ວັນທີ 8 ມີນານີ້, ທ່ານໂດນານ ທຣຳ ປະທານາທິບໍດີອາເມລິກາໄດ້ເຊັນອະນຸມັດທີ່ຈະຂຶ້ນພາສີນຳເຂົ້າຜະລິດຕະພັນເຫຼັກກ້າ ແລະອາລູມີນຽມຕື່ມ. ມາດຕະການປົກປ້ອງການຄ້າໃໝ່ດັ່ງກ່າວໄດ້ເຮັດໃຫ້ມີສຽງຄັດຄ້ານພາຍໃນປະເທດອາເມລິກາ ແລະປະຊາຄົມໂລກ.
ທ່ານທຣຳໄດ້ປະກາດຢູ່ທຳນຽບຂາວໃນມື້ດຽວກັນວ່າ: ປະເທດຕົນຈະເກັບພາສີນຳເຂົ້າເຫຼັກກ້າເຖິງ 25% ແລະອາລູມີນຽມເຖິງ 10%. ມາດຕະການດັ່ງກ່າວຈະເລີ່ມປະຕິບັດຢ່າງເປັນທາງການພາຍຫຼັງ 15 ມື້ທີ່ໄດ້ລົງລາຍເຊັນອະນຸມັດເປັນຕົ້ນໄປ.
ນອກຈາກນີ້, ເນື່ອງຈາກອາເມລິກາ, ການາດາ ແລະເມັກຊິກກຳລັງເຈລະຈາສັນຍາການຄ້າເສລີທະວີບອາເມລິກາເໜືອຄືນໃໝ່, ທ່ານທຣຳກ່າວວ່າ: ປະເທດການາດາ ແລະເມັກຊິກຈະຖືກຍົກເວັ້ນພາສີທີ່ກ່ຽວຂ້ອງຊົ່ວຄາວ. ຂະນະດຽວກັນ, ກຸ່ມເສດຖະກິດອື່ນໆກໍມີໂອກາດຍົກເວັ້ນພາສີດັ່ງກ່າວ ແລະອາເມລິກາຈະສົ່ງຜູ້ແທນການຄ້າຮັບຜິດຊອບການເຈລະຈາຕົວຈິງ.
 |
