະດາທີ່ສຸດໃນຂະບວນການພັດທະນາຂອງປະເທດພວກເຮົາ. ໂດຍຢູ່ຕໍ່ໜ້າສະຖານະການພາຍໃນແລະ
ຕ່າງປະເທດທີ່ສັບສົນທີ່ສຸດ, ສູນກາງພັກກອມມູນິດຈີນທີ່ມີສະຫາຍສີຈິ້ນຜິງເປັນແກນກາງ ໄດ້ສາມັກຄີ ແລະນຳພາ
ປະຊາຊົນບັນດາເຜົ່າໃນທົ່ວປະເທດບາກບັ່ນສູ້ຊົນກ້າວໄປໜ້າ, ຊຸກຍູ້ການຈັດວາງ ລວມທີ່ໂຮມ 5 ດ້ານເປັນເອກະ
ພາບກັນ, ຊຸກຍູ້ການຈັດວາງທາງຍຸດທະສາດ 4 ຮອບດ້ານ ເຮັດໃຫ້ການປະຕິຮູບ ໄຂປະຕູສູ່ພາຍນອກ ແລະການ
ສ້າງສາສັງຄົມນິຍົມທັນສະໄໝໄດ້ສ້າງສະພາບການໃໝ່ຢ່າງຮອບດ້ານ. ກອງປະຊຸມໃຫຍ່ຄັ້ງທີ 19 ຂອງພັກ ໄດ້ກຳ
ນົດຖານະປະຫວັດສາດຂອງແນວຄິດສີຈິ້ນຜິງ ກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່, ໄດ້ວາງແຜນ
ວາດ ແລະໂຄງການດຳເນີນງານແຫ່ງການສ້າງສັງຄົມທີ່ມໜຳສຳລານໃຫ້ສຳເລັດຢ່າງຮອບດ້ານໃນໄລຍະສຸດທ້າຍ
ແລະ ຍາດເອົາໄຊຊະນະອັນຍິ່ງໃຫຍ່ຂອງສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່, ມີຄວາມໝາຍຕົວຈິງອັນສຳ
ຄັນ ແລະມີຄວາມສາມາດດ້ານປະຫວັດສາດທີ່ເລິກເຊິ່ງຍາວນານ. ທ້ອງຖິ່ນຕ່າງໆ ແລະພາກສ່ວນຕ່າງໆ ໄດ້ເພີ່ມທະ
ວີສະຕິດ້ານການເມືອງ, ສະຕິຕໍ່ສະພາບລວມ, ສະຕິແກນກາງ ແລະສະຕິເປັນເອກະພາບກັນກັບສູນກາງຕື່ມອີກ, ລົງ
ເລິກຜັນຂະຫຍາຍທັດສະນະພັດທະນາອັນໃໝ່, ແຜນການພັດທະນາ 5 ປີຄັ້ງທີ 12 ໄດ້ສຳເລັດລົງຢ່າງໄດ້ຮັບຜົນ
ເຕັມເມັດເຕັມໜ່ວຍ, ແຜນການພັດທະນາ 5 ປີຄັ້ງທີ 13 ພວມດຳເນີນໄປຢ່າງສະດວກ, ການພັດທະນາເສດຖະກິດ
ສັງຄົມໄດ້ຮັບໝາກຜົນຄັ້ງປະຫວັດສາດ ແລະເກີດມີການປ່ຽນແປງຄັ້ງປະຫວັດສາດ.
ຕະຫຼອດໄລຍະ 5 ປີມານີ້, ກຳລັງຕົວຈິງດ້ານເສດຖະກິດໄດ້ຂຶ້ນສູ່ລະດັບໃໝ່. ລວມຍອດຜະລິດຕະພັນພາຍໃນ ໄດ້
ຈາກ 54000 ຕື້ຢວນເພີ່ມຂຶ້ນເປັນ 82700 ຕື້ຢວນ, ສະເລ່ຍແລ້ວເພີ່ມຂຶ້ນ 7,1% ຕໍ່ປີ, ມາດຕາສ່ວນກວມເສດຖະ
ກິດໂລກໄດ້ຈາກ 11,4% ຂຶ້ນເຖິງປະມານ 15%, ອັດຕາປະກອບສ່ວນຕໍ່ການເຕີບໂຕຂອງເສດຖະກິດໂລກ ໄດ້
ຫຼາຍກວ່າ 30%. ລາຄາສິນຄ້າບໍລິໂພກຂອງພົນລະເມືອງເພີ່ມຂຶ້ນ 1,9% ຕໍ່ປີ ອັນໄດ້ຮັກສາລະດັບອ່າວຕ່ຳ. ການ
ປະກອບອາຊີບໃນຕົວເມືອງທີ່ເພີ່ມໃໝ່ບັນລຸຫຼາຍກວ່າ 66 ລ້ານຄົນ, ເຮັດໃຫ້ປະເທດໃຫຍ່ທີ່ມີ 1 ຕື້ 300 ກວ່າລ້ານ
ຄົນໄດ້ບັນລຸການປະກອບອາຊີບຢ່າງເຕັມສ່ວນສົມຄວນ.
ຕະຫຼອດໄລຍະ 5 ປີມານີ້, ອົງປະກອບເສດຖະກິດໄດ້ເກີດມີການປ່ຽນແປງຢ່າງໃຫຍ່ຫຼວງ, ອັດຕາປະກອບສ່ວນຂອງ
ການບໍລິໂພກໄດ້ຈາກ 54,9% ຍົກສູງເຖິງ 58,8%, ອັດຕາຂະແໜງການບໍລິການຈາກ 45,3% ຂຶ້ນເຖິງ
51,6%, ກາຍເປັນກຳລັງຫຼັກໃນການຊຸກຍູ້ການພັດທະນາເສດຖະກິດ. ການຜະລິດທັນຍາຫານບັນລຸ 600 ຕື້ກິໂລ.
ອັດຕາການຫັນເປັນຕົວເມືອງໄດ້ຈາກ 52,6% ຂຶ້ນເຖິງ 58,5%, ປະຊາຊົນທີ່ເຮັດວຽກກ່ຽວກັບກະສິກຳ 80 ລ້ານ
ກວ່າຄົນໄດ້ກາຍເປັນປະຊາຊົນໃນຕົວເມືອງ.
ຕະຫຼອດໄລຍະ 5 ປີມານີ້, ການຊຸກຍູ້ການພັດທະນາດ້ວຍການປະດິດສ້າງໃໝ່ໄດ້ຮັບໝາກຜົນຢ່າງອຸດົມສົມບຸນ. ການ
ລົງທຶນໃນດ້ານການຄົ້ນຄວ້າຂອງທົ່ວສັງຄົມ ໄດ້ເພີ່ມຂຶ້ນ 11% ຕໍ່ປີ, ເປັນອັນດັບທີ 2 ໃນໂລກ. ອັດຕາປະກອບສ່ວນ
ຂອງຄວາມກ້າວໜ້າດ້ານວິທະຍາສາດເຕັກນິກໄດ້ຈາກ 52,2% ຂຶ້ນເຖິງ 57,5%. ການບິນອະວະກາດບັນທຸກຄົນ,
ການຢັ່ງແທກທະເລເລິກ, ການສື່ສານກວນຕຸມ, ການຜະລິດຍົນຂະໜາດໃຫຍ່ ແລະໝາກຜົນການປະດິດສ້າງໃໝ່ອື່ນໆ
ກຳເນີດຂຶ້ນຢ່າງບໍ່ຂາດສາຍ. ເຄືອຂ່າຍທາງລົດໄຟຄວາມໄວສູງ, ການຄ້າເອເລັກໂຕຼນິກ, ການຈັບຈ່າຍຜ່ານໂທລະສັບມື
ຖື, ເສດຖະກິດຮ່ວມຊົມໃຊ້ແລະອື່ນໆ ກໍ່ໄດ້ນຳໜ້າໂລກ. "ອິນເຕີເນັດ+" ໄດ້ເຊື່ອມໂຍງເຂົ້າສູ່ທຸກໆຂະ ແໜງການ.
ທົ່ວປວງຊົນປະກອບທຸລະກິດ, ປະຊາຊົນມີການປະດິດສ້າງໃໝ່, ວິສາຫະກິດທີ່ສ້າງຕັ້ງໃໝ່ນັ້ນໄດ້ຈາກ 5 ພັນກວ່າແຫ່ງ
ເພີ່ມຂຶ້ນເຖິງ 16 ພັນກວ່າແຫ່ງຕໍ່ມື້. ກຳລັງແຮງທີ່ກຳເນີດເກີດຂຶ້ນໃໝ່ຢ່າງວ່ອງໄວນັ້ນ ພວມສ້າງສະຖານະການເຕີບໂຕ
ທາງເສດ ຖະກິດອັນໃໝ່, ປ່ຽນແປງວິຖີດຳລົງຊີວິດແລະການຜະລິດຢ່າງເລິກເຊິງ ອັນໄດ້ກາຍເປັນສັນຍະລັກໃໝ່ແຫ່ງ
ການພັດທະນາດ້ວຍການປະດິດສ້າງຂອງຈີນ.
ຕະຫຼອດໄລຍະ 5 ປີມານີ້, ຊີວິດການເປັນຢູ່ຂອງປະຊາຊົນຈີນ ສືບຕໍ່ໄດ້ຮັບການປັບປຸງດີຂຶ້ນ. ການແກ້ໄຂຂໍ້ຍາກໃນ
ການຫຼຸດຜ່ອນຄວາມທຸກຍາກ ໄດ້ຮັບຄວາມຄືບໜ້າທີ່ສຳຄັນ, ຈຳນວນປະຊາຊົນຜູ້ທຸກຍາກຫຼຸດໜ້ອຍລົງ 68 ລ້ານກວ່າ
ຄົນ, ໄດ້ຍົກຍ້າຍປະຊາຊົນຜູ້ທຸກຍາກໄປພັດທະນາຢູ່ບ່ອນອື່ນຈຳນວນ 8 ລ້ານ 3 ແສນຄົນ, ອັດຕາທຸກຍາກໄດ້ຈາກ
10,2% ຫຼຸດລົງເຖິງ 3,1%. ລາຍຮັບຂອງປະຊາຊົນເພີ່ມຂຶ້ນ 7,4% ຕໍ່ປີ, ສູງກວ່າການເຕີບໂຕຂອງເສດຖະກິດ,
ຈໍ່ຕົວເປັນກຸ່ມຄົນລາຍໄດ້ຜ້ານກາງທີ່ມີຈຳນວນຄົນຫຼາຍທີ່ສຸດໃນໂລກ. ຈຳນວນຄົນທີ່ໄປທ່ຽວຢູ່ຕ່າງປະເທດໄດ້ຈາກ 83
ລ້ານຂຶ້ນເປັນ 130 ລ້ານກວ່າຄົນ. ການປະກັນໄພລ້ຽງຜູ້ເຖົ້າຊະລາທາງສັງຄົມ ໄດ້ປົກຫຸ້ມໄປເຖິງ 900 ລ້ານກວ່າ
ຄົນ, ການປະກັນໄພປິ່ນປົວພະຍາດພື້ນຖານໄດ້ປົກຫຸ້ມໄປເຖິງ 1 ຕື້ 350 ລ້ານຄົນ, ອັນໄດ້ສ້າງເປັນຕາໜ່າງປະກັນ
ສັງຄົມທີ່ໃຫຍ່ທີ່ສຸດໃນໂລກ. ອາຍຸສະເລ່ຍຕໍ່ຫົວຄົນບັນລຸ 76,7 ປີ.
