ທ່ານຄົນສ໌ທັນຕິນ ໂຄຊະເຊັຟ ປະທານສະພາສູງຣັດເຊຍກ່າວໃນວັນທີ 7 ມີນານີ້ວ່າ, ມາດຕະການຂວ້ຳບາດໃໝ່ຂອງອາເມລິກາທີ່ແນໃສ່ ສປປ ເກົາຫຼີແມ່ນເພື່ອທຳລາຍການເຈລະຈາສັນຕິພາບລະຫວ່າງ ສປປ ເກົາຫຼີແລະ ສ ເກົາຫຼີ.
ທ່ານ ໂຄຊະເຊັຟ ກ່າວວ່າ, ມາດຕະການຂວ້ຳບາດໃໝ່ແມ່ນອາເມລິກາຕັ້ງໃຈປະຕິບັດໃນຂະນະທີ່ສະຖານະການແຫຼມເກົາຫຼີຜ່ອນຄາຍລົງຢ່າງເດັ່ນຊັດ, ເປົ້າໝາຍແມ່ນເພື່ອທຳລາຍການເຈລະຈາສັນຕິພາບລະຫວ່າງສອງປະເທດດັ່ງກ່າວ, ຍ້ອນວ່າອາເມລິກາບໍ່ຍອມຮັບຮອງສັນຕິພາບໃດໆທັງນັ້ນ.
ກະຊວງການຕ່າງປະເທດອາເມລິກາອອກຖະແຫຼງການໃນວັນທີ 6 ມີນານີ້ວ່າ, ອາເມລິກາເຫັນວ່າ, ຜູ້ຊາຍ ສປປ ເກົາຫຼີຜູ້ໜຶ່ງຖືກລອບສັງຫານຢູ່ສະໜາມບິນສາກົນກົວລາລຳເປີປະເທດມາເລເຊຍດ້ວຍສານເຄມີ. ອາເມລິກາຈຶ່ງປະຕິບັດມາດຕະການຂວ້ຳບາດໃໝ່ຕໍ່ ສປປ ເກົາຫຼີໂດຍອີງຕາມກົດໝາຍຂອງປະເທດຕົນ. ມາດຕະການຂວ້ຳບາດຈະມີຜົນບັງຄັບໃຊ້ເລີ່ມແຕ່ວັນທີ 5 ມີນານີ້ເປັນຕົ້ນໄປ. ແຕ່ອາເມລິກາບໍ່ໄດ້ເປີດເຜີຍມາດຕະການຂວ້ຳບາດລະອຽດແຕ່ຢ່າງໃດ.
 |
