ກ່ອນໄຂກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນ ເຊິ່ງເປັນອົງການອຳນາດສູງສຸດຂອງຈີນ, ຊ່ອງທາງສຳລັບຜູ້ແທນສະພາປະຊາຊົນແຫ່ງຊາດ ໄດ້ເປີດເປັນຄັ້ງທຳອິດຢູ່ຫໍສະພາປະຊາຊົນນະຄອນຫຼວງປັກກິ່ງໃນຕອນເຊົ້າວັນທີ 5 ມີນານີ້. ຜູ້ແທນສະພາປະຊາຊົນແຫ່ງຊາດ 10 ທ່ານຄື: ທ່ານ ມາຮວ້າເທິງ CEO ຂອງບໍລິສັດເທັນເຊັນທ໌, ທ່ານ ວາງຢ້າພິງ ນັກບິນອະວະກາດ, ທ່ານ ກົ່ວຢຸ້ຍ ຜູ້ຊ່ຽວຊານດ້ານສີມືຄົນທຳອິດຂອງບໍລິສັດ CRRC, ທ່ານນາງ ກົ່ວເຟີ້ງລຽນ ເລຂາຮາກຖານພັກບ້ານຕ້າຈ້າຍ, ທ່ານນາງ ໂຈຊ່ຽງຢູນ ຊາວບ້ານຈາກເຂດຈິງກ່າງຊ່ານ ແລະທ່ານອື່ນໆໄດ້ໃຫ້ສຳພາດຕໍ່ນັກຂ່າວຈີນແລະຕ່າງປະເທດ.
ນີ້ແມ່ນເທື່ອທຳອິດໃນປະຫວັດສາດກອງປະຊຸມຜູ້ແທນສະພາປະຊາຊົນແຫ່ງຊາດ ທີ່ຜູ້ແທນສະພາປະຊາຊົນໃຫ້ສຳພາດຢູ່ຊ່ອງທາງສະເພາະ. ຈາກນີ້ ສື່ມວນຊົນຈີນແລະຕ່າງປະເທດເຫັນວ່າ, ຈີນພວມໄຂປ່ອງຢ້ຽມຫຼາຍກວ່າເກົ່າດ້ວຍທ່າທາງທີ່ເປີດປະຕູກວ່າເກົ່າແລະໝັ້ນໃຈຕໍ່ຕົນເອງກວ່າເກົ່າ.
ຂະນະດຽວກັນ, ໃນໄລຍະໄຂກອງປະຊຸມສອງສະພາປີນີ້ ກໍຈະເປີດຊ່ອງທາງສະມາຊິກສະພາປຶກສາການເມືອງປະຊາຊົນແຫ່ງຊາດຈີນເປັນຄັ້ງທຳອິດ, ນອກນັ້ນ, ຊ່ອງທາງລັດຖະມົນຕີທີ່ໄດ້ປະຕິບັດມາຫຼາຍປີແລ້ວນັ້ນ ກໍຈະສືບຕໍ່ກັນໄປ.
 |
