ອັດຕາຂຸມການເງິນຂອງຈີນຫຼຸດລົງຈະສ້າງຊ່ອງທາງກວ້າງຂວາງກວ່າເກົ່າໃຫ້ແກ່ການພັດທະນາເສດຖະກິດຈີນຢ່າງຖາວອນ ແລະ ປະຕິບັດມາດຕະການດັດສົມມະຫາພາກທີ່ບັງເກີດຜົນ

ວັນທີ 7 ມີນານີ້, ທ່ານຊຽວເຈ໋ຍ ລັດຖະມົນຕີກະຊວງການເງິນຈີນເປີດເຜີຍໃນໃນກອງປະຊຸມຂ່າວຂອງກອງປະຊຸມເທື່ອທີ 1 ຂອງສະພາປະຊາຊົນແຫ່ງຊາດຈີນສະໄໝທີ 13 ວ່າ, ອັດຕາຂຸມການເງິນຂອງຈີນໃນປີນີ້ຕ່ຳກວ່າປີຜ່ານມາ, ແຕ່ທິດທາງນະໂຍບາຍການເງິນທີ່ຕັ້ງໜ້າຂອງຈີນບໍ່ໄດ້ປ່ຽນແປງ. ປີນີ້ຂຸມການເງິນມີປະມານ 2380 ຕື້ຢວນ, ມີຂະໜາດເທົ່າກັບປີຜ່ານມາ ແລະ ອັດຕາຂຸມການເງິນຫຼຸດລົງໜ້ອຍໜຶ່ງ ເຊິ່ງສອດຄ່ອງກັບເສດຖະກິດຈີນພັດທະນາຢ່າງໜັກແໜ້ນ ແລະ ມີສະພາບການເງິນດີຂຶ້ນເລື້ອຍໆ.

ໂອກາດນີ້, ທ່ານຊຽວເຈ໋ຍກ່າວຕື່ມວ່າ, ປີນີ້, ຈີນຍັງໄດ້ປະຕິບັດນະໂຍບາຍການເງິນທີ່ຕັ້ງໜ້າຢ່າງແຂງແຮງ. ພ້ອມກັນນັ້ນ, ການລົງທຶນດ້ານພື້ນຖານໂຄງລ່າງຂັ້ນສູນກາງໄດ້ເພີ່ມຂຶ້ນ 30 ຕື້ຢວນ. ນອກນີ້, ຈີນຍັງໄດ້ຫຼຸດອາກອນ ແລະ ຄ່າທຳນຽມຕ່າງໆໃຫ້ໜ້ອຍລົງອີກດ້ວຍ.