ຕະຫຼອດໄລຍະ 5 ປີ, ສະພາບການສິ່ງແວດລ້ອມທຳມະຊາດດີຂຶ້ນເປັນກ້າວໆ, ປະລິມານສິ້ນເປືອງພະລັງງານ ແລະນ້ຳ
ຕາມແຕ່ລະຫົວໜ່ວຍ GDP ໄດ້ຫຼຸດລົງຫຼາຍກວ່າ 20% , ປະລິມານການລະບາຍສິ່ງມົນລະພິດສືບຕໍ່ຫຼຸດໜ້ອຍລົງ, ຈຳ
ນວນມື້ທີ່ອາກາດມົນລະພິດຢ່າງໜັກໜ່ວງຂອງຕົວເມືອງສຳຄັນ ໄດ້ຫຼຸດລົງເຄິ່ງໜຶ່ງ, ເນື້ອທີ່ປ່າໄມ້ເພີ່ມຂຶ້ນເກືອບ 19 ລ້ານ
ເຮັກຕາ, ເນື້ອທີ່ດິນທີ່ຫັນເປັນທະເລຊາຍຫຼຸດໜ້ອຍລົງເກືອບ 2 ພັນກິໂລຕາແມັດ, ການພັດທະນາແບບອະນຸລັກສິ່ງແວດ
ລ້ອມໄດ້ເກີດມີສະພາບການທີ່ໜ້າຊົມຊື່ນ.
ໃນປີ 2017 ທີ່ຫາກໍ່ຜ່ານໄປ, ໜ້າທີ່ເປົ້າໝາຍຕົ້ນຕໍໃນການພັດທະນາເສດຖະກິດ ສັງຄົມໄດ້ສຳເລັດຢ່າງຮອບດ້ານ ແລະ
ໄດ້ຮັບຜົນທີ່ດີກວ່າການຄາດໄວ້. ອັດຕາເຕີບໂຕ ຂອງ GDP ບັນລຸ 6,9%, ລາຍຮັບຂອງປະຊາຊົນເພີ່ມຂຶ້ນ 7,3%
ເຊິ່ງລ້ວນແຕ່ສູງກວ່າປີ 2016; ການປະກອບອາຊີບທີ່ເພີ່ມໃໝ່ໃນຕົວເມືອງບັນລຸ 13 ລ້ານ 5 ແສນ 1 ໝື່ນຄົນ, ອັດ
ຕາວ່າງງານຕ່ຳກວ່າຫຼາຍປີທີ່ຜ່ນມາ; ຄວາມໄວການເຕີບໂຕຂອງອຸສາຫະກຳສູງຂຶ້ນ, ກຳໄລຂອງວິສາຫະກິດເພີ່ມຂຶ້ນ
21%; ລາຍໄດ້ດ້ານການເງິນເພີ່ມຂຶ້ນ 7,4%, ອັນໄດ້ປ່ຽນແປງສະພາບການທີ່ຄວາມໄວເຕີບໂຕຊ້າລົງ; ການຄ້າຂາ
ເຂົ້າຂາອອກເພີ່ມຂຶ້ນ 14,2%, ນຳໃຊ້ທຶນຕ່າງປະເທດໃນຕົວເມືອງບັນລຸ 136 ຕື້ 300 ລ້ານໂດລາສະຫະລັດ, ສ້າງ
ສະຖິຕິສູງສຸດໃນປະຫວັດສາດ. ການພັດທະນາຂອງເສດຖະກິດ ໄດ້ເກີດມີສະພາບການທີ່ການເຕີບໂຕ ກັບຄຸນນະພາບ,
ອົງປະກອບ ແລະປະສິດທິຜົນໄປພ້ອມກັນ.
ຜົນງານຮອບດ້ານທີ່ມີລັກສະນະສ້າງສັນ ແລະການປ່ຽນແປງຢ່າງເລິກເຊິ່ງ ທີ່ໄດ້ຮັບໃນ 5 ປີທີ່ຜ່ານມາ ເຮັດໃຫ້ທົ່ວໂລກ
ໃຫ້ຄວາມສົນໃຈ, ທັງເຮັດໃຫ້ປະຊາຊົນບັນດາ ເຜົ່າໃນທົ່ວປະເທດຈີນຮູ້ສຶກມີກຳລັງໃຈ ແລະພາກພູມໃຈ.
ໃນ 5 ປີມານີ້, ພວກເຮົາໄດ້ຕັ້ງໜ້າປະຕິບັດຕາມການຕັດສິນແລະຈັດວາງຂອງສູນກາງພັກທີ່ມີສະຫາຍສີຈິ້ນຜິງເປັນ
ແກນກາງ, ຕົ້ນຕໍໄດ້ເຮັດວຽກຄືດັ່ງນີ້:
1/ ຍຶດໝັ້ນຫຼັກການລວມຂອງວຽກງານທີ່ຮັກສາຄວາມກ້າວໄປໜ້າຢ່າງໜັກແໜ້ນ, ໄດ້ບັນລຸການພັດທະນາໄປທາງດີ
ໃນທ່າມກາງຄວາມໝັ້ນທ່ຽງ. ຜ່ານຈາກຄວາມພະຍາ ຍາມອັນແສນລຳບາກ, ພວກເຮົາໄດ້ທົນຕໍ່ແຮງກົດດັນຂອງເສດ
ຖະກິດທີ່ຕົກຕ່ຳລົງ, ແລະໄດ້ຫຼີກເວັ້ນບໍ່ໃຫ້ເສດຖະກິດຕ່ຳລົງແບບກະທັນຫັນ, ເຮັດໃຫ້ເສດຖະກິດເຕີບໂຕໃນລະດັບ
ກາງແລະຂ້ອນຂ້າງສູງ, ຊຸກຍູ້ການປັບປຸງອົງປະກອບເສດຖະກິດໃຫ້ດີຂຶ້ນ, ສະພາບການເສດຖະກິດໄປສູ່ທາງດີເປັນ
ເວລາດົນນານນັ້ນ ໄດ້ຮັບການບູລະນະ ແລະພັດທະນາເລື້ອຍໆ.
ຍຶດໝັ້ນປະຕິບັດນະໂຍບາຍການເງິນທີ່ຕັ້ງໜ້າ ແລະນະໂຍບາຍເງິນຕາທີ່ໜັກແໜ້ນ. ໄດ້ສິ້ນສຸດປະຫວັດສາດທີ່ເກັບ
ເອົາອາກອນທຸລະກິດທີ່ດຳເນີນມາເປັນເວລາ 66 ປີ, ລວມ ເຂົ້າກັນແລ້ວ ໄດ້ຫຼຸດອາກອນຫຼາຍກວ່າ 2000 ຕື້ຢວນ.
ໄດ້ປັບປຸງອົງປະກອບລາຍຈ່າຍທາງການເງິນ, ເຮັດໃຫ້ຂຸມການເງິນຖືກຄວບຄຸມໄວ້ຢູ່ພາຍໃນລະດັບ 3% ຕະຫຼອດ
ມາ. ໄດ້ປະຕິຮູບກົນໄກຫັນເປັນຕະຫຼາດຂອງອັດຕາແລກປ່ຽນເງິນຕາຕ່າງປະເທດໃຫ້ຄົບຖ້ວນສົມບຸນ, ຮັກສາຄວາມ
ໝັ້ນທ່ຽງຂອງອັດຕາແລກປ່ຽນເງິນຢວນຈີນ, ລວມຍອດຄັງສຳຮອງເງິນຕາຕ່າງປະເທດ ໄດ້ເຊົາຫຼຸດລົງແລະເພີ່ມຫຼາຍ
ຂຶ້ນ. ໄດ້ສ້າງຕະຫຼາດການທະນາ ຄານໃຫ້ເປັນແບບສະບັບ, ປ້ອງກັນແລະແກ້ໄຂຄວາມສ່ຽງໃນຂົງເຂດຈຸດໜັກ, ອັນ
ໄດ້ປົກປັກຮັກສາຄວາມໝັ້ນຄົງຂອງເສດຖະກິດການເງິນແຫ່ງຊາດ.
2/ ຍຶດໝັ້ນຖືການປະຕິຮູບອົງປະກອບດ້ານການສະໜອງເປັນຫຼັກ, ອອກແຮງບົ່ມ ສ້າງພະລັງແຮງອັນໃໝ່, ເຮັດໃຫ້
ອົງປະກອບເສດຖະກິດໄດ້ຮັບການຍົກລະດັບໃຫ້ດີຂຶ້ນຢ່າງວ່ອງໄວ. ອີງໃສ່ການປະຕິຮູບເພື່ອແກ້ໄຂບັນຫາຍາກທີ່
ເກີດຂຶ້ນໃນການພັດທະນາ ເສດຖະກິດກັບອົງປະກອບຂາດຄວາມດຸນດ່ຽງ, ອອກແຮງພັດທະນາຂະແໜງການທີ່ຈະ
ເລີນໃໝ່, ປັບປຸງແລະຍົກລະດັບຂອງຂະແໜງການດັ້ງເດີມ, ຍົກຄຸນນະພາບແລະປະ ສິດທິພາບຂອງລະບົບການ
ສະໜອງໃຫ້ສູງຂຶ້ນ.
ໃນ 5 ປີມານີ້ ການເງິນສູນກາງໄດ້ຈັດວາງງົບປະມານສະເພາະຈຳນວນ 100 ຕື້ຢວນ, ຫຼຸດຄວາມສາມາດການຜະ
ລິດເຫຼັກກ້າ 170 ລ້ານໂຕນ ແລະຖ່ານຫີນ 800 ລ້ານໂຕນ, ແລະຊ່ວຍພະນັກງານກຳມະກອນຈຳນວນ 1 ລ້ານ
1 ແສນກວ່າຄົນຊອກວຽກເຮັດໃໝ່. ໄດ້ມີການຊີ້ນຳທີ່ຕ່າງກັນຕໍ່ຕົວເມືອງທີ່ຕ່າງກັນ, ເຮັດໃຫ້ລາຄາເຮືອນຢູ່ໃນເມືອງ
ທີ່ສຳຄັນໄດ້ຖືກຄວບຄຸມໄວ້.
ເລັ່ງລັດເຮັດໃຫ້ຄວາມສາມາດການຜະລິດແບບເກົ່າແລະໃໝ່ສືບຕໍ່ເຊື່ອມຈອດກັນ. ລົງເລິກດຳເນີນການເຄື່ອນໄຫວ
"ອິນເຕີເນັດ+", ດຳເນີນການຕິດຕາມຄຸ້ມຄອງຢ່າງສຸຂຸມຮອບຄອບ, ຊຸກຍູ້ການນຳໃຊ້ຂໍ້ມູນໃຫຍ່, ການຄິດໄລ່ຄລາວ
ແລະເຄືອຂ່າຍສິນຄ້າຢ່າງກວ້າງຂວາງ, ເຮັດໃຫ້ຂະແໜງການທີ່ຈະເລີນໃໝ່ພັດທະນາຢ່າງຮຸ່ງເຮືອງ, ຂະແໜງ ການ
ດັ້ງເດີມໄດ້ຮັບການປັບປຸງຢ່າງໃຫຍ່. ປະຕິບັດແຜນການ "ຜະລິດໂດຍຈີນ 2025", ຊຸກຍູ້ໂຄງການໃຫຍ່ຕ່າງໆເຊັ່ນ
ສ້າງພື້ນຖານຂອງອຸດສາຫະກຳໃຫ້ໜັກແໜ້ນ, ການຜະ ລິດແບບສະມາດ, ການຜະລິດແບບອະນຸລັກສິ່ງແວດລ້ອມ
ແລະອື່ນໆ, ຊຸກຍູ້ຂະແໜງ ການຜະລິດທີ່ກ້າວໜ້າພັດທະນາຢ່າງວ່ອງໄວ. ປັບປຸງອົງປະກອບການລົງທຶນໃຫ້ດີຂຶ້ນ,
ສົ່ງເສີມການລົງທຶນຂອງເອກະຊົນ. ໄລຍະທາງຂອງທາງລົດໄຟຄວາມໄວສູງໄດ້ຈາກ 9 ພັນກວ່າກິໂລແມັດເພີ່ມຂຶ້ນ
ຮອດ 25 ພັນກິໂລແມັດ, ກວມ 2/3 ຂອງທົ່ວໂລກ, ໄລຍະທາງຂອງທາງດ່ວນຈາກ 96 ພັນກິໂລແມັດເພີ່ມຂຶ້ນ
ຮອດ 1 ແສນ 3 ໝື່ນ 6 ພັນກິໂລແມັດ, ສ້າງແລະປັບປຸງເສັ້ນທາງໃນຊົນນະບົດ 1 ລ້ານ 2 ແສນ 7 ໝື່ນກິໂລ
ແມັດ, ສ້າງສະໜາມບິນພົນລະເຮືອນໃໝ່ 46 ແຫ່ງ, ເລີ່ມສ້າງໂຄງການຊົນລະປະທານທີ່ສຳຄັນ 122 ໂຄງການ,
ສຳເລັດການປັບປຸງຕາໜ່າງໄຟຟ້າຢູ່ຊົນນະບົດຮອບໃໝ່, ສ້າງສຳເລັດເຄືອຂ່າຍສາຍກວ້າງເຄື່ອນທີ່ທີ່ມີຂະໜາດໃຫຍ່
ທີ່ສຸດໃນໂລກ. ໃນ 5 ປີມານີ້, ກຳລັງແຮງອັນ ໃໝ່ທີ່ຊຸກຍູ້ການພັດທະນາ ໄດ້ເຕີບໂຕຢ່າງວ່ອງໄວ, ການເຕີບໂຕ
ທາງເສດຖະກິດໄດ້ຈາກການອີງອາໃສການລົງທຶນ ແລະ ຂາອອກ ຫັນມາເປັນອີງອາໃສການບໍລິໂພກ, ການລົງທຶນ
ແລະຂາອອກປະສົມປະສານກັນ, ໄດ້ຈາກການອີງອາໃສອຸດສາຫະກຳປ່ຽນມາເປັນອີງອາໃສຂະແໜງການບໍລິການ
ເຊິ່ງນີ້ແມ່ນການປ່ຽນແປງທີ່ມີລັກສະນະອົງປະ ກອບທີ່ສຳຄັນທີ່ສຸດ ທີ່ພວກເຮົາຄິດໄວ້ແຕ່ດົນ ແຕ່ຫາກບໍ່ໄດ້ເຮັດສຳ
ເລັດໃນຫຼາຍປີຜ່ານ ມາ.
