ກອງປະຊຸມຄັ້ງທຳອິດຂອງສະພາປະຊາຊົນແຫ່ງຊາດຈີນຊຸດທີ 13 ໄຂຂຶ້ນຢູ່ນະຄອນຫຼວງປັກກິ່ງ ໃນຕອນເຊົ້າວັນທີ 5 ມີນານີ້ ໂດຍທ່ານສີຈິ້ນ
ຜິງ ປະທານປະເທດຈີນ ພ້ອມດ້ວຍຜູ້ນຳພັກແລະລັດທ່ານອື່ນໆ ເຂົ້າຮ່ວມ.
ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ຂຶ້ນຜ່ານບົດລາຍງານວຽກງານລັດຖະບານຕໍ່ກອງປະຊຸມ ໂດຍກ່າວວ່າ, ຕະຫຼອດໄລຍະ 5 ປີມານີ້, ກຳ
ລັງຕົວຈິງດ້ານເສດຖະກິດໄດ້ຂຶ້ນສູ່ລະດັບໃໝ່. ລວມຍອດຜະລິດຕະພັນພາຍໃນ ໄດ້ຈາກ 54000 ຕື້ຢວນເພີ່ມຂຶ້ນເປັນ 82700 ຕື້ຢວນ,
ສະເລ່ຍແລ້ວເພີ່ມຂຶ້ນ 7,1% ຕໍ່ປີ, ມາດຕາສ່ວນກວມເສດຖະກິດໂລກໄດ້ຈາກ 11,4% ຂຶ້ນເຖິງປະມານ 15%, ອັດຕາປະກອບສ່ວນຕໍ່ການ
ເຕີບໂຕຂອງເສດຖະກິດໂລກ ໄດ້ຫຼາຍກວ່າ 30%. ລາຄາສິນຄ້າບໍລິໂພກຂອງພົນລະເມືອງເພີ່ມຂຶ້ນ 1,9% ຕໍ່ປີ ອັນໄດ້ຮັກສາລະດັບອ່າວ
ຕ່ຳ. ການປະກອບອາຊີບໃນຕົວເມືອງທີ່ເພີ່ມໃໝ່ບັນລຸຫຼາຍກວ່າ 66 ລ້ານຄົນ, ເຮັດໃຫ້ປະເທດໃຫຍ່ທີ່ມີ 1 ຕື້ 300 ກວ່າລ້ານຄົນໄດ້ບັນ
ລຸການປະກອບອາຊີບຢ່າງເຕັມສ່ວນສົມຄວນ.
ໃນປີ 2017 ທີ່ຫາກໍ່ຜ່ານໄປ, ໜ້າທີ່ເປົ້າໝາຍຕົ້ນຕໍໃນການພັດທະນາເສດຖະກິດ ສັງຄົມໄດ້ສຳເລັດຢ່າງຮອບດ້ານ ແລະໄດ້ຮັບຜົນທີ່ດີກວ່າ
ການຄາດໄວ້. ອັດຕາເຕີບໂຕ ຂອງ GDP ບັນລຸ 6,9%, ລາຍຮັບຂອງປະຊາຊົນເພີ່ມຂຶ້ນ 7,3% ເຊິ່ງລ້ວນແຕ່ສູງກວ່າປີ 2016; ການປະກອບ
ອາຊີບທີ່ເພີ່ມໃໝ່ໃນຕົວເມືອງບັນລຸ 13 ລ້ານ 5 ແສນ 1 ໝື່ນຄົນ, ອັດຕາວ່າງງານຕ່ຳກວ່າຫຼາຍປີທີ່ຜ່ນມາ; ຄວາມໄວການເຕີບໂຕຂອງອຸສາ
ຫະກຳສູງຂຶ້ນ, ກຳໄລຂອງວິສາຫະກິດເພີ່ມຂຶ້ນ 21%; ລາຍໄດ້ດ້ານການເງິນເພີ່ມຂຶ້ນ 7,4%, ອັນໄດ້ປ່ຽນແປງສະພາບການທີ່ຄວາມໄວເຕີບໂຕ
ຊ້າລົງ; ການຄ້າຂາເຂົ້າຂາອອກເພີ່ມຂຶ້ນ 14,2%, ນຳໃຊ້ທຶນຕ່າງປະເທດໃນຕົວເມືອງບັນລຸ 136 ຕື້ 300 ລ້ານໂດລາສະຫະລັດ, ສ້າງສະຖິຕິ
ສູງສຸດໃນປະຫວັດສາດ. ການພັດທະນາຂອງເສດຖະກິດ ໄດ້ເກີດມີສະພາບການທີ່ການເຕີບໂຕ ກັບຄຸນນະພາບ, ອົງປະກອບ ແລະປະສິດ
ທິຜົນໄປພ້ອມກັນ.
