ດ່ານກຳນົດເພື່ອນຳເຂົ້າໝາກໄມ້ນະຄອນຕຸ່ງຊິງເຂດປົກຄອງຕົນເອງເຜົ່າຈ້ວງກວາງຊີ ສປ ຈີນໄດ້ເລີ່ມທົດລອງເປີດບໍລິການເປັນເວລາ 2 ເດືອນຢ່າງເປັນທາງການຢູ່ນະຄອນມອງກາຍປະເທດຫວຽດນາມໃນວັນທີ 7 ມີນານີ້. ໃນໄລຍະທົດລອງເປີດບໍລິການ, ຕະຫຼາດສອງຝ່າຍຈີນ-ຫວຽດນາມຈະບໍ່ເກັບຄ່າຜ່ານຂົວ,ຄ່ານຳໃຊ້ພື້ນຖານໂຄງລ່າງແລະອື່ນໆ ໂດຍອະນຸຍາດໃຫ້ລົດບັນທຸກ 4 ລໍ້ມາດຕະຖານນ້ຳໜັກບໍ່ກາຍ 5 ໂຕນຂອງສອງຝ່າຍຜ່ານດ່ານ.
ເດືອນເມສາປີ 2016, ນະຄອນຕຸ່ງຊິງໄດ້ຮັບການອະນຸຍາດຈາກລັດໃຫ້ສ້າງຕັ້ງດ່ານກຳນົດນຳເຂົ້າໝາກໄມ້. ຈາກຄວາມພະຍາຍາມຮ່ວມຂອງສອງປະເທດຈີນ-ຫວຽດນາມ, ໂຄງການດ່ານນຳເຂົ້າໝາກໄມ້ມອງກາຍ-ຕຸ່ງຊິງໄດ້ເລີ່ມປະຕິບັດໃນເດືອນພຶດສະພາປີດຽວກັນ ເຊິ່ງດ່ານແຫ່ງນີ້ສາມາດຊ່ວຍນັກທຸລະກິດຈີນທີ່ນຳເຂົ້າໝາກໄມ້ຈາກຫວຽດນາມຫຼຸດຕົ້ນທຶນຕ່າງໆຢ່າງມີປະສິດທິຜົນ, ປະຍັດເວລາຜ່ານດ່ານ, ເພີ່ມປະລິມານການສະໜອງໝາກໄມ້ສົດທີ່ລາຄາຖືກໄປໃຫ້ຈີນຫຼາຍຂຶ້ນກວ່າເກົ່າເພື່ອຕອບສະໜອງຕາມຄວາມຮຽກຮ້ອງຕ້ອງການຂອງຜູ້ບໍລິໂພກ.