ພວກເຮົາໄດ້ເລັ່ງລັດຫັນປ່ຽນບົດບາດຂອງອົງການປົກຄອງ, ຫຼຸດການຄຸ້ມຄອງບໍລິ ຫານໃນດ້ານຈຸນລະພາກ ແລະ
ການຄຸ້ມຄອງໂດຍກົງໃຫ້ໜ້ອຍລົງ, ສຸມໃສ່ການເພີ່ມທະວີການຄວບຄຸມດ້ານມະຫາພາກ, ການຕິດຕາມຕະຫຼາດແລະ
ໃຫ້ການບໍລິການສາທາລະ ນະ.
3/ ຍຶດໝັ້ນໃຫ້ການປະດິດສ້າງໃໝ່ນຳພາການພັດທະນາ, ອອກແຮງກະຕຸກຊຸກຍູ້ ການປະດິດສ້າງຂອງສັງຄົມ,
ຄວາມສາມາດການປະດິດສ້າງໂດຍລວມແລະປະສິດທິ ພາບ ຍົກສູງຂຶ້ນຢ່າງເດັ່ນຊັດ. ສະໜັບສະໜູນນະຄອນ
ຫຼວງປັກກິ່ງ ແລະກຳແພງນະ ຄອນຊຽງໄຮ ສ້າງສູນປະດິດສ້າງວິທະຍາສາດເຕັກນິກ, ສ້າງເຂດສາທິດປະດິດ
ສ້າງໂດຍຕົນເອງລະດັບຊາດ 14 ແຫ່ງ. ລົງເລິກດຳເນີນນະໂຍບາຍທີ່ໃຫ້ປະຊາຊົນປະກອບທຸລະກິດຂອງຕົນ
ເອງ, ສົ່ງເສີມການປະດິດສ້າງໃໝ່, ປະຕິບັດນະໂນຍບາຍສະໜັບສະໜູນ ໂດຍທົ່ວໄປ. ຈຳນວນລິຂະສິດແບບປະ
ດິດສ້າງໃໝ່ທີ່ບັງເກີດຜົນພາຍໃນປະເທດ ໄດ້ເພີ່ມຂຶ້ນ 2 ເທົ່າ, ມູນຄ່າການຄ້າຂາຍດ້ານເຕັກນິກເພີ່ມຂຶ້ນ 1 ເທົ່າ,
ຈີນໄດ້ກາຍເປັນບ່ອນທີ່ໄດ້ຮັບຄວາມສົນໃຈໃນການສ້າງພາລະກິດແລະປະດິດສ້າງໃໝ່ໃນທົ່ວໂລກ.
4/ ຍຶດໝັ້ນລົງເລິກການປະຕິຮູບຢ່າງຮອບດ້ານ, ອອກແຮງທັບມ້າງຂໍ້ບົກຜ່ອງດ້ານໂຄງປະກອບແລະກົນໄກ, ເຮັດ
ໃຫ້ກຳລັງການພັດທະນາໄດ້ຮັບການເພີ່ມທະວີຂຶ້ນຢ່າງບໍ່ຢຸດຢັ້ງ. ລັດວິສາຫະກິດມີປະສິທິຜົນດີຂຶ້ນຢ່າງເດັ່ນຊັດ, ກຳ
ໄລຂອງປີກາຍນີ້ ເພີ່ມຂຶ້ນ 23,5%. ສ້າງລະບຽບການຈົດທະບຽນອະສັງຫາລິມະຊັບ. ສ້າງລະບຽບການປົກປ້ອງ
ສິດຊັບສິນໃຫ້ສົມບູນ. ໄດ້ຢຸດຕິລະບຽບການຄຸ້ມຄອງອັດຕາດອກເບ້ຍໂດຍພື້ນຖານ, ສ້າງລະບຽບການປະກັນໄພ
ເງິນອອມສິນ. ສ້າງລະບຽບການບຳນານ ແລະປິ່ນປົວພະຍາດພື້ນຖານທີ່ຕົວເມືອງແລະຊົນນະບົດເປັນເອກະພາບ
ກັນ.
5/ ຍຶດໝັ້ນການໄຂປະຕູສູ່ພາຍນອກເປັນນະໂຍບາຍພື້ນຖານແຫ່ງຊາດ, ອອກແຮງບັນລຸການຮ່ວມມືແບບຕ່າງຝ່າຍ
ຕ່າງໄດ້ຮັບຜົນປະໂຫຍດຮ່ວມກັນ, ລະດັບເສດຖະກິດ ແບບໄຂປະຕູສູ່ພາຍນອກ ໄດ້ຍົກສູງຂຶ້ນຢ່າງເດັ່ນຊັດ. ສະ
ເໜີຂໍ້ລິເລີ່ມ ແລະຊຸກຍູ້ການສ້າງສາ "ໜຶ່ງແລວໜຶ່ງເສັ້ນທາງ", ລິເລີ່ມສ້າງທະນາຄານລົງທຶນພື້ນຖານໂຄງລ່າງ
ອາຊີ, ກອງທຶນເສັ້ນທາງສາຍໄໝ, ດຳເນີນການກໍ່ສ້າງໂຄງການຮ່ວມມືເສດຖະກິດການຄ້າ ໂຄງການເຊື່ອມຈອດ
ກັນທີ່ສຳຄັນ. ສ້າງເຂດທົດລອງການຄ້າເອເລັກໂຕຼນິກຂ້າມຊາດ13 ແຫ່ງ, ລະບຽບການ"ປ່ອງຢ້ຽມດຽວ"ດ້ານ
ການຄ້າສາກົນ ໄດ້ຮັບການປະຕິບັດໃນທົ່ວປະເທດ, ເຮັດໃຫ້ເວລາຜ່ານດ່ານຂອງສິນຄ້າຫຼຸດລົງຫຼາຍກວ່າເຄິ່ງໜຶ່ງ,
ການຄ້າຂາອອກຂາເຂົ້າມີຄວາມໝັ້ນທ່ຽງເປັນຢ່າງດີ. ໄດ້ເພີ່ມທະວີການນຳເຂົ້າສະຕິປັນຍາ, ນັກວິຊາ ການຕ່າງປະ
ເທດທີ່ມາເຮັດວຽກຢູ່ຈີນ ເພີ່ມຂຶ້ນ 40%. ຊຸກຍູ້ການຮ່ວມມືດ້ານຄວາມສາມາດການຜະລິດສາກົນ, ເຮັດໃຫ້ອຸປະ
ກອນທາງລົດໄຟຄວາມໄວສູງ, ການຜະລິດໄຟຟ້າດ້ວຍພະລັງງານນິວເຄລຍຖືກເຜີຍແຜ່ໄປສູ່ທົ່ວໂລກ. ໄດ້ເຊັນສັນ
ຍາການສ້າງ ແລະຍົກລະດັບການຄ້າເສລີ 8 ສະບັບ. ການເປີດກວ້າງການໄຂປະຕູຂອງຈີນ ໄດ້ຊຸກຍູ້ການພັດທະ
ນາຕົນເອງຢ່າງແຂງແຮງ ທັງນຳເອົາໂອກາດທີ່ສຳຄັນມາສູ່ທົ່ວໂລກ.
6/ ຍຶດໝັ້ນປະຕິບັດຍຸດທະສາດພັດທະນາ ຢ່າງກົມກຽວກັນລະຫວ່າງເຂດຕ່າງໆ ແລະການຫັນເປັນຕົວເມືອງແບບ
ໃໝ່. ອອກແຮງຊຸກຍູ້ໃຫ້ກໍ່ຕົວເປັນອົງປະກອບພັດທະ ນາແບບກ້ຳເກິ່ງກັນ. ວາງມາດຕະການປະຕິຮູບແລະປະດິດ
ສ້າງໃໝ່ ເພື່ອຊຸກຍູ້ການ ພັດທະນາພາກຕາເວັນຕົກ, ສ້າງພາກຕາເວັນອອກສຽງເໜືອໃຫ້ຈະເລີນ, ໃຫ້ພາກກາງພັດ
ທະນາຂຶ້ນ ແລະໃຫ້ພາກຕາເວັນອອກພັດທະນາກ່ອນໃໝ່. ຕົວເມືອງສ່ວນຫຼາຍໄດ້ຜ່ອນຄາຍການຈຳກັດກ່ຽວກັບການ
ຍ້າຍສຳມະໂນຄົວເຂົ້າ, ໄດ້ປະຕິບັດລະບຽບການຮ້ອງຂໍບັດການຢູ່ຢ່າງຮອບດ້ານ, ການບໍລິການສາທາລະນະພື້ນ
ຖານໃນຕົວເມືອງເປີດກວ້າງໄປສູ່ປະຊາຊົນທີ່ຢູ່ປະຈຳ. ການພັດທະນາຂອງຕົວເມືອງແລະ ຊົນນະບົດຢ່າງປະສານ
ສົມທົບກັນໄດ້ເພີ່ມທະວີຂຶ້ນຢ່າງພົ້ນເດັ່ນ.