ໃນເວລາຜ່ານບົດລາຍງານ, ທ່ານຫຼີເຄີ້ສຽງຍັງໄດ້ວາງຂໍ້ສະເໜີຫຼາຍຂໍ້ຕໍ່ວຽກງານລັດຖະບານໃນປີ 2018 ຄື: ລົງເລິກຊຸກຍູ້ການປະຕິຮູບອົງປະ
ກອບດ້ານການສະໜອງ, ເລັ່ງລັດສ້າງປະເທດແບບປະດິດສ້າງໃໝ່, ເພີ່ມທະວີຄວາມສາມາດການປະດິດສ້າງ ແລະກຳລັງການແຂ່ງຂັນດ້ານ
ເສດຖະກິດຢ່າງບໍ່ຢຸດຢັ້ງ, ລົງເລິກການປະຕິຮູບໃນຂົງເຂດສຳຄັນທີ່ມີລັກສະນະພື້ນຖານ, ຖືການປະຕິບັດປະຕິຮູບແລະໄຂປະຕູສູ່ພາຍນອກຄົບ
ຮອບ 40 ເປັນໂອກາດທີ່ສຳຄັນ, ຊຸກຍູ້ໃຫ້ການປະຕິຮູບໄດ້ຮັບການບຸກທະລຸອັນໃໝ່, ປົດປ່ອຍແລະພັດທະນາກຳລັງການຜະລິດຂອງສັງຄົມ
ເລື້ອຍໆ, ເດັດດ່ຽວສູ້ຊົນໃນການແກ້ໄຂ 3 ບັນຫາຍາກໃຫ້ດີ. ໂດຍປິ່ນອ້ອມການສຳເລັດ ໜ້າທີ່ແກ້ໄຂຂໍ້ຍາກປະຈຳປີ, ຕ້ອງໃຫ້ທຸກຝ່າຍຮູ້ແຈ້ງ
ໜ້າທີ່ຮັບຜິດຊອບຂອງຕົນເອງ, ເພີ່ມທະວີການຄ້ຳປະກັນດ້ານນະໂຍບາຍ ເພື່ອເຮັດວຽກທຸກດ້ານຢ່າງແທ້ຈິງໃຫ້ດີ, ອອກແຮງປະຕິບັດຍຸດທະ
ສາດສ້າງຊົນນະບົດໃຫ້ຈະເລີນ. ຊຸກຍູ້ຍຸດທະສາດໃຫ້ພາກພື້ນຕ່າງໆພັດທະນາຢ່າງປະສານສົມທົບກັນຢ່າງແທ້ ຈິງ. ຫຼຸດຄວາມແຕກໂຕນກັນ
ດ້ານການພັດທະນາລະຫວ່າງຕົວເມືອງກັບຊົນນະບົດ, ຕັ້ງໜ້າຊຸກຍູ້ການບໍລິໂພກ ແລະເປີດກວ້າງການລົງທຶນທີ່ບັງເກີດຜົນ. ຊຸກຍູ້ການຈັດຊື້
ທາງອິນເຕີເນັດ, ການສົ່ງສິນຄ້າໂດຍດ່ວນໃຫ້ພັດທະນາຢ່າງປອດໃສ. ຕ້ອງລົງ ໂທດຕໍ່ການກະທຳຕ່າງໆທີ່ ລ່ວງລະເມີດສິດທິຜົນປະໂຫຍດ
ຂອງຜູ້ບໍລິໂພກນັ້ນ ຢ່າງເຂັ້ມງວດຕາມກົດໝາຍ, ຊຸກຍູ້ໃຫ້ກໍ່ຕົວເປັນສະຖານະການໃໝ່ແຫ່ງການໄຂປະຕູສູ່ພາຍນອກຢ່າງຮອບ ດ້ານ, ຍົກສູງ
ການຄ້ຳປະກັນ ແລະ ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ທ່ານຫວາງເສີນ ຮອງປະທານ ທັງເປັນເລຂາທິການໃຫຍ່ຄະນະປະຈຳສະພາປະຊາຊົນແຫ່ງຊາດຊຸດທີ 12 ໄດ້ຕາງໜ້າຄະນະປະຈຳສະພາປະ
ຊາຊົນແຫ່ງຊາດຂຶ້ນສະເໜີຮ່າງລັດຖະທຳມະນູນສະບັບປັບປຸງຕໍ່ກອງປະຊຸມ.
ນີ້ແມ່ນອົງການອຳນາດສູງສຸດຈີນຊຸດໃໝ່ໄຂກອງປະຊຸມເປັນຄັ້ງທຳອິດຫຼັງກອງປະຊຸມຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19. ຕາມ
ວາລະກອງປະຊຸມ, ກອງປະຊຸມຄັ້ງທຳອິດຂອງສະພາປະຊາຊົນແຫ່ງຊາດຊຸດທີ 13 ນອກຈາກຈະຄົ້ນຄວ້າພິຈາລະນາບົດລາຍງານວຽກງານລັດ
ຖະບານ, ບົດລາຍງານວຽກງານຄະນະປະຈຳສະພາປະຊາຊົນແຫ່ງຊາດ, ບົດລາຍງານວຽກງານສານປະຊາຊົນສູງສຸດ ແລະ ບົດລາຍງານວຽກ
ງານໄອຍະການປະຊາຊົນສູງສຸດແລ້ວ, ຍັງຈະຄົ້ນຄວ້າພິຈາລະນາຮ່າງລັດຖະທຳມະນູນສະບັບປັບປຸງ, ຮ່າງກົດໝາຍວ່າດ້ວຍການກວດກາລັດ
ຖະບານ ພ້ອມດ້ວຍແຜນການປະຕິຮູບອົງການລັດຖະບານ ແລະອື່ນໆ ທັງເລືອກຕັ້ງ ແລະ ຕົກລົງແຕ່ງຕັ້ງຜູ້ນຳອົງການລັດຖະບານຊຸດໃໝ່
ອີກດ້ວຍ.
 |
