ວັນທີ 7 ມີນານີ້, ທ່ານຊຽວເຈ໋ຍ ລັດຖະມົນຕີກະຊວງການເງິນຈີນກ່າວຢູ່ນະຄອນຫຼວງປັກກິ່ງວ່າ: ປີນີ້, ຈີນຈະສືບຕໍ່ປະຕິບັດນະໂຍບາຍຫຼຸດອາກອນ ແລະຄ່າທຳນຽມຕ່າງໆລົງ, ຫຼຸດພາລະຂອງວິສາຫະກິດຕື່ມອີກ ເພື່ອໃຫ້ຕະຫຼາດມີກຳລັງການພັດທະນາໃຫຍ່ກວ່າເກົ່າ.
ທ່ານສ່ຽວເຈກ່າວໃນກອງປະຊຸມຂ່າວທີ່ຈັດຂຶ້ນຢູ່ສູນຂ່າວກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນວ່າ: ປີນີ້, ຈີນຈະສືບຕໍ່ປະຕິຮູບ ແລະປັບປຸງລະບຽບອາກອນມູນຄ່າເພີ່ມ ແລະສະໜັບສະໜູນການພັດທະນາເສດຖະກິດຕົວຈິງ.
ທ່ານກ່າວຕື່ມວ່າ: ຫຼັງຈາກປະຕິບັດນະໂຍບາຍການຫຼຸດອາກອນລົງແລ້ວ, ຄາດວ່າໝົດປີຈະຫຼຸດລົງຫຼາຍກວ່າ 800 ຕື້ຢວນ. ຂະນະດຽວກັນ, ປີນີ້ຍັງແຜນການປັບປຸງຄ່າທຳນຽມພາກລັດ, ຄ່າທຳນຽມບໍລິການ ແລະໃຫ້ເປັນລະບຽບອື່ນໆ, ຄາດວ່າໝົດປີຈະຫຼຸດລົງ 300 ຕື້ກວ່າຢວນ.
 |