7/ ຍຶດຖືແນວຄິດພັດທະນາທີ່ຖືປະຊາຊົນເປັນໃຈກາງ, ອອກແຮງຄ້ຳປະກັນແລະປັບປຸງຊີວິດການເປັນຢູ່ຂອງປະຊາ
ຊົນໃຫ້ດີຂຶ້ນ, ປະຊາຊົນມີຄວາມຮູ້ສຶກໃນການໄດ້ຮັບຜົນປະໂຫຍດນັ້ນເພີ່ມຂຶ້ນຢ່າງບໍ່ຢຸດຢັ້ງ. ໃນ 5 ປີມານີ້ການເງິນ
ສູນກາງໄດ້ໃຊ້ງົບຫຼຸດຜ່ອນຄວາມທຸກຍາກຈຳນວນ 280 ຕື້ກວ່າຢວນ. ຄ່າໃຊ້ຈ່າຍດ້ານການສຶກສາໃນການເງິນ
ກວມຫຼາຍກວ່າ 4% ຂອງລວມຍອດຜະລິດຕະພັນພາຍໃນຢ່າງຕໍ່ເນື່ອງ. ເລີ່ມການສ້າງສາມະຫາວິທະຍາໄລອັນດັບ
ໜຶ່ງ ແລະວິຊາສະເພາະອັນດັບໜຶ່ງໃນໂລກ. ຍົກສູງມາດຖານຄ່າປະກັນຊີວິດຕ່ຳສຸດ, ສ້າງລະບຽບການຊ່ວຍເຫຼືອ
ທາງສັງຄົມໃຫ້ຄົບຖ້ວນ, ປະຊາຊົນຜູ້ທີ່ຮັບຄ່າປະກັນຊີວິດຕ່ຳສຸດ ແລະຜູ້ທຸກຍາກເກືອບ 60 ລ້ານຄົນໄດ້ຮັບການ
ຮັບປະກັນດ້ານຊີວິດການເປັນຢູ່ພື້ນຖານ.
8/ ຍຶດໝັ້ນໃຫ້ຄົນກັບທຳມະຊາດພັດທະນາຢ່າງກົມກຽວກັນ, ອອກແຮງແກ້ໄຂມົນລະພິດສິ່ງແວດລ້ອມ, ການສ້າງ
ສາອາລະຍະທຳທາງນິເວດ ໄດ້ຮັບຜົນງານຢ່າງເດັ່ນຊັດ. ສ້າງທັດສະນະທີ່ນ້ຳໃສຜູ້ຂຽວກໍ່ຄືເງິນຄຳ. ແກ້ໄຂສະພາບ
ການມົນລະພິດອາກາດ, ຊຸກຍູ້ໃຫ້ຂະແໜງການຈຸດໜັກປະຢັດພະລັງງານແລະຫຼຸດການລະບາຍມົນລະພິດ, ໜ່ວຍ
ຈັກຜະລິດໄຟຟ້າດ້ວຍພະລັງງານຖ່ານຫີນ 71% ບັນລຸການລະບາຍມົນລະພິດໃນລະດັບຕ່ຳສຸດ, ອັດຕາການບໍລິ
ໂພກຖ່ານຫິນ ຫຼຸດລົງ 8,1%, ການນຳໃຊ້ພະລັງງານສະອາດຍົກສູງ 6,3%. ການນຳໃຊ້ຢາປາບສັດຕູພືດແລະ
ຝຸ່ນເຄມີບໍ່ມີການເພີ່ມຂຶ້ນ. ຕັ້ງໜ້າຊຸກຍູ້ການເຊັນ ແລະການບັງເກີດຜົນຂອງສັນຍາປາຣີ, ຈີນໄດ້ເສີມຂະຫຍາຍບົດ
ບາດສຳຄັນໃນການແກ້ໄຂບັນຫາການປ່ຽນແປງຂອງອາກາດທົ່ວໂລກ.
9/ ຍຶດໝັ້ນປະຕິບັດພາລະໜ້າທີ່ຂອງລັດຖະບານ ຕາມກົດໝາຍຢ່າງຮອບດ້ານ, ອອກແຮງເພີ່ມທະວີແລະປະດິດ
ສ້າງວິທີຄຸ້ມຄອງສັງຄົມ, ເຮັດໃຫ້ສັງຄົມຮັກສາຄວາມກົມກຽວກັນແລະຄວາມໝັ້ນຄົງ. ໄດ້ນຳສະເໜີໃຫ້ຄະນະກຳ
ມະການປະຈຳສະພາປະຊາ ຊົນແຫ່ງຊາດຈີນສ້າງແລະດັດແກ້ກົດໝາຍ 95 ສະບັບ, ສ້າາງແລະດັດແກ້ກົດຂໍ້
ກຳນົດທາງບໍລິຫານ 195 ສະບັບ, ດັດແກ້ຫຼືຍົກເລີກຂໍ້ກຳນົດຂອງພາກສ່ວນຕ່າງໆເປັນຈຳນວນຫຼວງຫຼາຍ.
ປະຕິບັດຕາມການຈັດວາງຂອງສູນກາງພັກກ່ຽວກັບການປົກຄອງພັກຢ່າງເຂັ້ມງວດຮອບດ້ານ, ເພີ່ມທະວີການສ້າງ
ສາການບໍລິຫານຢ່າງປອດໃສແລະແບບແຜນພັກ, ຕ້ານການສໍ້ລາດບັງຫຼວງ. ເດັດດ່ຽວສືບສວນ, ລົງໂທດ ແລະ
ແກ້ໄຂການກະທຳທີ່ຜິດກົດໝາຍຂໍ້ກຳນົດ, ລົງໂທດຜູ້ສໍ້ລາດບັງຫຼວງຢ່າງເຂັ້ມງວດ, ການຕໍ່ສູ້ຕ້ານການສໍ້ລາດບັງ
ຫຼວງ ໄດ້ມີທ່າອຽງເຜີຍແຜ່ສູ່ທົ່ວປະເທດຢ່າງກວ້າງຂວາງ ທັງໄດ້ຂະຫຍາຍຕົວ.
ໃນ 5 ປີທີ່ຜ່ານມາ, ວຽກງານດ້ານຊົນເຜົ່າ, ສາສະໜາ ແລະຊາວຈີນຕ່າງດ້າວ ໄດ້ ກ້າວໄປໜ້າຢ່າງມີການປະດິດ
ສ້າງໃໝ່. ຊາວຈີນຕ່າງດ້າວ, ຊາວຈີນຕ່າງດ້າວທີ່ໄດ້ກັບຄືນມາປະເທດຊາດ ພ້ອມດ້ວຍຄອບຄົວ ໄດ້ປະກອບສ່ວນ
ເປັນພິເສດເຂົ້າໃນການສ້າງ ສາທັນສະໄໝຂອງປະເທດຊາດ .
ໃນ 5 ປີທີ່ຜ່ານມາ, ພາຍໃຕ້ການນຳພາຂອງສູນກາງພັກ ແລະຄະນະກຳມະການ ການທະຫານສູນກາງ, ວຽກງານ
ການສ້າງກອງທັບໃຫ້ເຂັ້ມແຂງແລະຈະເລີນໄດ້ເກີດມີສະພາບການໃໝ່, ກອງທັບປະຊາຊົນໄດ້ປະຕິບັດໜ້າທີ່ສຳຄັນ
ຕ່າງໆໃນການປົກປັກຮັກ ສາສິດທິຜົນປະໂຫຍດທາງທະເລ, ຕ້ານການກໍ່ການຮ້າຍແລະຮັກສາຄວາມໝັ້ນຄົງ, ກູ້ໄພ,
ຮັກສາສັນຕິພາບສາກົນ, ການປ້ອງກັນການເດີນເຮືອນຢູ່ອ່າວອາແຕນ, ການກູ້ໄພມະນຸດສະທຳແລະອື່ນໆ. ໄດ້ສຳ
ເລັດໜ້າທີ່ຫຼຸດກຳລັງການທະຫານຈຳນວນ 3 ແສນຄົນພາຍໃຕ້ການປະສານງານຂອງທຸກຝ່າຍ.
ໃນ 5 ປີທີ່ຜ່ານມາ, ວຽກງານກ່ຽວກັບຮົງກົງ, ມາກາວແລະໄຕ້ຫວັນໄດ້ຮັບຄວາມຄືບ ໜ້າໃໝ່, ໄດ້ສ້າງຂົວຮົງກົງ-ຈູ່
ຫາຍ-ມາກາວໃຫ້ສຳເລັດ. ຍຶດໝັ້ນຫຼັກການຈີນດຽວ ແລະຄວາມເປັນເອກະພາບ 1992, ໄດ້ເພີ່ມທະວີການແລກ
ປ່ຽນແລະຮ່ວມມືກັນດ້ານເສດ ຖະກິດແລະວັດທະນະທຳລະຫວ່າງສອງຝັ່ງຊ່ອງແຄບໄຕ້ຫວັນ, ຜູ້ນຳສອງຝ່າຍ ໄດ້
ບັນລຸການພົບປະກັນຄັ້ງປະຫວັດສາດ, ອັນໄດ້ປົກປັກຮັກສາສັນຕິພາບແລະສະຖຽນລະພາບ ຂອງຊ່ອງແຄບໄຕ້
ຫວັນຢ່າງແຂງແຮງ.
ໃນ 5 ປີທີ່ຜ່ານມາ, ວຽກງານການຕ່າງປະເທດທີ່ມີສີສັນພິເສດຂອງຈີນໄດ້ຮັບການຊຸກຍູ້ໄປໜ້າຢ່າງຮອບດ້ານ. ໃນ
ຖານະເປັນປະເທດໃຫຍ່ທີ່ມີຄວາມຮັບຜິດຊອບ, ຈີນໄດ້ເສີມຂະຫຍາຍບົດບາດທີ່ມີລັກສະນະສ້າງສັນທີ່ສຳຄັນ ໃນ
ການແກ້ໄຂບັນຫາຈຸດສຸມທັງສາກົນແລະພາກພື້ນ, ອັນໄດ້ປະກອບສ່ວນຢ່າງສຳຄັນອັນໃໝ່ເພື່ອສັນຕິພາບແລະການ
ພັດທະນາຂອງໂລກ.
ຈີນມີສະພາສຸດວ່າ: "ໃນເວລາມີຄວາມສະຫງົບສຸກ, ບໍ່ຄວນລືມຄວາມອັນຕະລາຍ; ໃນເວລາມີຄວາມຈະເລີນຮຸ່ງ
ເຮືອງ, ບໍ່ຄວນລືມຄວາມເປັນຫ່ວງເປັນໃຍຕໍ່ອະນາຄົດ." ພວກເຮົາຄວນຮັບຮູ້ຢ່າງຈະແຈ້ງວ່າ, ຈີນຍັງ
ພວມຢູ່ໃນ ແລະຍັງຈະຢູ່ໃນໄລຍະຕົ້ນຂອງສັງຄົມນິຍົມເປັນເວລາດົນນານ, ຍັງແມ່ນປະເທດທີ່ພວມພັດທະນາທີ່
ໃຫຍ່ທີ່ສຸດໃນໂລກ, ບັນຫາພົ້ນເດັ່ນທີ່ເກີດຈາກການພັດທະນາບໍ່ດຸນດ່ຽງແລະບໍ່ເຕັມສ່ວນນັ້ນ ຍັງບໍ່ທັນໄດ້ຮັບການ
ແກ້ໄຂເທື່ອ. ສະນັ້ນ ພວກເຮົາຕ້ອງມີນ້ຳໃຈ ຮັບຜິດຊອບຕໍ່ປະເທດ ແລະປະຊາຊົນຢ່າງສູງ, ຕ້ອງມີຄວາມກ້າຫານ
ທີ່ບໍ່ຢ້ານຄວາມຫຍຸ້ງຍາກລຳບາກ ແລະມີມານະຈິດທີ່ເດັດດ່ຽວອົດທົນ, ພະຍາຍາມເຮັດວຽກໃຫ້ດີ, ເຮັດໃຫ້ປະຊາ
ຊົນບໍ່ຜິດຫວັງຕໍ່ລັດຖະບານຢ່າງເດັດຂາດ.
ສອງ: ຄວາມຮຽກຮ້ອງຕ້ອງການ ແລະນະໂຍບາຍກ່ຽວກັບການພັດທະນາເສດຖະ ກິດສັງຄົມ 2018ປີນີ້ແມ່ນປີ
ທຳອິດໃນການຜັນຂະຫຍາຍເນື້ອໃນຈິດໃຈຂອງກອງປະຊຸມໃຫຍ່ຄັ້ງທີ 19 ຂອງພັກຢ່າງຮອບດ້ານ, ແມ່ນການຄົບ
ຮອບ 40 ປີແຫ່ງການປະຕິຮູບແລະໄຂປະຕູສູ່ພາຍນອກ, ແມ່ນປີທີ່ສຳຄັນທີ່ສຸດໃນການເອົາຊະນະການສ້າງເປັນ
ສັງຄົມທີ່ອີ່ມໜຳສຳ ລານຢ່າງຮອບດ້ານ ທັງປະຕິບັດແຜນການພັດທະນາ 5 ປີຄັ້ງທີ 13.
