ກອງປະຊຸມເທື່ອທີ 1 ຂອງສະພາປະຊາຊົນແຫ່ງຊາດຈີນສະໄໝທີ 13 ໄດ້ຈັດພິທີຖະແຫຼງຂ່າວໃນວັນທີ 7 ມີນານີ້, ທ່ານຫານສາງຟູ້ ລັດຖະມົນຕີກະຊວງກະສິກຳຈີນໄດ້ຕອບຄຳຖາມຂອງນັກຂ່າວໂດຍກ່າວວ່າ, ປັດຈຸບັນ, ຊົນນະບົດມີເຮືອນຫຼາຍແຫ່ງບໍ່ມີຄົນຢູ່, ແລ້ວເມື່ອຮອດບຸນກຸດຈີນແລ້ວຈິ່ງມີຄົນກັບໄປສະຫຼອງບຸນກຸດຈີນຢູ່ເຮືອນຊານເຫຼົ່ານີ້. ເຮືອນເຫຼົ່ານີ້ຫວ່າງເປັນໄລຍະດົນນານ ຈະເປັນການສິ້ນເປືອງຢ່າງຫຼວງຫຼາຍ. ຂະນະດຽວກັນ, ມີຄົນໃນເມືອງຫຼາຍຄົນໄປເຮັດທຸລະກິດຢູ່ຊົນນະບົດ ແລະ ມີຄວາມຕ້ອງການຢາກໃຊ້ເຮືອນເຫຼົ່ານີ້.
ທ່ານຫານສາງຟູ້ຊີ້ອອກວ່າ, "ເອກະສານເລກໜຶ່ງ" ຂອງປີນີ້ສະເໜີອອກມາວ່າ ຈະປັບປຸງນະໂຍບາຍກ່ຽວກັບດິນປຸກສ້າງເຮືອນ ແລະ ເຮືອນຢູ່ ທີ່ຫວ່າງຢູ່ຂອງຊາວກະສິກອນໃຫ້ດີ, ຄົ້ນຄວ້າ "ການຈັດສັນສິດເປັນເຈົ້າຂອງ, ສິດຄຸນວຸດທິ ແລະ ສິດນຳໃຊ້" ຂອງດິນປຸກສ້າງເຮືອນ ເຊິ່ງຍຶດໝັ້ນໃຫ້ໃຊ້ສິດນຳໃຊ້ດິນປຸກສ້າງເຮືອນຢ່າງຄ່ອງແຄ້ວ ບົນພື້ນຖານໃຫ້ສິດເປັນເຈົ້າຂອງດິນປຸກສ້າງເຮືອນເປັນຂອງຮວມໝູ່ຊາວກະສິກອນ ແລະ ສິດຄຸນວຸດທິເປັນຂອງສະມາຊິກເສດຖະກິດຮວມໝູ່. ໂດຍຜ່ານຫຼາຍວິທີ ເພື່ອ ນຳໃຊ້ເຮືອນຊົນນະບົດໃຫ້ດີກວ່າເກົ່າ.
 |
