ວັນທີ 5 ມີນານີ້, ຫຼັງຈາກທ່ານໂດນັນ ທຣຳ ປະທານາທິບໍດີອາເມລິກາໄດ້ພົບປະກັບທ່ານ ເບັນຈາມີນ ເນຕັນຢາຮູ ນາຍົກລັດຖະມົນຕີອິດຣະແອນແລ້ວທ່ານໄດ້ກ່າວວ່າ: ອາດຈະເຂົ້າຮ່ວມພິທີເປີດສະຖານທູດໃໝ່ອາເມລິກາປະຈຳນະຄອນຫຼວງເຢຣູຊາແລມປະເທດອິດຣະແອນ.
ທ່ານທຣຳໄດ້ໃຫ້ສຳພາດຕໍ່ສື່ມວນຊົນຢູ່ທຳນຽບຂາວວ່າ: ປະເທດຕົນກຳລັງພິຈາລະນາຈັດການເລື່ອງດັ່ງກ່າວ ແລະຂ້າພະເຈົ້າກໍ່ຄອງຄອຍໄປອິດສະຣະແອນອີກຄັ້ງ.
ວັນທີ 23 ກຸມພາແລ້ວນີ້, ກະຊວງການຕ່າງປະເທດອາເມລິກາໄດ້ລາຍງານວ່າ: ສະຖານທູດອາເມລິກາປະຈຳເຢຣູຊາແລມມີແຜນການຈະເປີດໃນເດືອນພຶດສະພາປີ 2018 ນີ້. ຂະນະດຽວກັນ, ທຳນຽບປະທານາທິບໍດີປາແລັດສະຕິນກໍໄດ້ອອກຖະແຫຼງ: ກ່າວເຕືອນອາເມລິກາວ່າ: ບໍ່ຄວນຂືນຍ້າຍສະຖານທູດອາເມລິກາປະຈຳອິດສະຣະແອນຈາກນະຄອນແຕນອາວິຟໄປເຢຣູຊາແລມ.