ໂຄງການແລກປ່ຽນການນຳຂັ້ນບ້ານອາຊຽນ+3 ຄັ້ງທີ 6 ໄດ້ຈັດຂຶ້ນຢູ່ກິ່ງແຂວງປົກຄອງຕົນເອງເຜົ່າລື້ສິບສອງພັ່ນນາແຂວງຢູນນານ ສປ ຈີນໃນວັນທີ 5 ມີນານີ້ ແລະຈະດຳເນີນເປັນເວລາໜຶ່ງອາທິດ, ມີຜູ້ຕາງໜ້າຈາກ 9 ປະເທດອາຊຽນ ແລະ ຈີນພ້ອມດ້ວຍກອງເລຂາອາຊຽນ ແລະອົງການຈັດຕັ້ງສາກົນອື່ນໆລວມທັງໝົດເກືອບ 80 ທ່ານໄດ້ເຂົ້າຮ່ວມ.
ຈຸດປະສົງຂອງກິດຈະກຳແລກປ່ຽນຄັ້ງນີ້ ເພື່ອເຮັດໃຫ້ຜູ້ຕາງໜ້າປະເທດອາຊຽນສາມາດຊອກຮູ້ສະພາບການພັດທະນາເສດຖະກິດ-ສັງຄົມຢູ່ຊົນນະບົດຈີນ ແລະ ເພີ່ມທະວີຂີດຄວາມສາມາດຂອງຜູ້ນຳຂັ້ນບ້ານປະເທດອາຊຽນໂດຍຜ່ານການສຳມະນາ ແລະ ທັດສະນະສຶກສາຢູ່ຊົນນະບົດແລະເຂດຊຸມຊົນ.
ໃນໄລຍະຈັດກິດຈະກຳ, ຜູ້ເຂົ້າຮ່ວມທັງໝົດຈະໄປທັດສະນະສຶກສາກະສິກຳດ້ານນິເວດ, ການທ່ອງທ່ຽວຊົນນະບົດ ແລະໂຄງການອື່ນໆຢູ່ເມືອງຫຼ້າກິ່ງແຂວງສິບສອງພັ່ນນາ.