ເມື່ອໄດ້ວິເຄາະສະຖານະການພາຍໃນແລະຕ່າງປະເທດແລ້ວເຫັນວ່າ, ການພັດທະ ນາຂອງປະເທດພວກເຮົາແມ່ນ
ຜະເຊີນກັບໂອກາດ ແລະສິ່ງທ້າທາຍພ້ອມກັນ.
ເປົ້າໝາຍຕົ້ນຕໍຂອງການພັດທະນາໃນປີນີ້ຄື: ເຮັດໃຫ້ລວມຍອດຜະລິດຕະພັນພາຍໃນຮັກສາການເຕີບໂຕປະມານ
6,5%; ເຮັດໃຫ້ລາຄາບໍລິໂພກຂອງປະຊາຊົນເພີ່ມຂຶ້ນປະມານ 3%; ຜູ້ປະກອບອາຊີບທີ່ເພີ່ມໃໝ່ໃນຕົວເມືອງບັນ
ລຸ 11 ລ້ານຄົນຂຶ້ນໄປ, ເຮັດໃຫ້ອັດຕາວ່າງງານຈາກຜົນການສຳຫຼວດໃນຕົວເມືອງຢູ່ໃນ 5,5%, ອັດຕາວ່າງງານ
ທີ່ຈົດທະບຽນໃຫ້ຢູ່ໃນລະຫວ່າງ 4,5%; ເຮັດໃຫ້ການເພີ່ມຂຶ້ນດ້ານລາຍໄດ້ຂອງປະຊາຊົນກັບການເພີ່ມຂຶ້ນດ້ານ
ເສດຖະກິດຢູ່ໃນຈັງຫວະດຽວກັນໂດຍພື້ນຖານ; ເຮັດໃຫ້ການຄ້າຂາເຂົ້າຂາອອກ ມີຄວາມໝັ້ນທ່ຽງແລະໄປສູ່ທາງດີ,
ລາຍຈ່າຍລາຍຮັບທາງສາກົນ ມີຄວາມດຸນດ່ຽງໂດຍພື້ນຖານ; ເຮັດໃຫ້ປະລິມານສິນເປືອງພະລັງງານທີ່ສະເລ່ຍຕໍ່
GDP ແຕ່ລະຫົວໜ່ວຍ ຫຼຸດລົງຫຼາຍກວ່າ 3%. ປະລິມານການລະບາຍສິ່ງມົນລະພິດສຳຄັນສືບຕໍ່ໜ້ອຍລົງ; ເຮັດ
ໃຫ້ການປະຕິຮູບອົງປະກອບດ້ານການສະໜອງ ໄດ້ຮັບຄວາມຄືນໜ້າຕົວຈິງ, ທັງຄວບຄຸມຄວາມສ່ຽງທຸກປະເພດ
ໄວ້ໄດ້ຢ່າງມີລະບຽບແລະບັງເກີດຜົນ.
ເປົ້າໝາຍທີ່ຄາດໄວ້ດັ່ງທີ່ກ່າວມານັ້ນ ໄດ້ພິຈາລະນາເຖິງຄວາມຕ້ອງການໃນການສຳເລັດການສ້າງສັງຄົມອີ່ມໜຳ
ສຳລານຢ່າງຮອບດ້ານ, ສອດຄ່ອງກັບສະພາບຕົວຈິງທີ່ເສດຖະກິດປະເທດພວກເຮົາ ໄດ້ຈາກໄລຍະພັດທະນາ
ຢ່າງວ່ອງໄວ ຫັນໄປສູ່ໄລຍະພັດ ທະນາດ້ວຍຄຸນນະພາບສູງ.
ຖ້າຢາກເຮັດວຽກງານປີນີ້ໃຫ້ດີ ຕ້ອງຕັ້ງໜ້າຜັນຂະຫຍາຍແນວຄິດສີຈິ້ນຜິງກ່ຽວກັບ ເສດຖະກິດສັງຄົມນິຍົມທີ່ມີສີ
ສັນພິເສດຂອງຈີນໃນຍຸກໃໝ່, ຍຶດໝັ້ນຫຼັກການພື້ນຖານ ລວມທີ່ຮັກສາຄວາມໝັ້ນທ່ຽງທັງສະແຫວງຫາການກ້າວ
ໄປໜ້າ. ຖືສະພາບຄວາມໝັ້ນ ທ່ຽງກັບການກ້າວໄປໜ້າ ເປັນສະພາບລວມ ໂດຍສຸມໃສ່ຫຼາຍຂໍ້ດັ່ງນີ້ຄື:
ໜຶ່ງແມ່ນອອກແຮງຊຸກຍູ້ການພັດທະນາດ້ວຍຄຸນນະພາບສູງ. ຕ້ອງເຄົາລົບກົດເກນເສດຖະກິດ, ຮັບປະກັນໃຫ້
ເສດຖະກິດໝູນເດີນຢູ່ໃນຂອບເຂດທີ່ສົມເຫດສົມຜົນ, ບັນລຸໃຫ້ເສດຖະກິດພັດທະນາຢ່າງໜັກແໜ້ນ ແລະມີຄຸນ
ນະພາບ, ປະສິດທິຜົນຍົກສູງຂຶ້ນ ພ້ອມກັນ; ສອງແມ່ນເພີ່ມຄວາງແຮງໃນການປະຕິຮູບແລະໄຂປະຕູສູ່ພາຍອນ.
ເສີມຂະ ຫຍາຍນ້ຳໃຈປະດິດສ້າງຂອງປະຊາຊົນຢ່າງເຕັມທີ່, ສົ່ງເສີມໃຫ້ທ້ອງຖິ່ນຕ່າງໆເລີ່ມຈາກສະພາບຕົວຈິງ,
ກ້າດຳເນີນການທົດລອງແລະກ້າບຸກບືນກ້າວໜ້າ, ກ້າຜະເຊີນກັບບັນຫາຍາກ, ເພື່ອຊຸກຍູ້ການປະຕິຮູບແລະໄຂ
ປະຕູສູ່ພຍນອກໃຫ້ກ້າວໄປໜ້າເລື້ອຍໆ. ສາມແມ່ນກຳວຽກງານຫຍຸ້ງຍາກ 3 ດ້ານໃຫ້ດີໃນການສຳເລັດການສ້າງ
ເປັນສັງຄົມທີ່ອີ່ມໜຳສຳລານຢ່າງຮອບດ້ານ. ວຽກງານທຸກດ້ານທີ່ພວກເຮົາເຮັດນັ້ນ ລ້ວນແຕ່ແມ່ນເພື່ອປະຊາຊົນ.
ຕ້ອງຍຶດຖືແນວຄິດພັດທະນາທີ່ຖືປະຊາຊົນເປັນໃຈກາງ, ເລີ່ມຈາກສະພາບແຫ່ງຊາດພື້ນຖານຂອງປະເທດພວກເຮົາ,
ພະຍາຍາມເຮັດຕາມຄວາມສາມາດຂອງຕົນ, ເພື່ອແກ້ໄຂບັນຫາທີ່ປະຊາຊົນສົນໃຈທີ່ສຸດແລະໃຫ້ຄວາມສຳຄັນທີ່ສຸດ
ຕາມລຳດັບ, ຊຸກຍູ້ໃຫ້ສັງຄົມມີຄວາມຍຸດຕິທຳແລະເປັນທຳ, ໃຫ້ປະຊາຊົນມີການພັດທະນາຢ່າງຮອບດ້ານ, ເຮັດໃຫ້
ຊີວິດການເປັນຢູ່ຂອງປະຊາຊົນດີຂຶ້ນທຸກປີໂດຍໄປຕາມການພັດທະນາຂອງປະເທດ.
ສາມ: ຂໍ້ສະເໜີຕໍ່ວຽກງານຂອງລັດຖະບານໃນປີ 2018
ປີນີ້ ໜ້າທີ່ພັດທະນາເສດຖະກິດສັງຄົມໜັກໜາທີ່ສຸດ. ຕ້ອງກຳແໜ້ນໂອກາດປະ ຫວັດສາດ, ວາງແຜນການລວມ, ກຳ
ນົດວຽກງານຈຸດໜັກຢ່າງພົ້ນເດັ່ນ, ເຮັດວຽກທຸກດ້ານໃຫ້ດີຢ່າງໜັກແໜ້ນ.
1/ ລົງເລິກຊຸກຍູ້ການປະຕິຮູບອົງປະກອບດ້ານການສະໜອງ.
ສ້າງກຳລັງແຮງພັດທະນາອັນໃໝ່ໃຫ້ເຂັ້ມແຂງ, ເພີ່ມທະວີການຄົ້ນຄວ້າແລະນຳໃຊ້ເຕັກນິກສະຕິປັນຍາທຽມ ຫຼື AI ຮຸ້ນ
ໃໝ່, ເພີ່ມຄວາມໄວຂອງອິນເຕີເນັດໃຫ້ສູງຂຶ້ນ ແລະຫຼຸດລາຄາການໃຊ້ອິນເຕີເນັດໃຫ້ຕ່ຳລົງ, ພັດທະນາຂະແໜງການ
ສະມາດ, ເພີ່ມລັກສະ ນະເຕັກນິກສະມາດເຂົ້າໃນຊີວິດການເປັນຢູ່, ສ້າງເຄືອຂ່າຍອິນເຕີເນັດສາຍກວ້າງໄປຮອດທົ່ວ
ຕົວເມືອງແລະ ຊົນນະບົດ, ເປີດກວ້າງຂອບເຂດການໃຊ້ອິນເຕີເນັດໂດຍຟີຢູ່ສະ ຖານທີ່ສາທາລະນະ, ຫຼຸດຄ່າດາຕ້າ
ໃຫ້ຕ່ຳລົງອີກ 30% ເປັນຢ່າງໜ້ອຍພາຍໃນປີນີ້, ເຮັດໃຫ້ປະຊາຊົນແລະ ວິສາຫະກິດໄດ້ຮັບຜົນປະໂຫຍດຕົວຈິງ.
ເລັ່ງລັດການສ້າງເປັນປະເທດເຂັ້ມແຂງດ້ານການຜະລິດ. ດຳເນີນການຍົກສູງຄຸນນະພາບການຜະລິດຢ່າງຮອບດ້ານ,
ຊຸກຍູ້ໃຫ້ປະຕິບັດຕາມມາດຖານກ້າວໜ້າໃນສາກົນ, ສົ່ງເສີມນ້ຳໃຈຈົດຈໍ່ຂອງນາຍຊ່າງ, ເພື່ອສ້າງເປັນການປະຕິວັດ
ດ້ານຄຸນນະພາບການຜະລິດຂອງຈີນ.
ສືບຕໍ່ຕັດຮອນການສະໜອງແບບໂມຄະ. ປີນີ້ຈະຫຼຸດຜ່ອນຄວາມສາມາດການຜະລິດເຫຼັກກ້າໃຫ້ໜ້ອຍລົງອີກ 30 ລ້ານ
ໂຕນ, ຖ່ານຫີນ 150 ລ້ານໂຕນ, ປິດໜ່ວຍຈັກຜະລິດໄຟຟ້າດ້ວຍພະລັງງານຖ່ານຫີນທີ່ມີກຳລັງການຜະລິດຕ່ຳກວ່າ
3 ແສນກິໂລວັດທີ່ບໍ່ໄດ້ຕາມມາດຖານ.
