ວັນທີ 9 ມີນານີ້, ສູນຂ່າວກອງປະຊຸມເທື່ອທຳອິດຂອງສະພາປະຊາຊົນແຫ່ງຊາດຈີນຊຸດທີ 13 ໄດ້ຈັດກອງປະຊຸມຂ່າວພາຍໃຕ້ຫົວຂໍ້ "ການປະຕິຮູບ ແລະການພັດທະນາການເງິນ". ເຈົ້າໜ້າທີ່ທະນາຄານກາງຈີນໄດ້ຢືນຢັນວ່າ: ຈີນຈະເປີດປະຕູສູ່ໂລກພາຍນອກໃນຂົງເຂດການເງິນຕື່ມອີກ.
ທ່ານໂຈ່ວສຽວຊ່ວນແນະນຳວ່າ: ໃນໄລຍະ 5 ປີຜ່ານມາ, ຈີນໄດ້ອອກກົນໄກເຊື່ອມຈອດຕະຫຼາດຫຸ້ນ "ຊຽງໄຮ-ຮົງກົງ", ກົນໄກເຊື່ອມຈອດຕະຫຼາດຫຸ້ນ "ເຊີ່ນເຈີ້-ຮົງກົງ" ແລະກົນໄກເຊື່ອມຈອດຕະຫຼາດພັນທະບັດແຜ່ນດິນໃຫຍ່ຈີນ-ຮົງກົງ ເຊິ່ງລ້ວນແຕ່ເປັນການເປີດປະຕູສູ່ໂລກພາຍນອກໃນຕະຫຼາດການເງິນ. ຜົນສຳເລັດດັ່ງກ່າວກໍໝາຍຄວາມວ່າ ຈີນໄດ້ມີຄວາມກ້າວໜ້າທີ່ດີໃນດ້ານການແລກປ່ຽນເງິນຕາ.
ທ່ານຢີ້ກ່າງ ຮອງຜູ້ວ່າການທະນາຄານກາງຈີນກ່າວວ່າ: ການເປີດປະຕູສູ່ໂລກພາຍນອກຂອງຕະຫຼາດການເງິນບໍ່ໝາຍຄວາມວ່າຈະຜ່ອນຍານການຄວບຄຸມ. ໂດຍຜ່ານການເພີ່ມທະວີການຕິດຕາມຄຸ້ມຄອງ ແລະປັບປຸງກົນໄກທີ່ກ່ຽວຂ້ອງ, ຈຶ່ງສາມາດປ້ອງກັນ ແລະແກ້ໄຂຄວາມສ່ຽງດ້ານການເງິນ ແລະຮັກສາຄວາມໝັ້ນທ່ຽງຂອງການເງິນໄດ້.