ຕາມຂ່າວ CRI: ວັນທີ 5 ມີນານີ້ໃນໂອກາດໃຫ້ສຳພາດຕໍ່ນັກຂ່າວຢູ່ "ຊ່ອງທາງລັດຖະມົນຕີ" ຂອງກອງປະຊຸມສະພາປະຊາຊົນແຫ່ງຊາດຈີນປະຈຳປີ, ທ່ານຈົ່ງຊານ ລັດຖະມົນຕີກະຊວງການຄ້າຈີນກ່າວວ່າ, ຈີນຈະສ້າງພາບພົດໃໝ່ດ້ານຄຸນນະພາບແລະຍີ່ຫໍ້ຂອງຜະລິດຕະພັນຈີນ.
ທ່ານຈົ່ງຊານ ກ່າວວ່າ, ປີ 2017 ຜ່ານມາການພັດທະນາການຄ້າຕໍ່ຕ່າງປະເທດຂອງຈີນໄດ້ມີຄວາມກ້າວໜ້າບົນພື້ນຖານຄວາມໝັ້ນທ່ຽງ, ດີກວ່າການຄາດໝາຍລ່ວງໜ້າ, ຕົ້ນຕໍໄດ້ສະແດງອອກໃນ 3 ດ້ານຄື:
"ໜຶ່ງ, ຄວາມໄວການເຕີບໂຕຂອງການຄ້າໄວກວ່າເກົ່າ, ປີຜ່ານມາຍອດມູນຄ່າຂາເຂົ້າຂາອອກຂອງຈີນເພີ່ມຂຶ້ນ 14,2%. ສອງ, ຄຸນນະພາບຂອງການພັດທະນາການຄ້າຕໍ່ຕ່າງປະເທດດີຂຶ້ນ, ສຳລັບປີຜ່ານມາແລ້ວ, ການສົ່ງອອກສິນຄ້າທີ່ມີເຕັກນິກສູງໄດ້ກວມຍອດມູນຄ່າການສົ່ງອອກຂອງຈີນປະມານ 30%, ສາມ, ການພັດທະນາການຄ້າຕໍ່ຕ່າງປະເທດມີທ່າແຮງເພີ່ມຂຶ້ນ, ຈີນໄດ້ສ້າງວິສາຫະກິດງວດໜຶ່ງທີ່ປະດິດສ້າງໃໝ່ດ້ານເຕັກນິກ, ລະບຽບການແລະການຄຸ້ມຄອງ".
ທ່ານຈົ່ງຊານກ່າວວ່າ, ປີ 2018, ຈີນຈະສ້າງທັດສະນະຄະຕິການພັດທະນາໃໝ່, ຊຸກຍູ້ການພັດທະນາທີ່ມີຄຸນນະພາບສູງ, ສ້າງພາບພົດໃໝ່ດ້ານຄຸນນະພາບແລະຍີ່ຫໍ້ຂອງຜະລິດຕະພັນຈີນໃນການຄ້າຕໍ່ຕ່າງປະເທດ, ພະຍາຍາມຊຸກຍູ້ການສ້າງປະເທດຈີນເປັນປະເທດເຂັ້ມແຂງດ້ານການຄ້າຕໍ່ຕ່າງປະເທດ.
 |