ຫຼຸດອາກອນໃຫ້ວິສາຫະກິດຕື່ມອີກ. ໝົດປີນີ້ ຈະຫຼຸດອາກອນໃຫ້ວິສາຫະກິດແລະສ່ວນບຸກຄົນ 800 ກວ່າຕື້ຢວນ, ຊຸກ
ຍູ້ໃຫ້ເສດຖະກິດຕົວຈິງຫັນປ່ຽນຮູບການພັດທະນາແລະຍົກລະດັບ, ອອກແຮງກະຕຸກຊຸກຍູ້ພະລັງຊີວິດທາງຕະຫຼາດ
ແລະການປະດິດສ້າງຂອງສັງຄົມ.
ຫຼຸດຄວາມແບກຫາບທີ່ບໍ່ແມ່ນອາກອນຂອງວິສາຫະກິດໃຫ້ໜ້ອຍລົງ. ໝົດປີນີ້ຕ້ອງຫຼຸດຄວາມແບກຫາບທີ່ບໍ່ແມ່ນອາກອນ
ໃຫ້ວິສາຫະກິດຕ່າງໆຈຳນວນ 300 ກວ່າຕື້ຢວນ, ຫຼຸດຜ່ອນແຮງກົດດັນຂອງວິສາຫະກິດ, ໂຮມສູນກຳລັງໃນການພັດທະ
ນາ.
2/ ເລັ່ງລັດສ້າງປະເທດແບບປະດິດສ້າງໃໝ່, ເພີ່ມທະວີຄວາມສາມາດການປະດິດສ້າງ ແລະກຳລັງການແຂ່ງຂັນດ້ານ
ເສດຖະກິດຢ່າງບໍ່ຢຸດຢັ້ງ.
ການລົງທຶນດ້ານວິທະຍາສາດເຕັກນິກຂອງປະເທດຕ້ອງອຽງໄປສູ່ຂົງເຂດທີ່ກ່ຽວພັນເຖິງຊີວິການເປັນຢູ່ຂອງປະຊາຊົນ,
ເພີ່ມທະວີການແກ້ໄຂມົນລະພິດອາກາດ, ການປ້ອງກັນແລະປິ່ນປົວພະຍາດໜັກຕ່າງໆເຊັ່ນມະຍາດມະເຮັງເປັນຕົ້ນ,
ເຮັດໃຫ້ວິທະຍາ ສາດເຕັກນັກນຳເອົາຄວາມສຸກໄປໃຫ້ປະຊາຊົນ.
ລົງເລິກການປະຕິຮູບກົນໄກການພັດທະນາຊັບພະຍາກອນມະນຸດ, ສະໜັບສະໜູນວິສາຫະກິດເພີ່ມລາຍຮັບໃຫ້ຊ່າງເຕັກ
ນິກ, ສົ່ງເສີມໃຫ້ຜູ້ທີ່ໄປຮຽນຢູ່ຕ່າງປະເທດນັ້ນ ກັບຄືນປະເທດເພື່ອປະກອບທຸລະກິດດ້ວຍຕົນເອງ, ເປີດຊ່ອງທາງສີຂຽວ
ໃຫ້ແກ່ຜູ່ມີຄວາມຮູ້ຄວາມສາມາດຕ່າງປະເທດໃນການມາເຮັດວຽກຢູ່ຈີນ.
3/ ລົງເລິກການປະຕິຮູບໃນຂົງເຂດສຳຄັນທີ່ມີລັກສະນະພື້ນຖານ, ຖືການປະຕິບັດປະຕິຮູບແລະໄຂປະຕູສູ່ພາຍນອກ
ຄົບຮອບ 40 ເປັນໂອກາດທີ່ສຳຄັນ, ຊຸກຍູ້ໃຫ້ການປະຕິຮູບໄດ້ຮັບການບຸກທະລຸອັນໃໝ່, ປົດປ່ອຍແລະພັດທະນາກຳ
ລັງການຜະລິດຂອງສັງຄົມເລື້ອຍໆ.
ຊຸກຍູ້ໃຫ້ທຶນຂອງລັດຖະບານມີຄວາມເຂັ້ມແຂງຂຶ້ນ, ມີຄຸນນະພາບດີຂຶ້ນແລະມີຂະ ໜາດໃຫຍ່ຂຶ້ນ. ລັດວິສາຫະກິດຕ້ອງ
ຢູ່ແຖວໜ້າແຫ່ງການພັດທະນາດ້ວຍຄຸນນະພາບສູງໂດຍຜ່ານຈາກການປະຕິຮູບແລະປະດິດສ້າງ.
ສະໜັບສະໜູນການພັດທະນາວິສາຫະກິດເອກະຊົນ. ແກ້ໄຂບັນຫາພົ້ນເດັ່ນທີ່ສ່ອງ ແສງໂດຍວິສາຫະກິດເອກະຊົນ
ຢ່າງຕັ້ງໜ້າ, ເດັດດ່ຽວທັບມ້າງກຳແພງທີ່ແຝງຊ້ອນທຸກຢ່າງ, ເຮັດໃຫ້ວິສາຫະກິດເອກະຊົນສາມາດເສີມຂະຫຍາຍທ່າ
ແຮງ ໃນກະແສແຫ່ງເສດ ຖະກິດຕະຫຼາດ.
ປັບປຸງລະບຽບການສິດຊັບສິນແລະກົນໄກແບ່ງປັນປັດໄຈຕ່າງໆເປັນແບບຕະຫຼາດ. ເລັ່ງລັດການປະຕິຮູບຫັນເປັນຕະ
ຫຼາດຂອງລາຄາປັດໄຈຕ່າງໆເຊັ່ນ ເຕັກນິກ ແລະທີ່ດິນເປັນຕົ້ນ, ລົງເລິກການປະຕິຮູບລາຄາຂອງຜະລິດຕະພັນປະ
ເພດຊັບພະຍາກອນ ແລະການບໍລິການສາທາລະນະ, ທັບມ້າງການຜູກຂາດດ້ານການບໍລິຫານ, ປ້ອງກັນການຜູກ
ຂາດແບບຕະຫຼາດ.
ປັບປຸງໂຄງປະກອບອາລະຍະທຳທາງນິເວດ. ປະຕິຮູບແລະປັບປຸງລະບຽບການຄຸ້ມຄອງສິ່ງແວດລ້ອມທຳມະຊາດ,
ເພີ່ມທະວີການຄຸ້ມຄອງຊ່ອງຫວ່າງທຳມະຊາດໂດຍບໍ່ໃຫ້ໃຊ້ໃນທາງທີ່ບໍ່ດີ, ເຜີຍແຜ່ລະບຽບການທົດແທນການທຳລາຍ
ສິ່ງແວດລ້ອມ, ປັບປຸງລະບຽບການທົດແທນດ້ານນິເວດ, ເພື່ອປົກປັກຮັກສາສະພາບແວດລ້ອມທຳມະຊາດດ້ວຍລະ
ບຽບການທີ່ບັງເກີດຜົນກວ່າເກົ່າ.
4/ ເດັດດ່ຽວສູ້ຊົນໃນການແກ້ໄຂ 3 ບັນຫາຍາກໃຫ້ດີ. ໂດຍປິ່ນອ້ອມການສຳເລັດ ໜ້າທີ່ແກ້ໄຂຂໍ້ຍາກປະຈຳປີ,
ຕ້ອງໃຫ້ທຸກຝ່າຍຮູ້ແຈ້ງໜ້າທີ່ຮັບຜິດຊອບຂອງຕົນເອງ, ເພີ່ມທະວີການຄ້ຳປະກັນດ້ານນະໂຍບາຍ ເພື່ອເຮັດວຽກທຸກ
ດ້ານຢ່າງແທ້ຈິງໃຫ້ດີ.
ຊຸກຍູ້ການແກ້ໄຂແລະປ້ອງກັນຄວາມສ່ຽງທີ່ໜັກໜ່ວງນັ້ນ ໃຫ້ໄດ້ຮັບຄວາມຄືບໜ້າຢ່າງເດັ່ນຊັດ. ປີນີ້ ຈະໃຫ້ທ້ອງ
ຖີ່ນຕ່າງໆຈັດວາງພັນທະບັດສະເພາະຈຳນວນ 1350 ຕື້ຢວນ, ເພີ່ມຂຶ້ນຫຼາຍກວ່າປີ 2017 550 ຕື້ຢວນ ເພື່ອ
ສະໜັບສະໜູນໂຄງການທີ່ພວມກໍ່ສ້າງຢູ່ນັ້ນດຳເນີນໄປຢ່າງໜັກແໜ້ນ.
ເພີ່ມທະວີການຫຼຸດຜ່ອນຄວາມທຸກຍາກຢ່າງແມ່ນຢຳ. ປີນີ້ຈະຫຼຸດຜ່ອນປະຊາຊົນຜູ້ທຸກຍາກໃນຊົນນະບົດຈຳນວນ
10 ລ້ານຄົນຂຶ້ນໄປ. ຍຶດໝັ້ນມາດຖານຫຼຸດຜ່ອນ ຄວາມທຸກຍາກທີ່ປະຕິບັດໃນປັດຈຸບັນ, ຮັບປະກັນລະດັບຄວາມ
ຄືບໜ້າແລະຄຸນນະພາບ, ເຮັດໃຫ້ປະຊາຊົນຍອມຮັບຕໍ່ການຫຼຸດຜ່ອນຄວາມທຸກຍາກ, ແລະສາມາດທົນຕໍ່ການສົດ
ສອບຂອງປະຫວັດສາດ.
ຊຸກຍູ້ການປ້ອງກັນແລະແກ້ໄຂມົນລະພິດໃຫ້ໄດ້ຮັບຜົນຢ່າງໃຫຍ່ຫຼວງກວ່າເກົ່າ. ເພີ່ມທະວີການປົກປ້ອງແລະແກ້ໄຂ
ລະບົບນິເວດ, ຂີດແບ່ງເສັ້ນສັນຍານໄພຕ່ຳສຸດໃນການປ້ອງກັນທາງນິເວດ, ສຳເລັດການປູກປ່າ 666 ລ້ານເຮັກ
ຕາຂຶ້ນໄປ, ເປີດກວ້າງຂອບເຂດການປົກປ້ອງ ແລະຟື້ນຟູເນື້ອທີ່ດິນຊຸ່ມ, ຄວບຄຸມການສ້າງດິນແບບຖົມທະເລຢ່າງ
ເຂັ້ມງວດ. ປະຕິບັດກົດໝາຍສິ່ງແວດລ້ອມຢ່າງເຂັ້ມງວດ. ພວກເຮົາຕ້ອງຮ່ວມມືກັນເຄື່ອນໄຫວ, ສ້າງຈີນທີ່ສວຍ
ງາມທີ່ມີທ້ອງຟ້າສີຄາມ ແລະດິນຂຽວນ້ຳໃສ.
5/ ອອກແຮງປະຕິບັດຍຸດທະສາດສ້າງຊົນນະບົດໃຫ້ຈະເລີນ. ຊຸກຍູ້ໃຫ້ກະສິກຳ, ປ່າໄມ້, ການລ້ຽງສັດ, ການປະ
ມົງແລະການບົ່ມເພາະແນວພັນ ມີການພັດທະນາແບບປະດິດສ້າງ, ເຮັດໃຫ້ການຜະລິດທັນຍາຫານມີຄວາມໝັ້ນ
ທ່ຽງແລະໄປໃນທາງດີ. ຈະເພີ່ມດິນປູກຝັງ ທີ່ໄດ້ມາດຖານສູງ 5 ລ້ານ 3 ແສນກວ່າເຮັກຕາ, ເພີ່ມເນື້ອທີ່ລະບາຍ
ນ້ຳເຂົ້ານາແບບປະຢັດນ້ຳ 1 ລ້ານ 3 ແສນກວ່າເຮັກຕາ. ພັດທະນາ "ອິນເຕີເນັດ+ກະສິກຳ", ເພີ່ມລາຍໄດ້
ໃຫ້ຊາວກະສິກອນດ້ວຍຫຼາຍຊ່ອງທາງ.
