(ທ່ານສີຈິ້ນຜິງເນັ້ນຊຸກຍູ້ການພັດທະນາເສດຖະກິດຢ່າງມີຄຸນນະພາບສູງແລະແກ້ໄຂບັນຫາຍາກໃນການຫຼຸດຜ່ອນຄວາມທຸກຍາກ)
ກອງປະຊຸມຄັ້ງທຳອິດຂອງສະພາປະຊາຊົນແຫ່ງຊາດຈີນຊຸດທີ 13 ໄດ້ໄຂຂຶ້ນໃນວັນທີ 5 ມີນານີ້, ມື້ດຽວກັນ, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດ ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມປຶກສາຫາລືກັບຄະນະຜູ້ແທນເຂດປົກຄອງຕົນເອງມົງໂກໃນ.
ໃນເວລາຮັບຟັງການປະກອບຄຳເຫັນຂອງຜູ້ແທນມົງໂກໃນກ່ຽວກັບບັນຫາຕ່າງໆເຊັ່ນ: ການເດີນຕາມເສັ້ນທາງສ້າງຊົນນະບົດໃຫ້ຈະເລີນໃນຍຸກໃໝ່, ສ້າງຂະແໜງການການທ່ອງທ່ຽວທີ່ເປັນມິດກັບສິ່ງແວດລ້ອມ, ຍາດເອົາໄຊຊະນະໃນການແກ້ໄຂບັນຫາຍາກຕ່າງໆໃນການຫຼຸດຜ່ອນຄວາມທຸກຍາກໃຫ້ຖືກຕ້ອງຕາມເປົ້າໝາຍ, ທ່ານສີຈິ້ນຜິງເນັ້ນວ່າ, "ຕ້ອງເອົາການແກ້ຂໍ້ຍາກໃນການຫຼຸດຜ່ອນຄວາມທຸກຍາກປະສານສົມທົບກັບການປະຕິບັດຍຸດທະສາດສ້າງຊົນນະບົດໃຫ້ຈະເລີນ, ຊຸກຍູ້ໃຫ້ບ້ານຊົນນະບົດມີຄວາມຈະເລີນດ້ານການລ້ຽງສັດ, ມີສະພາບແວດລ້ອມທີ່ໜ້າຢູ່, ມີສີວິໄລວັດທະນະທຳຊົນນະບົດ, ສຳເລັດຜົນໃນການປັບປຸງ, ແລະປະຊາອົນມີຊີວິດການເປັນຢູ່ທີ່ຮັ່ງມີ, ຕ້ອງສ້າງບ້ານເພິ່ງພາອາໃສຂອງຊາວກະສິກອນ ແລະຊາວລ້ຽງສັດອັນໄພສານໃຫ້ດີຮອບດ້ານ. ຕ້ອງດຳເນີນການແກ້ໄຂບັນຫາສໍ້ລາດບັງຫຼວງແລະບັນຫາແບບແຜນເຮັດວຽກແລະການດຳລົງຊີວິດທີ່ເກີດຂຶ້ນຢູ່ໃນຂົງເຂດຫຼຸດຜ່ອນຄວາມທຸກຍາກ, ເພີ່ມທະວີການຄຸ້ມຄອງງົບປະມານຫຼຸດຜ່ອນຄວາມທຸກຍາກ, ຕ້ອງລົງໂທດຢ່າງເຂັ້ມງວດຕໍ່ບຸກຄົນທີ່ສໍ້ລາດບັງຫຼວງ ຫຼືກິນສິນບົນຕໍ່ງົບປະມານຊ່ວຍເຫຼືອຄວາມທຸກຍາກ."
