ຕອນເຊົ້າວັນທີ 6 ມີນານີ້, ທ່ານຫຼີເຄີ້ສຽງ ກຳມະການປະຈຳກົມການເມືອງສູນກາງພັກກອມມູນິດຈີນ ນາຍົກລັດຖະມົນຕີຈີນໄດ້ໄປເຂົ້າຮ່ວມການສຳຫຼວດພິຈາລະນາບົດລາຍງານວຽກງານລັດຖະບານກັບຄະນະຜູ້ແທນເຂດປົກຄອງຕົນເອງເຜົ່າຈ້ວງກວາງຊີຂອງກອງປະຊຸມເທື່ອທີ 1 ຂອງສະພາປະຊາຊົນແຫ່ງຊາດຈີນສະໄໝທີ 13.
ທ່ານຫຼີເຄີ້ສຽງຊີ້ອອກວ່າ, ເພື່ອຮັກສາທ່ວງທ່າພັດທະນາທີ່ດີ, ຕ້ອງສືບຕໍ່ອີງໃສ່ການປະຕິຮູບ, ເປີດປະຕູສູ່ພາຍນອກ ແລະ ປະດິດສ້າງໃໝ່ ແລະ ຕ້ອງປະຕິບັດແນວຄິດພັດທະນາທີ່ຖືປະຊາຊົນເປັນໃຈກາງ. ຈຸດປະສົງກົກຮາກແຫ່ງການຊຸກຍູ້ການປະຕິຮູບ ແລະ ການພັດທະນາຂອງພວກເຮົາແມ່ນເຮັດໃຫ້ຊີວິດການເປັນຢູ່ຂອງປະຊາຊົນດີຂຶ້ນເລື້ອຍໆ. ລັດຖະບານ ແລະ ອຳນາດການປົກຄອງທຸກຂັ້ນຕ້ອງຍຶດໝັ້ນປະຢັດມັດທະຍັດ ເພື່ອໃຫ້ມີງົບປະມານຫຼາຍກວ່າເກົ່າໃຊ້ເຂົ້າໃນຂົງເຂດຮັບປະກັນ ແລະ ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
