ວັນທີ 6 ມີນານີ້, ທ່ານເສິນສຽວຕຸ່ງ ຜູ້ຊ່ວຍລັດຖະມົນຕີກະຊວງການຕ່າງປະເທດຈີນໄດ້ພົບປະທ່ານສົງການ ຫຼວງມູນິນທອນ ເຈົ້າໜ້າທີ່ອາວຸໂສການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງລາວ, ຫົວໜ້າກົມເສດຖະກິດກະຊວງການຕ່າງປະເທດລາວ, ສອງຝ່າຍໄດ້ແລກປ່ຽນຄວາມເຫັນກ່ຽວກັບການພົວພັນຈີນ-ລາວ ແລະ ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ.
ທ່ານເສິນສຽວຕຸ້ງໄດ້ຕັ້ງໜ້າຕີລາຄາຄວາມຄືບໜ້າແຫ່ງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ໂດຍກ່າວວ່າ, ຈີນ ແລະ ລາວເປັນປະເທດປະທານຮ່ວມ, ຄວນປະສານສົມທົບກັນຢ່າງແໜ້ນແຟ້ນ, ຈັດຕັ້ງປະຕິບັດຄວາມເຫັນທີ່ເປັນເອກະພາບກັນຂອງກອງປະຊຸມສຸດຍອດການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທີ 2 ຢ່າງແທ້ຈິງ, ສ້າງແລວທາງພັດທະນາເສດຖະກິດເຂດລ້ອງແມ່ນ້ຳລ້ານຊ້າງ-ແມ່ນ້ຳຂອງ, ຮ່ວມກັນສ້າງປະຊາຄົມຮ່ວມຊາຕາກຳປະເທດແມ່ນ້ຳລ້ານຊ້າງ-ແມ່ນ້ຳຂອງ ເພື່ອສ້າງຜົນປະໂຫຍດໃຫ້ແກ່ປະຊາຊົນບັນດາປະເທດໃນພາກພື້ນນີ້.ທ່ານສົງການກ່າວວ່າ, ລາວໃຫ້ຄວາມສຳຄັນຢ່າງສູງຕໍ່ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ແລະ ຍິນດີຮ່ວມກັບຈີນ ແລະ ປະເທດອື່ນໆໃນພາກພື້ນນີ້ ເພື່ອຊຸກຍູ້ໃຫ້ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງໄດ້ຮັບຄວາມຄືບໜ້າຫຼາຍກວ່າເກົ່າ ແລະ ກ້າວຂຶ້ນສູ່ລະດັບໃໝ່.