ລົງເລິກການປະຕິຮູບຊົນນະບົດຢ່າງຮອບດ້ານ. ຈັດຕັ້ງປະຕິບັດນະໂຍບາຍແກ່ຍາວເວລາຮັບເໝົາທີ່ດິນທີ່ໄດ້ໝົດ
ກຳນົດແລ້ວນັ້ນໄປອີກ 30 ປີເທື່ອທີສອງ.
ຊຸກຍູ້ວຽກງານທຸກດ້ານຂອງຊົນນະບົດໃຫ້ພັດທະນາຢ່າງຮອບດ້ານ. ປັບປຸງພື້ນ ຖານໂຄງລ່າງຕ່າງໆເຊັ່ນ ການ
ສະໜອງນ້ຳ, ໄຟຟ້າ ແລະຂໍ້ມູນຂ່າວສານ ເປັນຕົ້ນ, ສ້າງແລະປັບປຸງເສັ້ນທາງຊົນນະບົດ 2 ແສນກິໂລແມັດ.
6/ ຊຸກຍູ້ຍຸດທະສາດໃຫ້ພາກພື້ນຕ່າງໆພັດທະນາຢ່າງປະສານສົມທົບກັນຢ່າງແທ້ ຈິງ. ຫຼຸດຄວາມແຕກໂຕນກັນດ້ານ
ການພັດທະນາລະຫວ່າງຕົວເມືອງກັບຊົນນະບົດ.
ຍົກຄຸນນະພາບຫັນເປັນຕົວເມືອງແບບໃໝ່ໃຫ້ສູງຂຶ້ນ, ເຊິ່ງປີນີ້ຈະໃຫ້ປະຊາຊົນ 13 ລ້ານຄົນເຂົ້າໄປຢູ່ໃນຕົວເມືອງ,
ເລັ່ງລັດໃຫ້ປະຊາຊົນໃນຊົນນະບົດທີ່ເຂົ້າໄປຢູ່ຕົວເມືອງນັ້ນກາຍເປັນປະຊາຊົນຕົວເມືອງ. ແກນກາງຂອງການຫັນ
ເປັນຕົວເມືອງແບບໃໝ່ ແມ່ນຢູ່ນຳຄົນ, ຕ້ອງໃຫ້ການບໍລິການລະອຽດກວ່າເກົ່າ ແລະແທດເໝາະກັບປະຊາຊົນກວ່າ
ເກົ່າ, ເຮັດໃຫ້ທຸກຄົນມີໂອກາດພັດທະນາທີ່ຍຸດຕິທຳ, ເຮັດໃຫ້ປະຊາຊົນ ດຳລົງຊີວິດຢ່າງສະດວກສະບາຍ.
7/ ຕັ້ງໜ້າຊຸກຍູ້ການບໍລິໂພກ ແລະເປີດກວ້າງການລົງທຶນທີ່ບັງເກີດຜົນ. ຊຸກຍູ້ການຈັດຊື້ທາງອິນເຕີເນັດ, ການສົ່ງ
ສິນຄ້າໂດຍດ່ວນໃຫ້ພັດທະນາຢ່າງປອດໃສ. ຕ້ອງລົງ ໂທດຕໍ່ການກະທຳຕ່າງໆທີ່ ລ່ວງລະເມີດສິດທິຜົນປະໂຫຍດ
ຂອງຜູ້ບໍລິໂພກນັ້ນ ຢ່າງເຂັ້ມງວດຕາມກົດໝາຍ.
ປີນີ້ ຕ້ອງສຳເລັດການລົງທຶນໃນດ້ານທາງລົດໄຟຈຳນວນ 732 ຕື້ຢວນ, ທາງຫຼວງແລະທາງນ້ຳຈຳນວນ 1800 ຕື້
ຢວນ, ການລົງທຶນໃສ່ໂຄງການຊົນລະປະທານທີ່ກຳລັງສ້າງສາຢູ່ນັ້ນໃຫ້ບັນລຸ 1000 ຕື້ຢວນ. ຈະສືບຕໍ່ໃຫ້ບຸລິມະ
ສິດແກ່ເຂດພາກກາງແລະພາກຕາເວັນຕົກໃນການສ້າງໂຄງການພື້ນຖານໂຄງລ່າງທີ່ສຳຄັນ. ປະຕິບັດນະໂຍບາຍທີ່
ສົ່ງເສີມໃຫ້ເອກະຊົນໄປລົງທຶນໃສ່ຂົງເຂດທາງລົດໄຟ, ການບິນພົນລະເຮືອນ, ອາຍແກສທຳມະຊາດແລະນ້ຳມັນເຊື້ອ
ໄຟ, ໂທລະຄົມມະນາຄົມແລະອື່ນໆ.
8/ ຊຸກຍູ້ໃຫ້ກໍ່ຕົວເປັນສະຖານະການໃໝ່ແຫ່ງການໄຂປະຕູສູ່ພາຍນອກຢ່າງຮອບ ດ້ານ.
ຊຸກຍູ້ການຮ່ວມມືສາກົນໃນຂອບ ໜຶ່ງແລວໜຶ່ງເສັ້ນທາງ. ຍຶດໝັ້ນການປຶກສາຫາລື ຮ່ວມກັນ, ສ້າງສາຮ່ວມກັນແລະຊົມ
ໃຊ້ຜົນປະໂຫຍດຮ່ວມກັນ, ຜັນຂະຫຍາຍໝາກຜົນທີ່ໄດ້ຮັບໃນກອງປະຊຸມເວທີປຶກສາຫາລືສຸດຍອດການຮ່ວມມືສາກົນ
ໜຶ່ງແລວໜຶ່ງເສັ້ນທາງ. ຊຸກຍູ້ການສ້າງສາເສັ້ນທາງໃຫຍ່ສາກົນ, ລົງເລິກການຮ່ວມມືໃນດ້ານການຜ່ານດ່ານຢູ່ລຽບຕາມ
ເສັ້ນທາງດັ່ງກ່າວ. ເປີດກວ້າງການຮ່ວມມືສາກົນໃນດ້ານຄວາມສາມາດການຜະລິດ, ຊຸກຍູ້ໃຫ້ການຜະລິດໂດຍຈີນ
ແລະການບໍລິການຂອງຈີນ ເດີນໄປສູ່ໂລກ. ປັບປຸງອົງປະກອບການລົງທຶນຕໍ່ຕ່າງປະເທດໃຫ້ດີຂຶ້ນ. ເພີ່ມທະວີການໄຂ
ປະຕູສູ່ພາຍນອກຂອງເຂດພາກຕາເວັນຕົກ, ພາກກາງ ແລະເຂດຊາຍແດນ, ເປີດກວ້າງຊ່ອງຫວ່າງການຮ່ວມມືດ້ານ
ເສດຖະກິດ.
ຊຸກຍູ້ໃຫ້ການລົງທຶນຂອງຕ່າງປະເທດເພີ່ມຂຶ້ນຢ່າງໜັກແໜ້ນ. ສ້າງມາດຖານອະນຸ ມັດເຂົ້າຕະຫຼາດຂອງທະນາຄານທຶນ
ຈີນແລະຕ່າງປະເທດເປັນເອກະພາບກັນ. ເຮັດໃຫ້ ຂັ້ນຕອນການຮ້ອງຂໍສ້າງຕັ້ງວິສາຫະກິດທຶນຕ່າງປະເທດກະທັດຫັດ
ກວ່າເກົ່າ, ເຜີຍແຜ່ບົດຮຽນໃນການສ້າງເຂດການຄ້າເສລີຢ່າງຮອບດ້ານ, ຊອກຄົ້ນການສ້າງທ່າກຳປັ່ນການຄ້າເສລີ
ເພື່ອສ້າງເປັນຂົງເຂດໃໝ່ແຫ່ງການປະຕິຮູບແລະໄຂປະຕູສູ່ພາຍນອກ.
ຮັກສາທ່າອຽງທີ່ດີຂອງການຄ້າຕ່າງປະເທດ. ເປີດກວ້າງການປົກຫຸ້ມຂອງການ ປະ ກັນໄພດ້ານສິນເຊື່ອການຄ້າຂາ
ອອກ, ເຮັດໃຫ້ເວລາຜ່ານດ່ານຫຼຸດໜ້ອຍລົງ 1/3 ໂດຍ ລວມ.
ຊຸກຍູ້ການຄ້າແລະການລົງທຶນເປັນແບບເສລີແລະສະດວກ. ຈີນເດັດດ່ຽວຊຸກຍູ້ເສດ ຖະກິດໂລກາພິວັດ, ປົກປັກຮັກ
ສາການຄ້າເສລີ, ຍິນດີຮ່ວມກັບຝ່າຍທີ່ກ່ຽວຂ້ອງຊຸກຍູ້ຂະ ບວນການເຈລະຈາການຄ້າຫຼາຍຝ່າຍ, ສຳເລັດການເຈລະ
ຈາກ່ຽວກັບສັນຍາການພົວພັນຄູ່ເສດຖະກິດຮອບດ້ານໃນພາກພື້ນໂດຍໄວ, ເລັ່ງລັດການສ້າງເຂດການຄ້າເສລີອາຊີ
ປາຊີຟິກແລະປະຊາຄົມເສດຖະກິດອາຊີຕາເວັນອອກ. ຈີນມີຄຳເຫັນໃຫ້ແກ້ໄຂຄວມຂັດແຍ້ງກັນດ້ານການຄ້າດ້ວຍ
ການເຈລະຈາຢ່າງສະເໝີພາບກັນ, ຄັດຄ້ານລັດທິປົກປ້ອງການຄ້າ, ເດັດດ່ຽວປົກປັກຮັກສາສິດທິຜົນປະໂຫຍດທີ່
ຊອບດ້ວຍກົດໝາຍຂອງຕົນເອງ.
9/ ຍົກສູງການຄ້ຳປະກັນ ແລະ ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ. ຕ້ອງປັບປຸງກົນໄກປຶກສາຫາລື
ກ່ຽວກັບການພົວພັນແຮງງານໃຫ້ຄົບຖ້ວນສົມບູນ, ລຶບ ລ້າງການຈຳແນກດູໝິ່ນເພດແລະຖານະ, ເຮັດໃຫ້ການປະ
ກອບອາຊີບທີ່ຍຸດຕິທຳແລະເຕັມສ່ວນກວ່າເກົ່າ ກາຍເປັນຈຸດຮຸ່ງພົ້ນເດັ່ນໃນການພັດທະນາຂອງປະເທດພວກເຮົາ.
ຍົກລະດັບລາຍຮັບຂອງປະຊາຊົນໃຫ້ສູງຂຶ້ນຢ່າງໜັກແໜ້ນ. ຍົກມາດຖານເກັບອາກອນລາຍໄດ້ສ່ວນບຸກຄົນໃຫ້ສູງ
ຂຶ້ນ.
ພັດທະນາການສຶກສາທີ່ຍຸດຕິທຳແລະມີຄຸນນະພາບສູງ. ຊຸກຍູ້ການສຶກສາພາກບັງ ຄັບໃນຕົວເມືອງແລະຊົນນະບົດ
ໃຫ້ພັດທະນາເປັນອັນໜຶ່ງອັນດຽວກັນ, ການລົງທຶນດ້ານ ການສຶກສາສືບຕໍ່ໃຫ້ບຸລິມະສິດແກ່ເຂດທຸກຍາກແລະຂອດ
ອ່ອນແອ. ຕ້ອງພັດທະນາການສຶກສາທີ່ປະຊາຊົນພໍໃຈ, ເຮັດໃຫ້ທຸກຄົນສາມາດປ່ຽນແປງຊາຕາກຳຂອງຕົນເອງ,
ບັນລຸຄວາມຝັນຂອງຕົນເອງໃຫ້ເປັນຈິງໂດຍຜ່ານການຮັບການສຶກສາທີ່ຍຸດຕິທຳ.
