ທ່ານອູກວ່າງຮຸ່ຍ ຜູ້ແທນສະພາປະຊາຊົນແຫ່ງຊາດຈີນ, ຊ່າງໃຫຍ່ອອກແບບຍົນໂດຍສານຂະໜາດໃຫຍ່ C919 ໄດ້ຢືນຢັນຢູ່ນະຄອນຫຼວງປັກກິ່ງວ່າ: ມາຮອດປັດຈຸບັນ, ຍົນ C919 ໄດ້ຮັບການຈອງຊື້ຈາກລູກຄ້າພາຍໃນປະເທດແລະສາກົນເຖິງ 815 ລຳແລ້ວ ເຊິ່ງສະແດງໃຫ້ເຫັນວ່າ ຍົນ C919 ໄດ້ຮັບຄວາມນິຍົມຊົມຊອບຈາກຕະຫຼາດພາຍໃນແລະຕ່າງປະເທດນັບມື້ນັບຫຼາຍຂຶ້ນ.
ທ່ານອຸກວ່າງຮຸ່ຍ ຍັງກ່າວຕື່ມວ່າ: ຍົນ C919 ລຳທີ 3 ຈະບິນທົດລອງກ່ອນທ້າຍປີນີ້ ແລະ ໃນປີໜ້າຍັງຈະມີ 3 ລຳບິນທົດລອງອີກ. ຂະນະທີ່ບໍລິສັດເຮືອບິນທຸລະກິດຈີນຈຳກັດ（COMAC） ກໍພວມຮ້ອງຂໍໃບຮັບຮອງການເດີນອາກາດນຳເຈົ້າໜ້າທີ່ທີ່ກ່ຽວຂ້ອງຂອງເອີຣົບ ແລະໄດ້ດຳເນີນການຄົ້ນຄວ້າພິຈາລະນາ 2 ເທື່ອມາແລ້ວຫຼັງໄດ້ຮັບການຮ້ອງຂໍຈາກຈີນ ແລະໃນປີນີ້ຈີນຍັງຈະມອບຍົນ ARJ21 15 ລຳໃຫ້ລູກຄ້າໄປນຳໃຊ້ ແລະ ໂຄງການຍົນໂດຍສານຂະໜາດໃຫຍ່ CR929 ທີ່ຈີນແລະຣັດເຊຍຮ່ວມມືຄົ້ນຄວ້າຜະລິດນັ້ນກໍພວມເລັ່ງລັດດຳເນີນຢູ່.
