ໃນພິທີຖະແຫຼງຂ່າວຂອງກອງປະຊຸມເທື່ອທີ 1 ຂອງສະພາປະຊາຊົນແຫ່ງຊາດຈີນສະໄໝທີ 13, ທ່ານເຫີລີ້ເຟີ່ງ ຫົວໜ້າຄະນະກຳມະການພັດທະນາແລະປະຕິຮູບແຫ່ງຊາດຈີນເປີດເຜີຍວ່າ, ຕາມສະຖິຕິທີ່ບໍ່ຄົບຖ້ວນ, ກຸ່ມຄົນທີ່ມີລາຍຮັບລະດັບກາງຂອງຈີນຫຼາຍກວ່າ 400 ລ້ານຄົນ, ເປັນອັນດັບທີໜຶ່ງໃນໂລກ. ນີ້ໄດ້ສ້າງເງື່ອນໄຂນັບມື້ນັບດີຂຶ້ນຕໍ່ຈີນໃນການຂະຫຍາຍຕະຫຼາດພາຍໃນຂອງຕົນ.
ທ່ານເຫີລີ້ເຟີ່ງ ກ່າວວ່າ, ປີຜ່ານມາ, ຈີນໄດ້ສ້າງຕົວເລກ "10 ລ້ານສອງປະການ", ໜຶ່ງແມ່ນຕົວເມືອງຈີນເພີ່ມຕຳແໜ່ງງານໃໝ່ໄດ້ 13 ລ້ານ 5 ແສນ 1 ໝື່ນຄົນ, ນີ້ແມ່ນຄັ້ງທຳອິດໃນປະຫວັດສາດຂອງຈີນ, ສອງ ຈີນສາມາດເຮັດໃຫ້ປະຊາກອນທຸກຍາກ 12 ລ້ານ 8 ແສນ 9 ໝື່ນຄົນພົ້ນອອກຄວາມທຸກຍາກ, ນີ້ແມ່ນເລື່ອງຍາກຫຼາຍພາຍໃຕ້ມາດຕະຖານຫຼຸດພົ້ນອອກຈາກສະພາບຄວາມທຸກຍາກໃນປັດຈຸບັນ.
ທ່ານເຫີລີ້ເຟີ່ງກ່າວຕື່ມວ່າ, ຜົນງານສັງລວມເຮັດໃຫ້ເສດຖະກິດຈີນໄດ້ພັດທະນາຢ່າງ ໝັ້ນທ່ຽງ, ປອດໃສແລະຍືນຍົງໃນປີຜ່ານມາ, ສະແດງໃຫ້ເຫັນວ່າເສດຖະກິດຈີນເຕັມໄປດ້ວຍພະລັງຊີວິດແລະກຳລັງບົ່ມຊ້ອນຢ່າງມະຫານສານ.
 |