ປະຕິບັດຍຸດທະສາດຈີນທີ່ມີສຸຂານາໄມ. ຍົກລະດັບຄ້ຳປະກັນຂອງການປະກັນໄພ ປິ່ນປົວພະຍາດພື້ນຖານແລະການ
ປະກັນໄພປິ່ນປົວພະຍາດຮ້າຍແຮງ. ເປີດກວ້າງຂອບ ເຂດຊຳລະຄ່າປິ່ນປົວພະຍາດຂ້າມແຂວງ. ເຮັດວຽກກະກຽມ
ງານມະຫະກຳກິລາໂອລິມປິກລະດູໜາວ ແລະງານມະຫະກຳກິລາໂອລິມປິກຄົນພິການລະດູໜາວປັກກິ່ງໃຫ້ດີ, ເພີ່ມ
ສະຖານທີ່ແລະສິ່ງກໍ່ສ້າງຫັດກາຍບໍລິຫານໃຫ້ປະຊາຊົນໃຫ້ຫຼາຍຂຶ້ນດ້ວຍຫຼາຍຊ່ອງທາງ.
ເພີ່ມທະວີການຄ້ຳປະກັນຊີວິດການເປັນຢູ່ພື້ນຖານ. ຍົກລະດັບຄ່າປະກັນຊີວິດຕ່ຳ ສຸດໃນຕົວເມືອງແລະຊົນນະບົດ,
ການຊ່ວຍເຫຼືອທາງສັງຄົມ ແລະການຊົດເຊີຍຕ່າງໆ ຢ່າງໜັກແໜ້ນ. ສ້າງລະບຽບການຊ່ວຍເຫຼືອທາງສັງຄົມໃຫ້ຄົບ
ຖ້ວນສົມບູນ, ສະໜັບສະ ໜູນການພັດທະນາວຽກງານກຸສົນແລະສາທາລະນະປະໂຫຍດ, ເຮັດໃຫ້ທຸກຄົນທີ່ຢູ່ໃນ
ສະພາບທຸກຍາກນັ້ນໄດ້ຮັບຄວາມເອົາໃຈໃສ່ແລະຄວາມອົບອຸ່ນຈາກສັງຄົມ.
ຕ້ອງອຳນວຍອາຫານດ້ານຈິດໃຈຢ່າງອຸດົມສົມບູນໃຫ້ແກ່ປະຊາຊົນເພື່ອໃຫ້ມີຊີວິດການເປັນຢູ່ທີ່ດີງາມ. ລົງເລິກປະຕິ
ບັດໂຄງການວັດທະນະທຳ, ສ້າງຂະແໜງການວັດ ທະນະທຳແບບໃໝ່. ລົງເລິກການແລກປ່ຽນດ້ານວັດທະນະທຳ
ລະຫວ່າງຈີນ ກັບປະເທດຕ່າງໆ. ພວກເຮົາຕ້ອງໂຮມສູນກຳລັງດ້ານຈິດໃຈອັນແຂງແຮງ ເພື່ອບັນລຸການໃຫ້ປະຊາ
ຊາດຈີນຟື້ນຟູຄວາມຈະເລີນຮຸ່ງເຮືອງຄືນໃໝ່ດ້ວຍວັດທະນະທຳສັງຄົມນິຍົມທີ່ມີສີສັນພິເສດຂອງຈີນ.
ບັນດາຜູ້ແທນ!
ເມື່ອເຂົ້າສູ່ຍຸກໃໝ່, ວຽກງານຂອງລັດຖະບານກໍ່ຕ້ອງມີບັນຍາກາດອັນໃໝ່ ແລະມີ ການກະທຳອັນໃໝ່. ຕ້ອງມີ 4
ສະຕິຢ່າງໝັ້ນແກ່ນ, ຍຶດໝັ້ນ 4 ໝັ້ນໃຈຕໍ່ຕົນເອງ, ເດັດດ່ຽວປົກປັກຮັກສາຖານະແກນກາງຂອງເລຂາທິການໃຫຍ່
ສີຈິ້ນຜິງ, ເດັດດ່ຽວປົກປັກຮັກສາບົດບາດອິທິພົນແລະການນຳພາແບບລວມສູນເປັນເອກະພາບກັນຂອງສູນກາງພັກ,
ຜັນຂະຫຍາຍຄວາມຮຽກຮ້ອງຕ້ອງການໃນການປົກຄອງພັກຢ່າງເຂັ້ມງວດຮອບດ້ານ, ເພີ່ມທະວີການສ້າງສາຕົນເອງ
ຂອງລັດຖະບານ, ລົງເລິກຊຸກຍູ້ການຫັນປ່ຽນພາລະບົດບາດຂອງລັດຖະບານ, ໃຫ້ການບໍລິການທີ່ດີແລະມີປະສິດທິ
ພາບສູງແກ່ປະຊາຊົນ.
ຊຸກຍູ້ການບໍລິຫານຕາມລັດຖະທຳມະນູນຢ່າງຮອບດ້ານ. ຊຸກຍູ້ການເປີດເຜີຍວຽກ ງານລັດຖະບານຢ່າງຮອບດ້ານ,
ຂໍແຕ່ວ່າແມ່ນວຽກງານສຳຄັນທີ່ກ່ຽວພັນເຖິງຜົນປະໂຫຍດຂອງມວນຊົນ, ກໍ່ຕ້ອງລົງເລິກຮັບຟັງຄຳເຫັນຈາກທຸກຝ່າຍ
ເຊິ່ງລວມທັງຄຳຕຳນິ. ວຽກງານທຸກດ້ານຂອງລັດຖະບານປະຊາຊົນຕ້ອງສະແດງໃຫ້ເຫັນເຖິງຄວາມປາຖະໜາຂອງ
ປະຊາຊົນທັງນັ້ນ. ເຮັດໄດ້ດີຫຼືບໍດີ ຕ້ອງເບິ່ງຜົນຕົວຈິງ, ຕ້ອງໃຫ້ປະຊາຊົນມາ ເປັນຜູ້ຕັດສິນສຸດທ້າຍ.
ເພີ່ມທະວີການສ້າງສາແບບແຜນພັກແລະການບໍລິຫານຢ່າງປອດໃສຂາວສະອາດຢ່າງຮອບດ້ານ. ເຮັດໃຫ້ສະພາບ
ການທີ່ການຕໍ່ສູ້ຕ້ານການສໍ້ລາດບັງຫຼວງໄດ້ຮັບໄຊຊະນະຮອບດ້ານນັ້ນ ມີຄວາມໝັ້ນຄົງ.
ຍົກສະມັດຕະພາບຂອງລັດຖະບານໃຫ້ສູງຂຶ້ນຮອບດ້ານ. ສ້າງລະບົບການບໍລິຫານຂອງລັດຖະບານທີ່ມີພາລະໜ້າທີ່
ຢ່າງຈະແຈ້ງ ແລະບໍລິຫານຕາມກົດໝາຍ; ເພີ່ມທະວີຄວາມໜ້າເຊື່ອຖື ແລະຄວາມສາມາດໃນການປະຕິບັດງານ
ຂອງລັດຖະບານ.
ບັນດາຜູ້ແທນ!
ປະຊາຊາດຈີນແມ່ນມະຫາຄອບຄົວທີ່ຖືກຕ້ອງປອງດອງກັນ ແລະສາມັກຄີກັນ ມີຄວາມອົບອຸ່ນດີ, ພວກເຮົາຕ້ອງຍຶດ
ໝັ້ນແລະບູລະນະລະບຽບການເຂດຊົນເຜົ່າປົກຄອງຕົນເອງ, ປະຕິບັດຕາມນະໂຍບາຍຊົນເຜົ່າຂອງພັກຢ່າງຮອບ
ດ້ານ. ເພີ່ມທະວີການ ແລກປ່ຽນແລະເຊື່ອມໂຍງເຂົ້າກັນລະຫວ່າງຊົນເຜົ່າຕ່າງໆ, ເຮັດໃຫ້ປະຊາຄົມປະຊາຊາດ
ຈີນມີພື້ນຖານທີ່ໜັກແໜ້ນກວ່າເກົ່າ ແລະມີສາຍພານທີ່ໝັ້ນແກ່ນກວ່າເກົ່າ.
ພວກເຮົາຕ້ອງຜັນຂະຫຍາຍທິດທາງພື້ນຖານກ່ຽວກັບວຽກງານສາສະໜາຂອງພັກຢ່າງຮອບດ້ານ, ຍຶດໝັ້ນສາສະໜາ
ຈີນຫັນເປັນຈີນ, ເສີມຂະຫຍາຍບົດບາດທີ່ດີຂອງບຸກຄົນໃນວົງການສາສະໜາແລະສາສະນິກະຊົນໃນການຊຸກຍູ້ກາ
ນພັດທະນາເສດຖະກິດສັງຄົມ.
ພວກເຮົາຕ້ອງຕັ້ງໜ້າປະຕິບັດນະໂຍບາຍກ່ຽວກັບຊາວຈີນຕ່າງດ້າວ, ສົ່ງເສີມໃຫ້ ລູກຫຼານປະຊາຊາດຈີນທີ່ຢູ່ພາຍ
ໃນແລະຕ່າງປະເທດເປັນຈິດໜຶ່ງໃຈດຽວກັນບາກບັ່ນສູ້ ຊົນ, ສ້າງຄວາມຮຸ່ງເຮືອງນຳກັນ.
ຈີນກັບປະເທດຕ່າງໆໃນໂລກນີ້ມີການພົວພັນດ້ານການພັດທະນາຢ່າງແໜ້ນແຟ້ນ, ມີໂຊກຊາຕາກຳທີ່ຕິດພັນກັນ.
ພວກເຮົາຈະເດີນຕາມເສັ້ນທາງພັດທະນາໂດຍສັນຕິຢ່າງສະເໝີຕົ້ນສະເໝີປາຍ, ຊຸກຍູ້ການສ້າງການພົວພັນສາກົນ
ແບບໃໝ່. ຕັ້ງໜ້າເຂົ້າຮ່ວມການປະຕິຮູບແລະແກ້ໄຂການບໍລິຫານທົ່ວໂລກ, ສຸມໃສ່ການສ້າງເສດຖະກິດໂລກແບບ
ໄຂປະຕູ. ຊຸກຍູ້ໃຫ້ບັນດາປະເທດໃຫຍ່ປະສານຮ່ວມມືກັນ, ລົງເລິກໄມຕີຈິດຖານບ້ານໃກ້ເຮືອນຄຽງແລະການພັດ
ທະນາຮ່ວມກັນກັບບັນດາປະເທດຢູ່ອ້ອມຂ້າງ, ເພີ່ມທະວີຄວາມສາມັກຄີແລະຮ່ວມມືກັບບັນດາປະເທດທີ່ພວມພັດ
ທະນາ. ຈັດກອງປະຊຸມປະຈຳປີຂອງເວທີປຶກສາຫາລືອາຊີໂປອາວ, ກອງປະຊຸມສຸດຍອດອົງການຮ່ວມມືຊຽງໄຮ,
ກອງປະຊຸມສຸດຍອດຂອງເວທີປຶກສາຫາລືການຮ່ວມມືຈີນ-ອາຝລີກາແລະ ກິດກຳການຕ່າງປະເທດຕ່າງໆໃຫ້ດີ.
ສືບຕໍ່ເສີມຂະຫຍາຍບົດບາດຂອງປະເທດໃຫຍ່ທີ່ມີຄວາມຮັບຜິດຊອບໃນການແກ້ໄຂບັນຫາຈຸດສຸມທັງສາກົນແລະ
ພາກພື້ນ. ປັບປຸງລະບົບຄ້ຳປະກັນຄວາມປອດໄພຂອງຜົນປະໂຫຍດຢູ່ຕ່າງປະເທດໃຫ້ສົມບູນ. ຈີນຍິນດີຮ່ວມກັບ
ປະເທດຕ່າງໆ ທຳຄວາມພະຍາຍາມຢ່າງບໍ່ລົດລະເພື່ອສ້າງປະຊາຄົມຮ່ວມຊາຕາກຳຂອງທົ່ວມວນມະນຸດ.