ເອກອັກຄະລັດຖະທູດເນປານກ່າວວ່າສາມາດໄດ້ຮັບຜົນປະໂຫຍດຈາກການພັດທະນາຂອງຈີນ

ວັນທີ 5 ມີນານີ້, ທ່ານ ລີລາ ມານີ ປາວດີອັນ ເອກອັກຄະລັດທູດເນປານປະຈຳຈີນໄດ້ໃຫ້ສຳພາດຕໍ່ນັກຂ່າວພະແນກພາສາເນປານວິທະຍຸ CRI ວ່າ, ຕອນເຊົ້າມື້ດຽວກັນ, ທ່ານໄດ້ຟັງພິທີໄຂກອງປະຊຸມສະພາປະຊາຊົນແຫ່ງຊາດຈີນຄັ້ງທີ 1 ຊຸດທີ 13, ທ່ານ ຫຼີເຄີ້ສຽງ ນາຍົກລັດຖະມົນຕີຈີນ ໄດ້ຜ່ານບົດລາຍງານວຽກງານລັດຖະບານຕໍ່ກອງປະຊຸມ ເຊິ່ງສະແດງໃຫ້ເຫັນວ່າ ຈີນໄດ້ເຂົ້າສູ່ໄລຍະພັດທະນາຂອງຍຸກໃໝ່.

ທ່ານ ກ່າວວ່າ, ປະເທດອ້ອມຂ້າງເຊິ່ງລວມປະເທດຕົນ ລ້ວນແຕ່ຈະສາມາດໄດ້ຮັບຜົນປະໂຫຍດຈາກການພັດທະນາຂອງຈີນ, ໂດຍສະເພາະແມ່ນຂໍ້ລິເລີ່ມ "ໜຶ່ງແລວໜຶ່ງເສັ້ນທາງ" ຂອງຈີນ, ອາໃສຂໍ້ລິເລີ່ມດັ່ງກ່າວ, ພື້ນຖານໂຄງລ່າງຂອງປະເທດຕົນຈະໄດ້ຮັບການປັບປຸງໃຫ້ດີຂຶ້ນຢ່າງຫຼວງຫຼາຍ. ນອກນີ້, ທາງລົດໄຟຄວາມໄວສູງແລະການຄ້າເອເລັກໂຕຣນິກທີ່ພັດທະນາຢ່າງວ່ອງໄວຂອງຈີນ ກໍຈະກາຍເປັນແບບຢ່າງຂອງໂລກ, ປະຊາຊົນທົ່ວໂລກຈະໄດ້ຮັບຜົນປະໂຫຍດຢ່າງຫຼວງຫຼາຍຈາກການພັດທະນາເຫຼົ່ານີ້ຂອງຈີນ.